2 TIMOTHI 1:9 - NIEMNYAN Naga NT (BSI)

⁹ Atema nãngkhu pepâng lahma atedede mihnyan dângrãng rooehi, erepa nangma moatlemsen moatjunma dangmah, ate dedema hunlahma ate mînchenchaan junko pepâng ehi. Rangle Hahtokkhoh hôan mama are mînchenchaan pa atema Jisu Krista junma nãngnâng kohehi.

2 TIMOTHI 1:9 Iomraidhean Croise

MATHIU 1:21

Atema delachha echha a, ngale nangma ate mînpa Jisu ngama mînmin - Chenrãngma ngako atema ate mihnyan heh papwah pepângmin.”

LUK MA RAANGWAH NGINKONGSEN 10:21

Ere sanpoatko Asâthôanju demnâng Jisu nyahrãng khuhahwah ngale atema ngatwah, “Wa, rangkhethung ngale hahtokkhoh Teso! Ngama nangnâng dangkoh a ngaeki, chenrãngma ngako, nangma jet ajien hehnâng lekhesok thangma huhriem tohpa nokba hehnâng khesok eko. Linlinjô Wa erohpa nanghung junko dangeka.

JON MA RAANGWAH NGINKONGSEN 17:24

“Wa! thin a nangma nganâng lâkoh thang, ngale nga chenko dangekanga eretheko thinmin nga demnâng dângthuk hun ekang, erohkoba thinma nga mîndông pa ekhe hang, ere mîndông pa nangma nganâng kohwah; chenrãngma ngako, are hahtokkhoh hôan mama nangma nganâng hunwah.

JON MA RAANGWAH NGINKONGSEN 17:9

“Ngama thinrãng rangsoam ekang. Ngama hahtokkhoh wah hehrãng soamkoh dangmek, nangma nganâng kohthang hehrãngba soam ekang, chenrãngma ngako, thin a nangthiak.

JON MA RAANGWAH NGINKONGSEN 6:37

Ewa ma nganâng henhenkoh ehanga ereheh ngatânâng ehûra. Henhen ngatânâng hûera ereheh ngama chenthumin lejunlomin,

MOATLEM 15:18

Arepa Teso ma jabeka, ngale atema areheh khema thuma jetthukwah.’

MOATLEM 2:47

Joban nâng rô rewakwah, erediko chentô mihnyan hehma thinnâng senchoh lahma dângwah. Ngale rangwo roakweih khopete mihnyan heh Teso ma thin demnâng chîjoh roamsiet hokwah.

ROMAN HEHNÂNG POLMA RAANGWAH SITI 11:14

Ngale ngama nga mihnyan hehma phetwanli molekma thinwahmin roanche kho eta pesiet ang ngama thonghun ekang.

ROMAN HEHNÂNG POLMA RAANGWAH SITI 11:29

Chenrãngma ngako Joban ma hennâng rangkoh rãng rentah a erepa atema ngakdânmah.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

ROMAN HEHNÂNG POLMA RAANGWAH SITI 3:20

Chenrãng-ma ngako Niemarang pumma chenni ngaeka ereheh molihma henmin Joban mitsokko toangtang tadangmih; Niemarang pumma nãngma papkaam lâmotih ngama khesok rãngba moeka.

ROMAN HEHNÂNG POLMA RAANGWAH SITI 9:11

Rohkomin chha wanii kowah wathepa Joban dedema them athak lahma reneka ngama jetrãng, Joban ma Ribika nâng ngatwah, “Khhepho pumma naadi pa toak asânmin”. Joban ma arepa thinchhat mama ngatwah, ngale thinma chenjô chhihmin ngale asenmin mamoma ngatwah; erohwah Joban ma reneka pa jôba rooeka, ngale erepa thinma chenni komin moatjunko rên dangmah.

ROMAN HEHNÂNG POLMA RAANGWAH SITI 9:24

Chenrãngma ngako nãnga atema roowah mihnyan, phumma arepa Jews hehwah lolo roo dangmahhi, Jews ledangte heh wahmin rooeka.

1 KORINT 1:18

Chenrãngma ngako henhen mahritte a ereheh rãngma Krista bãngphak khoko riitah nginkongpa aba ata ngin rãngrãng; rohkomin nãngkhu henhen khopete a ereheh rãngma arepa Joban chaan.

IFISIEN 1:11

Chentôpa Joban hung arin ngale ate mongthem junma dangeka; ngale nãngmin Krista demko aroamma ate Chha dângrãngma ren ehi, chenrãngma ngako, erepa atema rangbeng hahbeng thuma chenroh themawa tah a erejunko jôba moeka.

IFISIEN 1:9

Joban ma chenni themawa eka erepa moeka, ngale erepa Jisu Krista junma tamo lahma nãngnâng loatjetthuk ehi.

IFISIEN 2:5

nãngma nginlekep dângjunma junâng riilihma dângthuko, atema Krista demko nãngnâng roandông kephû kohehi. Erepa Joban mînchenchaan junma nekhu khope eken.

IFISIEN 3:11

Joban ma arepa ate buthi mongthem junko roantang roanjêng rãng themawa lahma moeka, ngale erepa nãng Teso Jisu Krista junma tamoeka.

FILIPIEN 3:14

Erohwah Ngama thonghun ekang thepa chohrãng tintin chhoanwãng ekang, erepa Jisu Krista junma Joban ma rangkho wah roandông chohrãng rooehang.

1 THISALONIKA 4:7

Joban ma dihiak dela kaamchhih molihma sôngrãng roo dangmahhi, sâpoangpoang sôngrãng rooehi.

1 TIMOTHI 1:1

Nãng Pângte Joban ngale nãngma dâlem eki Jisu Krista ma chien junko, Jisu Krista moattat chhoante Pol ngewah-

2 TIMOTHI 1:1

Joban hungsi junko Jisu Krista moattat chhoante rãng, ngale Joban ma toamsem tah roandôngpa Jisu Krista demnâng roamlihma chohmin ngama phoangthôkoh rãngma chienchhoan wah Pol ngewah raangeki-

TITAS 1:2

erepa roantang roanjêng roandông chohrãngma putedâlem eki. Are roantang roanjêng roandôngpa Joban ma rangbeng hahbeng thuma nãngnâng kohrãng toamsêm wah, ngale Joban ma mothô thômah,

HIBRU 3:1

Ngalemruchha Kristan mihnyan heh, Joban ma rooehèn heh! Nãngma thôeki putedâlem khohko Soam aroakte adongthôan dângrãng Joban ma chienkat era Jisu nâng thatthong hun tan en.

1 PITER 1:20

Atea Joban ma rang ahah hôan mama rênwah, ngale are athôan sanpoatko nekhurãng sênrãngma hongeka.

1 PITER 2:9

Rohkomin nekhua arênwah mihnyan nyuchha, ngale Lowang rãngrãng soam aroakte, Asâthôan mihnyan nyuchha, Joban mihnyan linlin, ngale Joban ma patritli moeka heh phoangthô kohrãng ren ehèn, ngale atema rangnyek khenwah atedede patritli wenphiak ko loatsietkat ehèn.

LOATKHESOK 13:8

Hahtokkhoh wah sôngte chentô mihnyan hehma atenâng esoam a, rohkomin rang ahah hôan mama henhen mînpa ahîn titab nâng raangthientah a, ngale henhen pa ritphe retah Saakchha rãng dângtea erehehma loloba lesoam edanga.

LOATKHESOK 17:8

Ngemchhih pa poattheko ahîn dângwah, rohkomin ade phumma ahîn dangtumah; erepa chenthujô lethôanthin hahkenlu kowah loatwâng lâthângtah, ngale atea amahjâ erea. Hahtokkhoh wah sôngte mihnyan henhen mînpa rang ahah hôan mama ahîn titab nâng leraangthien dangtah a ere mihnyan hehma ngemchhih pa khelahma bârit erea. Arepa poattheko ahîn dângwah; phumma athângheh ahîn dangtumah, rohkomin erepa ngakhong eka.