2 TIMOTHI 3:16 - NIEMNYAN Naga NT (BSI)

¹⁶ Chentô Joban nyapraangpa Joban hung junko raangeka ngale erepa nyahrãng alemli thôan toangtang pa hethô rãngmemin alemli, kaamchhih moatte hehnâng ritngatrãng, athe heh pûnsietrãng, ngale toangtangma jiensông rãngma rîn akhah rãngmemin nyahrãng alemli thôan,

2 TIMOTHI 3:16 Iomraidhean Croise

MATHIU 13:52

Ephumma atema thinnâng dânthâng wah, “Are ngaeka pa chentô, niemarang hethôte hehma rangkhethung Hahsông dijunte rãng dangwak eka, erepa hum tângte wama ate pum wah chhahkhem anyan ngale apã aroamma loatsiet rãngrãng dangeka.”

MATHIU 21:42

Jisu ma thinnâng ngatwah, “Joban nyapraang nâng chenroh raangeka arepa nema mathat chohweihne? ‘Humhôante ma achhih ngama petphe eka longpa chentô noma alemthôan longrãng dangeka; Arepa Teso ma moeka; Phumma arepa chentô nyoaksok lisên moeka!’

MATHIU 22:43

Jisu ma thinnâng chhienwah, “Eroh medang ako,” Devit ma Misaia nâng ‘Teso’ ngama roorãng Juma chenrãng chienwah a? Devit ma ngatwah,

MATHIU 26:54

Phumma ngama eroh meroo angko, Joban nyapraang nâng nga aroh dângmin ngama raang ekapa chenroh toangtang jiendângmin a?”

MATHIU 26:56

Are chentôpa mõng hehma Joban nyapraang nâng raangtah heh toangtang dângrãngma dangeka.” Erediko dijunte hehma ate phethien lahma huhchhoan wah.

MAK MA RAANGWAH NGINKONGSEN 12:24

Jisu ma thinnâng dânthâng wah, “Nea nyahrãng athe! Ngale chenrãngma the eken a erepa nemajet en a? Nema Joban nyapraang ngale Joban chaanpa lejet junko the eken.

MAK MA RAANGWAH NGINKONGSEN 12:36

Asâthôanju ma Devit nâng jabthukwah: ‘Teso ma nga Teso nâng ngaeka: Ngama nangran heh nang daphâ khenko mathien thienkoh kiko nanga are nga dekchahko tongo.’

JON MA RAANGWAH NGINKONGSEN 10:35

Nãngma ajet Joban nyapraangma chenni ngaeka erepa roantang roangjêng rãng toangtang; ngale Joban ma ate ngin thôkotah mihnyan hehnâng joban ngawak eka.

JON MA RAANGWAH NGINKONGSEN 3:20

Henhenma achhihli moeka erehehma wenphiakko chhihchoh eka ngale wenphiakko hûwakmah, chenrãngma ngako thinma moatlem chhih heh kherit hunmah.

MOATLEM 1:16

Atema ngatwah, “Ngalemruchha heh,” “Joban nyapraangpa toangtang dangeka, Asâthôanju ma Devit nâng, Juda ma Jisu khhekte heh lemsên hokrãngma jabthuk tahpa toangtang dangeka.

MOATLEM 18:25

Atenâng Teso nginpa senthemthem thôko lahma dângwah, ngale atema nyahrãng hung arin kohlahma Jisu nginpa mihnyan hehnâng phoangthô kohwah. Rohkomin atema Jon ma koheka baptijem pelolo jetwah.

MOATLEM 20:20

Nemajet ngama nok atang heh chhangnâng ngale nekhu humhum nâng hûlekma phoangthô lekma hethôtah poatko nerãngma senli heh chenjô lethôkoh thangma huhriemho.

MOATLEM 20:27

Chenrãngma ngako ngama Joban ngin ngale atema huneka heh nenâng phangtang thôkotah.

MOATLEM 28:25

Ephumma thindede tungko nginthun lejut thangma dângwah, phumma thin phanchhoan mako, Pol ma thinnâng are jabkhab khabthepa ngatwah: “Asâthôanju junma Mõng Isaia ma nete newa hehnâng chentôsên ngatwah a!

ROMAN HEHNÂNG POLMA RAANGWAH SITI 15:4

Joban nyapraang nâng chentô raangthien ekapa nãngnâng hethhô rãng raangthien eka, erohwah Joban nyapraang pumma nãnghung môngsiet junko ngale nãnghung dôngsiet junko nãngma thonghun ekipa etachoh e.

ROMAN HEHNÂNG POLMA RAANGWAH SITI 2:20

ngale aba hehnâng hethôte, ngale chenjô lejette heh chhinthôte ngama ngarii eken. Ngale nema Niemarang pa phangtangma lâjettih erediko nima thôekipa toangtang ngama ngaeken.

ROMAN HEHNÂNG POLMA RAANGWAH SITI 3:2

Linlin ajahthem lemkhonâng Jews hehma bâmchoh letma tonga! Khebengthôan pejô Joban ma ate nginkongpa Jews hehnâng bengkohwah.

ROMAN HEHNÂNG POLMA RAANGWAH SITI 4:23

“Atea toangtang ngama kepeka” are jabkhab pa aterãng lolo raang dângwah.

1 KORINT 12:7

Anga nga mihnyan nâng Jupa chenni ngema komin johtong lahma kheki, erepa chentô mihnyan rãng asenrãng johtong eka.

GALATIEN 3:8

Joban ma Jews ledangte heh ate demnâng putedâlem junko toangtang dângthukmin ngama Joban nyapraangma amathuma thôwah. Ngale Joban nyapraang pumma Abraham nâng Nginkongsen pa thôkoh wah: “Nang junma Joban ma chentô mihnyan nyuchha hehnâng rangkohmin ngama ngatwah.”

2 TIMOTHI 2:25

ngale ate lelatnâng dângte heh numnene danglahma pûnsiette dângmin, chenrãngma ngako, thinmin Joban ma hunglitthuk lahma toangtangko engakhu wak ra.

2 TIMOTHI 4:2

Joban nginkongpa phoangthôkoh, ngale lejak thangma phoangthôkoh (Sanpoat achhih medang komin, ba asen medang komin), chhînthô, ritngat, hungdongsiet rewak o, ngale erepa nanghung mongsietrii lohma hethôwak o.

HIBRU 11:1

Putedâlem pa nãngma metkep chohmin ngama dâlem ekiko ngaeki, ngale ere putedâlem pa nãng mitma lekheko metkep echoh e ngama dâlem ekiko ngaeka.

HIBRU 3:7

Erohwah Asâthôanju ma ngaeka, “Thejâ nangma Joban roat metat oko,

HIBRU 4:12

Joban jabkhab pa ahîn ngale achaan, ronghû rongka anah dãng nomemin anah. Ere pumma chentôpa thahdoak eka, Jule moang niimin taphandoak eka, ngale rokchî rãchîmin taphandoak eka. Ngale erepumma mihnyan hung khenwah thonghun eka hehmin lienjet eka.