2 TIMOTHI 2:10 - NIEMNYAN Naga NT (BSI)

¹⁰ ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

2 TIMOTHI 2:10 Iomraidhean Croise

MATHIU 24:22

Phumma ere rangwopa Joban ma lâthoan siettah; Joban ma aroh lethoansiet nomeko henmin leta peminwah. Joban ma ren eka mihnyan hehrãng sênrãngma Joban ma ere rangwopa thoansiet eka.

MATHIU 24:24

Chenrãngma ngako, Misaia mõang ngale mõngmõang heh ehongwak a; Ngale Joban ma ren eka mihnyan heh meta diapchhah ekorãng ngama thinma nyahrãng patritli ngale bâritli moatlem heh emoa.

MATHIU 24:31

Poakpo rahdongpa merah mettahko, atema rangwah ate ngintatte heh hahtokkhoh ko sukbelii nâng echien chhoan a, phumma ngintatte hehma Joban ma ren eka mihnyan heh hahtokkhoh phangtang wah ekhôansiet a.

LUK MA RAANGWAH NGINKONGSEN 18:7

Joban nâng putedâlemte mihnyan hehma rangwo rangnyek atenâng merosep ako Joban ma thinnâng lechohsû minne? Joban ma thinnâng sitsiak lechohsû thangma dângminne?

LUK MA RAANGWAH NGINKONGSEN 22:57

Rohkomin Piter ma dangmek ngatwah, “Dihiaknyu, nangma chenni ngaeko erepa ngama jetmek!”

JON MA RAANGWAH NGINKONGSEN 11:52

ngale atelolo rãng ledang, Joban nâng putedâlemte mihnyan phoangphan chhoan eka heh wathe mihnyan rãngrãng roamsiet hokrãngma jabwah.

JON MA RAANGWAH NGINKONGSEN 17:24

“Wa! thin a nangma nganâng lâkoh thang, ngale nga chenko dangekanga eretheko thinmin nga demnâng dângthuk hun ekang, erohkoba thinma nga mîndông pa ekhe hang, ere mîndông pa nangma nganâng kohwah; chenrãngma ngako, are hahtokkhoh hôan mama nangma nganâng hunwah.

JON MA RAANGWAH NGINKONGSEN 17:9

“Ngama thinrãng rangsoam ekang. Ngama hahtokkhoh wah hehrãng soamkoh dangmek, nangma nganâng kohthang hehrãngba soam ekang, chenrãngma ngako, thin a nangthiak.

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

ROMAN HEHNÂNG POLMA RAANGWAH SITI 9:23

Ngale Joban ma ate mîndong pa khesok huneka, ere mîndong pa Joban ma ate ngewah mînchen chohte heh khohnâng koheka. Ngale Joban ma ere mîndong pa chohrãngma nãngkhu khoakhem ehi.

1 KORINT 1:21

Chenrãngma ngako, mihnyan heh thin buthi mongthem junma ate leta jetlorãng Joban ma hôaneka. Erenoma, are nima phoangthô eki nginko thinma “aba” ngaeka ko henhenma putedâlem eka ere mihnyan heh kho chenpe a ngama Joban ma ate buthi mongthem junko hôaneka.

1 KORINT 9:22

Putedâlem nâng arinte heh demnâng moatpoatko, thin tâsiethok rãngma ngamin thin rãngrãngjô johdang ekang. Erohwah, ngama chenni lemkhô mekomin thinkho tâpesiet rãng ngama nga chentô mihnyan heh demnâng thinrãngrãng tutajô johdang ekang.

2 KORINT 1:6

Nima chêmchei mechoh eko, erepa nenâng chohsokrãng chêm eki, ngale nekhu khope rãngma chêm eki; phumma nia lechêm medang eko, nemin lechêm thangmejô edangen, ngale nima tadôtih chêmchei pa jôba nememin mamtâdô rãng chaankoh ehèn.

2 KORINT 12:15

Ngama nganâng chentô tonghang heh, erediko ngadede min nekhu nâng chohsokrãng khuhah nâhah kohhun ekang. Erohwah ngama nekhu nâng ajah hundi, nekhuma nganâng mãnchha huneha?

2 KORINT 4:15

Are chentôpa nekhurãng sênrãngma dangeka; ngale Joban mînchenchaan pa mihnyan jahmõang nâng koheka, erohwah thinma Joban nâng ate mîndôngrãng dangkoh a ngat rangsoam pa ajah esoamwak a.

2 KORINT 4:17

Ngale nãngma athâng wah amãnchha sanpoat rãng chemchoh eki pumma, athâng wah chemchoh ko tâthakli ledangdông roantang roanjang rãng khuhah ekep hûkohhi.

IFISIEN 3:13

Erohwah ngama nenâng rosep eka, nekpatrii en, chenrãngma ngako, nga nekhurãng chêmrii ekang; arepa nekhurãng lolo asenli dângrãngma chêmrii ekang.

KOLOSIEN 1:24

Ngale Nga nekhurãng chêmrit ko khuhah ekang, chenrãngma ngako Nga phoang nâng chêmrit junko Krista ma ate phoang Asâthem hehrãngma lelaang chêmrii bâthientah heh Ngama laangchêm ekang.

KOLOSIEN 1:27

Joban ma thonghun ekapa atenâng putedâlemte chentô mihnyan hehrãng atema thien kotah are nyahrãng patritli nginsen pa ate mihnyan hehnâng jetthukrãng huneka. Ngale ere nyahrãng patritli nginsen pa dangeka, ne sekkhen nâng Krista tongka ehèn, erohwah nekhumin Joban mîndôngko ejohroam en.

1 THISALONIKA 5:9

Joban ma nãnga ate rinkhah thunko chêmritrãng rên dangmahhi, rohkomin nãng Teso Jisu Krista junma khope chohrãng ren ehi,

2 THISALONIKA 2:14

Joban ma nekhu rooehèn pa nima nenâng Nginkongsen thôkoh eka junma rooehèn; atema nekhu rooehèn pa nãng Teso Jisu Krista demnâng mîn johdongrãng rooehèn.

2 TIMOTHI 1:1

Joban hungsi junko Jisu Krista moattat chhoante rãng, ngale Joban ma toamsem tah roandôngpa Jisu Krista demnâng roamlihma chohmin ngama phoangthôkoh rãngma chienchhoan wah Pol ngewah raangeki-

2 TIMOTHI 2:1

Timothi, nanga Ju ngenâng Ngachha rãngrãng, erohwah Jisu Krista junma nãngma choheki mînchenchaan ko rongtêngtêng dango.

2 TIMOTHI 2:3

Jisu Krista nginkepkep sipâhi sen rãngrãng danglohma nangmin chêmriio.

TITAS 1:1

Joban haa ngale Jisu Krista moattat chhoante Pol ngewah raangeki. Nga Joban mihnyan heh putedâlem pa rôngsiet erediko nãng rangsoam niem pumma Joban toangtang ngin hethôeka heh thinnâng hethô rãng renlahma chienchhoan ehang,

1 PITER 2:10

Poattheko nea Joban mihnyan ledangwah, rohkomin ade phumma nea Joban mihnyan lâdangtet; poattheko nema Joban mînchen pa lejetwah, rohkomin ade phumma nema Joban mînchen lâchohtet.

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.