2 TIMOTHI 2:3 - NIEMNYAN Naga NT (BSI)

³ Jisu Krista nginkepkep sipâhi sen rãngrãng danglohma nangmin chêmriio.

2 TIMOTHI 2:3 Iomraidhean Croise

MOATLEM 23:31

Sipâhi hehma sahhabdong thôan ngin keplahma erejâ rangpenpen ko Antipatris nâng lanhuroh Pol sietkatwah.

1 KORINT 13:7

Hun achet pumma chenthujô lekphemah; ngale ate ngewah putedâlem, dâlem, ngale hungmông rinmông dangeka pa chenthumin jekmah.

1 KORINT 9:7

Hen sipâhi ma atedede sipâhi dângdi thã thatthum riilahma tonga? Ngale hen pitmoatte ma thindede Angurbãng kowah Anguri lechhah rângdanga? Ngale hen saaksokte ma ate saak hehwah nyuhpoti lejok rângdanga?

2 KORINT 1:6

Nima chêmchei mechoh eko, erepa nenâng chohsokrãng chêm eki, ngale nekhu khope rãngma chêm eki; phumma nia lechêm medang eko, nemin lechêm thangmejô edangen, ngale nima tadôtih chêmchei pa jôba nememin mamtâdô rãng chaankoh ehèn.

1 TIMOTHI 1:18

Ngachha Timothi, Ngama are nginpa nangnâng thôkoh eki, ngale nang rãngma are nginpa khema thuma profisi thunnâng hôngjab katwah. Putedâlem rãngma senthemthem ran tâcheprãng are jabkhab heh ranloatmin chhahkhem heh rãngrãng kep o,

2 TIMOTHI 1:1

Joban hungsi junko Jisu Krista moattat chhoante rãng, ngale Joban ma toamsem tah roandôngpa Jisu Krista demnâng roamlihma chohmin ngama phoangthôkoh rãngma chienchhoan wah Pol ngewah raangeki-

2 TIMOTHI 1:8

Erohwah, nãng Teso hâkhi dângrãng nekrêsê; ngale Krista rãngma phâtek nâng khhekritte Nganâng min nekrêsê hang. Erenoma, Nginkongsen rãngma chêmriiroh reo, eroh tâchêmrit rãng Joban ma nangnâng chaankoh eho.

2 TIMOTHI 2:10

ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

2 TIMOTHI 2:9

Ngama Nginkongsen pa phoangthô junko, Ngama chêmchoh ekang, ngale mihngoan rãngrãng janruma khhekthien ehang. Rohkomin Joban Jabkhab pa janruma takhhek thienmah,

2 TIMOTHI 3:11

Nganâng chêmchei thukthang heh, ngale Ngama chêmchei chohtek hehmin nangma ajet. Ngale Ngama Antiok, Ikoniem, ngale Listra nâng nyahrãng cheili chêmchei hûlahma tadôtek hehmin nangma phangtang jet! Rohkomin ere chentô hehwah Teso ma pesietthang.

2 TIMOTHI 4:5

Rohkomin nanga chentô sanpoat roakweih jetrii lohma tongo; chêmchei hehmin tadôo, ngale Nginkongsen phoangthô moatlem mo o, ngale nang moatlem chentô nâng Joban haa rãngrãng danglohma mo o.

FILIMON 1:2

ngale nang humwah khôante Asâthem hehnâng, ngale nang nya Afia, ngale nangdemko sipâhi rãngrãng johdângte Arkipus nâng raangeka:

HIBRU 10:32

Thonghuntan en, amako nedemnâng chenroh dangtah a. Ere sanpoatko, Joban wenpa nekhoh nâng phiakkat diko, nema ajahthem chêmchei chohtet, rohkomin, nea ere chêmchei pumma tajienho.

HIBRU 11:27

Putedâlem junma Lowang rinkhahran lechei thangma Mosa Igip wah loatchhoan wah. Atema mitma lekhe Joban pa khe eka lele danglahma Igip nâng ngakwâng rãng lenyoak dângwah.

HIBRU 6:15

Abraham ma hungmongsiet lahma bemwah, erohwah Joban ma chenni toamsem tah a epa atema chohwah.

JEMS 1:12

Henpa chêmchei chohpoat komin putedâlem nâng asen danglahma tongeka ereheh a rangkepte mihnyan, chenrãngma ngako, chenthu thinma chêmchoh ekapa metadô tahko, Joban ma atenâng hun achette mihnyan hehnâng kohrãng toamsem tah roandôngpa thinma echoh a.