2 TIMOTHI 2:12 - NIEMNYAN Naga NT (BSI)

¹² Nãngma chêmchei pa arohjô mamtadô lihma metong eko, Nãngmin ate demnâng ejohpên e. Nãngma ate lehun medang eko, ate memin nãngnâng lehun edanghi.

2 TIMOTHI 2:12 Iomraidhean Croise

MATHIU 10:33

Phumma henma komin nok atang mathahko nga medak hangko, ngamemin rangkhethung wah tôngte nga Wa mathahko atemin erohjô edak ang”.

MATHIU 26:35

Piter ma dânthâng wah, “Nga nang demnângjô mejohrii ekomin eroh chenthumin jabmek!” Ngale dijunte ahan hehmemin mãnthe ngatwah.

MATHIU 26:75

Ngale Jisu ma atenâng chenni thôkotah a erepa piter ma thônghun wah: “Wowen mako, nangma nga jetmek ngama ditrem enga hang.” Erediko piter loatchhoan lahma nyahrãng chhihsep chhoanwah.

MAK MA RAANGWAH NGINKONGSEN 10:33

Atema thinnâng thôkoh wah, “Tattan en,” “Nãnga Jeroselem nâng wãngeki, enâng Mihnyan Chhapa soam aroakte adong ngale Niemarang hethôte heh deknâng ekoh a. Thinma ritphe rêmin ngama nginpat lahma Jews ledangte heh deknâng ekoh a,

MAK MA RAANGWAH NGINKONGSEN 8:38

Are Joban lejetrôan ngale papi rôanko mihnyan heh nganâng rêsê, erediko ngama hethô ekang nginkong rãngma rêsê mere ako, Mihnyan Chhamin ate Wa chaan keplahma Asâthôan ngintatte heh demnâng katjâko thinnângmin rêsê erea.”

LUK MA RAANGWAH NGINKONGSEN 12:9

Rohkomin nok atang mathahko henma nga dak ehanga, Mihnyan Chha memin Joban ngintatte heh mathahko thinmin erohjô edak a.”

LUK MA RAANGWAH NGINKONGSEN 22:29

ngale rangkhethung wah nga Wama nganâng chenroh pênthuk ehanga, ererãngrãng ngamemin nenâng pênthuk eka.

LUK MA RAANGWAH NGINKONGSEN 22:30

Nga Hahsông theko nemin ngademko aroamma ejoh jokphhek chhahha, ngale nemin Lowang tôngthinko tongletma echhi kunii Isrial heh epên en.

LUK MA RAANGWAH NGINKONGSEN 9:26

Ne ngarek nâng rêsê erediko ngama hethô ekang nginkong ko rêsê mere enko, Mihnyan Chhamin ate Wa chaan keplahma Asâthôan ngintatte heh demnâng katjâko thinnângmin rêsê erea.

MOATLEM 14:22

Pol le Barnabas niima putedâlemte hehnâng toangtang dangletma rongtêngtêng putedâlem rãng rîn akhah wah. Thinma hethô wah, “Nãngma ajahthem chêmchei heh dannekthien lihma Joban Hahsông thenâng wângmin.”

ROMAN HEHNÂNG POLMA RAANGWAH SITI 5:17

Arepa toangtang ngin, ere wathe mihnyan pumma papkaam moatjunko arit pumma pêneka. Rohkomin wathe mihnyan Jisu Krista pumma moatmãn pa erenoma chentôjah bâmdong moeka! ngale Joban wah mînchenchaan chohte chentô heh erediko ate demnâng toangtang dangthuk eka heh Krista junma roandông dôngtang epên a.

ROMAN HEHNÂNG POLMA RAANGWAH SITI 8:17

Nãnga ate Chha dâng phumma, Joban ma ate Chha hehrãng thienkotah rangpa nãngma kepmin, ngale Joban ma aterãng chenni thienkotah a ereheh nãngma Krista demnâng ejohchoh e; chenrãngma ngako nãng Krista demnâng mejohchêm eko, ate mîndông komin ejohroam e.

FILIPIEN 1:28

Neran hehran nekchei en; roantangma hungdong rindong dangen, erohkoba thin a nenâng jienrii lahma ekhe e, chenrãngma ngako, nenâng Joban ma jienthuk ehèn.

1 TIMOTHI 5:8

Rohkomin thinma thintang amang heh lekhoakhem medang ako, ajahthem pejô thinhumte tangkâ heh lesû lere medang ako, thinma Joban nâng putedâlem mah, ngale thin a Joban nâng lepute dâlemte heh nomemin achhih.

JUD MA RAANGWAH SITI 1:4

Chenrãngma ngako nãngma lejet tungko nãngkhu mongnâng Joban lejette mihnyan huhluphû lahma tonga, ere mihnyan hehma Joban ngewah mînchenchaan pa thintungko dihiak dela kaamchhih moatrãng chhihsiet eka, ngale thinma nãngnâng Hethôte ngale Teso wathe lolo Jisu Krista nginmin dakwak eka. Chenthu thuma Joban nyapraangma are mihnyan chhih heh mahrit nginpa thôwah.

LOATKHESOK 1:6

ngale atema nãngkhu ate Wa Joban nâng soamtô rãng soam aroakte rãng hôanehi. Jisu Krista mîn pejôba roantang roangjêng rãng adong ngale chaanwin chendanga! Amen.

LOATKHESOK 1:9

Nga a nepho Jon, ngale Jisu dijunte dângjunko ngale ate Hahsông rãng dângte hehnâng chêmchei hûeka heh nekhu demnâng aroamma hung arin môngsiet lekma tadôekang. Ngama Joban Jabkhab ngale Jisu ma loatkhesokthi toangtang nginpa phôangthôkoh junko jotungwah Patmos hahko thienwên wah.

LOATKHESOK 2:13

Ngama nekhu chenko songtong eken a ereheh ajet, phumma eretheko joak tôngthinmin tonga. Nekhua Nga demnâng toangtang dangeken, ngale Joak tongeka theko Nganâng senthemthem putedâlem lahma Ngangin phoangthôte Antipas ritphe komin nema Nganâng putedâlem pa jekmahtha.

LOATKHESOK 20:4

Erediko Ngama tôngthin heh khewah, ngale tôngthinko tôngte mihnyan hehnâng arên rãng chaan kohwah. Eredikomin Jisu ma loatsiettah toangtang ngin phoangthôte mihnyan ngale Joban jabkhab phoangthôte mihnyan ritphetah Ju hehmin khetek. Thinma ngemchhih ngale ate moang hehnâng soamtô mah, ngale thinma thin kheng nâng ngale dek hehnâng ngemchhih nemboat hehmin tungmah. Thin ngakhin lahma Krista demnâng Lowang rãngrãng danglahma hahjatthe rangpâ pên eka.

LOATKHESOK 20:6

Khuhah nâhah ngale ajahthem rangkepte mihnyan heh are khebeng ngakhînko johngakhînte mihnyan heh dângmin. Ere mihnyan heh ditnii lethe ngakrii tumin; thin a Joban ngale Krista rãngma soam aroakte edanga, ngale thinma ate demnâng hahjatthe rangpâ ejohpên a.

LOATKHESOK 3:10

Chenrãngma ngako nema Nga hôkum kepletma hungmôngmông dangletma tadô eken, ngale chentô mihnyan nyuchha heh thatsokrãng hahtokkhoh ko chêmchei hok sanpoat komin Ngama nekhu pesiet lahma ethien a.

LOATKHESOK 3:21

Chenroh Ngama phangtang tajien lekma Ewa tôngthin tâko ate kêko tongwãng ekang rãngrãng, henhenma phangtang tajien eka erehehmin Ngama Nga tôngthinko Nga tâko etongthuk ang.

LOATKHESOK 3:8

Nema chenni moeken a ereheh Ngama ajet; Ngama ajet nenâng chaan ajahho; rohkomin nema Nga nginkep eha ngale Nganâng senthemthem putedâlem eha. Ngama ne mathahko kâsek dôngmõang laangkoh eka, ere kâsekpa henmemin leta sekmin.

LOATKHESOK 5:10

Nangma thin a nang Joban nâng soamtô rãngma soam aroakte Hahsông rãng hôan eko, ngale thinma hahtokkhoh pa epên a.”