2 TIMOTHI 2:2 - NIEMNYAN Naga NT (BSI)

² Ngama Ajahthem mihnyan heh mathah nâng hethô lekma nangma tatthang ngin heh kep o, ngale erengin heh dâlemli mihnyan hehnâng thinma mihhan nâng chenthôkoh a ngama hethôo.

2 TIMOTHI 2:2 Iomraidhean Croise

MATHIU 13:52

Ephumma atema thinnâng dânthâng wah, “Are ngaeka pa chentô, niemarang hethôte hehma rangkhethung Hahsông dijunte rãng dangwak eka, erepa hum tângte wama ate pum wah chhahkhem anyan ngale apã aroamma loatsiet rãngrãng dangeka.”

MATHIU 24:25

Tat en! Nenâng ngama arepa ere chêmchoh sanpoat hokmako thôkoh eka.

LUK MA RAANGWAH NGINKONGSEN 12:42

Teso ma dânthâng wah, “Eroh medang ako henpa dâlemli ngale buthi mongthêmwin haa a? Atenâng ate tângtewa pumma ate chhahkhem heh sûare thuk, erediko hum apum hehmin sûare thuk, ngale haa ahan hehnâng phhekchhah chhah sanpoat thâng roakweih chhahthuk rãng echien a.

1 KORINT 4:2

Ererãngrãng haa hehma wanthe lem ekapa dangeka, atea, ate tângte pumma putedâlemli dângmin.

2 KORINT 2:14

Rohkomin Joban nâng dangkoh a ngaekang! chenrãngma ngako, Krista demnâng roamlihma Krista mînko phâtek nâng tôngte rãngrãng danglihma Krista ma jien ekako Joban ma roantangma senwên ehi. Joban ma Krista nginpa tientumli tûm rãngrãng chentô thenâng phôangjet thukrãng kep ehi.

2 KORINT 3:5

Are moatlempa nidedema tamoeki ngama ngatrãng ninâng chenni chaanjô aho. Nima ere moatlem tamoeki pa Joban chaan meba tamoeki;

KOLOSIEN 1:7

Nema Joban mînchenchaan pa nãngma nyahrãng ahun nãng lemru Krista haa, ngale nãngrãngma nyahrãng hungkoh lahma Krista moatlem moatte Ipafras ngewah chohhe eken.

1 TIMOTHI 1:12

Ngama nãng Teso Jisu krista nâng dangkoh a ngaekang, chenrãngma ngako atema nganâng are moatlem heh moatrãng chaankoh ehang. Atema Nganâng asen ngama renlahma atenâng soam atôte dângthukdi dangkoh ngaekang,

1 TIMOTHI 1:18

Ngachha Timothi, Ngama are nginpa nangnâng thôkoh eki, ngale nang rãngma are nginpa khema thuma profisi thunnâng hôngjab katwah. Putedâlem rãngma senthemthem ran tâcheprãng are jabkhab heh ranloatmin chhahkhem heh rãngrãng kep o,

1 TIMOTHI 4:14

Nangma Ju chaanchoh eko pemin kep o, ere Ju chaanpa nangma chohmako Mõng hehma thôwah ngale khhepho phannang hehma nang khohko thin dekma sahlo lahma rangsoam koh poatko kohwah.

1 TIMOTHI 4:6

Nangma are ngin heh putedâlemte mihnyan hehnâng merîn mekhah oko, nanga Jisu Krista rãngma haasen edango, ngale erohkoba nangmin putedâlem jabkhab pa keplohma Ju nâng asen edango, ngale nangnâng hethô eho toangtang jabkhab pa nangma kepeko ngama ekhesok o.

1 TIMOTHI 5:22

Hennângjô lemlienma thinkhoko dekma sahlo lohma Teso moatlem moatte nekdangthuk. Mihhan heh papnâng nekjoh ngekrii; nangdede sâpoangpoang tongo.

1 TIMOTHI 6:12

Putedâlem ngenâng toatchhoan mînwah rãngrãng senthemthem dango, ngale nangdede rãngma roantang roanjêng roandông khope pa choh o; chenrãngma ngako nangma ajahthem mihnyan heh mathahko nang putedâlem pa rongtêngtêng putedâlem lohma khesokdi Joban ma are roantang roanjêng roandông khope pa chohrãngma rooeho.

2 TIMOTHI 3:10

Rohkomin Ngama hethôeki nginpa, ngajat apat, ngale nga roandôngko mongthem heh nangma kepeko; nangma nga putedâlem, nga hungmông rinmông, hun achet, erediko ngama tadô ekang hehmin lâkhe thang,

2 TIMOTHI 3:14

Rohkomin nangnâng hethôtih rãngrãng nanga rongtêngtêng putedâlem lohma roantangma toangtang dango. Nangnâng hethôte heh henhen a erepa nangma jet o,

HIBRU 2:17

Erohwah, Joban nâng soamtô lemkhôko thinma nyahrãng putedâlemli ngale thinnâng nyahrãng mînchênte Soam aroakte dongthôan dângrãngma rongrup ngenâng atea ate mihnyan heh rãngrãng dangeka, ngale ere junko mihnyan nyuchha heh pappa mapkoh eka.