2 TIMOTHI 1:8 - NIEMNYAN Naga NT (BSI)

⁸ Erohwah, nãng Teso hâkhi dângrãng nekrêsê; ngale Krista rãngma phâtek nâng khhekritte Nganâng min nekrêsê hang. Erenoma, Nginkongsen rãngma chêmriiroh reo, eroh tâchêmrit rãng Joban ma nangnâng chaankoh eho.

2 TIMOTHI 1:8 Iomraidhean Croise

MAK MA RAANGWAH NGINKONGSEN 8:38

Are Joban lejetrôan ngale papi rôanko mihnyan heh nganâng rêsê, erediko ngama hethô ekang nginkong rãngma rêsê mere ako, Mihnyan Chhamin ate Wa chaan keplahma Asâthôan ngintatte heh demnâng katjâko thinnângmin rêsê erea.”

LUK MA RAANGWAH NGINKONGSEN 9:26

Ne ngarek nâng rêsê erediko ngama hethô ekang nginkong ko rêsê mere enko, Mihnyan Chhamin ate Wa chaan keplahma Asâthôan ngintatte heh demnâng katjâko thinnângmin rêsê erea.

JON MA RAANGWAH NGINKONGSEN 15:27

Ngale nememin nga nginpa mihnâng ethôkoh en, chenrãngma ngako nea khebengma nga demnângjû.

JON MA RAANGWAH NGINKONGSEN 19:35

(Henma arepa khetah a ere mihnyan pumma nema chen putedâlem en ngama loatjabwah. Atema chenni thôtah a erepa toangtang, ngale atema toangtang thôekãng ngama ate dedema ajet.)

MOATLEM 5:41

Moattat chhoante heh ngoang awang heh tâwah khuhah nâhah chhoan wah, chenrãngma ngako, Joban ma thin a Jisu rãngma rêsê tathangte rãng rêndi khuhah wah.

ROMAN HEHNÂNG POLMA RAANGWAH SITI 1:16

Ngama Nginkongsen ko nyahrãng dâlem ekang; arepa chentô putedâlemte heh pepâng thin Joban chaan, khebengko Jews heh ngale Jews ledangte hehmin.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

ROMAN HEHNÂNG POLMA RAANGWAH SITI 8:36

Joban nyapraangma aroh ngaeka, “Nerãngma nia roantang riiamah nemnemjû tongeki; ngale nia ajoatrãng ngaeka saak rãngrãng hôanehi.”

ROMAN HEHNÂNG POLMA RAANGWAH SITI 9:33

ngale erejunma Joban nyapraangma ngaeka: “Sû en, Ngama Zion nâng longthien ekang, ere longko mihnyan heh dakho ethutrii a, ngale ere longjan pumma thin kôanritthuk erea. Rohkomin henhenma atenâng putedâlem eka erehehma rêsê lechohmin.”

1 KORINT 1:6

Krista nginkongpa nehung khennâng nyahrãng rongtêngtêng lâtongthen

2 KORINT 6:7

ngale nima toangtang ngin thôeki junko, ngale Joban chaan junma khesok eki. Ninâng toangtang pa ranloat chhahkhem rãngrãng tonghi, erepa nima ranlông rãngmin, ngale nidede khope rãngmin kepeki.

IFISIEN 3:1

Nga Pol, Jews ledangte heh nekhurãng Jisu Krista mînko phâtek nâng khhekritte rãngrãng danglekma Joban nâng rangsoam ekang.

IFISIEN 3:13

Erohwah ngama nenâng rosep eka, nekpatrii en, chenrãngma ngako, nga nekhurãng chêmrii ekang; arepa nekhurãng lolo asenli dângrãngma chêmrii ekang.

IFISIEN 4:1

Erohwah, Ngama nenâng rosep eka - Ngama Teso nâng soam atôdi Nga phâtek nâng khhekthien ehang: Joban ma nea chenroh sôngtôngrãng rooehèn a eroh songtongen.

IFISIEN 4:17

Erohwah Ngama Teso mînko nekhu nâng rîn akhah eka: Joban nâng lepute dâlemte mihnyan heh rãngrãng nekdangen, thinma ledangli heh thonghun eka

FILIPIEN 1:7

Ngama roantangma nekhu ngahung nâng thônghunjû! ngale Ngama nekhu aroh thonghun ekapa thônghunli lemnâng jôba thonghun eka. Chenrãngma ngako nga athângheh phâtek khennâng tôngpoat komin, ngale nginkongsen pa rôngsietrãng phoangthô poat komin Joban ma nganâng kohthang mînchenchaan ko nekhu johroam eha.

FILIPIEN 3:10

Ngama Jisu Krista ngale ate ritwah ngakhinwâng chaanpa loloba chohjet hun ekang, erediko ate chêmtah rãngrãng chêm lekma ate rãngrãng rithun ekang,

FILIPIEN 4:13

Jisu Krista ma Nganâng chaankoh junko chentô sanpoat roakweih Ngama asenli tamo ang.

KOLOSIEN 1:11

Ate ngewah chaan pumma nemin chenchaan thukhèn, erohkoba nema rongruppa hungmông rinmông dangletma etadô en. Ngale khuhah nâhah dangletma dangkoh a ngama Wa Joban nâng ngatmin, Joban ma atenâng putedâlemte mihnyan hehrãngma ate wenphiak Hahsông theko thienkoh eka heh nenângmin tachohthuk ehèn.

KOLOSIEN 1:24

Ngale Nga nekhurãng chêmrit ko khuhah ekang, chenrãngma ngako Nga phoang nâng chêmrit junko Krista ma ate phoang Asâthem hehrãngma lelaang chêmrii bâthientah heh Ngama laangchêm ekang.

1 THISALONIKA 3:4

Chenrãngma ngako chenthu ni netânâng dângpoatko nãngnâng aroh echêmthuk hi ngama thôkotah; ngale nema senthemthem ajet, nima chenroh thôkotah a ererãngrãng jôba dangeka.

1 TIMOTHI 2:6

ate dedema ate roandôngpa chentô mihnyan nyuchha heh pap thãpê thumkohrãng koheka. Erepa Joban ma chentô mihnyan nyuchha heh khopesiet hunlahma sanpoat pa thâng phumma chienkat era,

2 TIMOTHI 1:10

Rohkomin are mînchenchaan pa nãng Pângte Jisu Krista kalahma khesok ehi. Atema arit chaanpa mahsiet eka ngale nginkongsen junma chenthumin leriitu roandông loatkhesok ehi.

2 TIMOTHI 1:12

ngale erejun kowah Ngama are chêmchei heh choh ekang. Rohkomin Nga athâng hehmin hung dongdong tongekang, chenrãngma ngako, Ngama hennâng tok anaa ekanga erepa Ngama jet ang, ngale atema Nganâng chenni sûare thuk ehanga erepa atema ere Rangwojâ pa mahûhûko senthemthem eta thien a ngama putedâlem ekang.

2 TIMOTHI 1:16

Teso ma Onisiforus heh tangkâ nâng chenmînchen a, chenrãngma ngako, atema Nganâng melângdep chohsû thang. Ngale Nga phâtek nâng tôngpoat komin atea Nganâng rêsê mahthang.

2 TIMOTHI 2:3

Jisu Krista nginkepkep sipâhi sen rãngrãng danglohma nangmin chêmriio.

2 TIMOTHI 2:8

Aritwah ngakhînte Jisu Krista nâng thonghun o, atea Devit chha dângwah, ngale are nginpa Ngama Phoangthôkoh ekang Nginkongsen ko hethô ekang.

2 TIMOTHI 2:9

Ngama Nginkongsen pa phoangthô junko, Ngama chêmchoh ekang, ngale mihngoan rãngrãng janruma khhekthien ehang. Rohkomin Joban Jabkhab pa janruma takhhek thienmah,

2 TIMOTHI 4:17

Rohkomin Teso Nga damnâng johtong lahma Nganâng chaan kohwah, erohwah Jews ledangte hehma chohtatrãng Ngama nginkongsen pa senthemthem taphoang thôtek; ngale Nga ritphe nemwahmin pesietthang.

2 TIMOTHI 4:5

Rohkomin nanga chentô sanpoat roakweih jetrii lohma tongo; chêmchei hehmin tadôo, ngale Nginkongsen phoangthô moatlem mo o, ngale nang moatlem chentô nâng Joban haa rãngrãng danglohma mo o.

1 PITER 1:5

Ereheh nekhurãng, nekhu putedâlem junko athôan sanpoatko khope chohrãng Joban chaanma pepâng lahma thien ehèn.

1 JON 4:14

Ngale Joban Wama ate Chha are hahtokkhoh Pângte rãng chienkat erapa nima lâkhetih ngama mihhan nâng phoangthôkoh eki.

JUD MA RAANGWAH SITI 1:24

Nekhu papnâng jâritwah tâpesiette, ngale ate tânâng sâpoangpoang tâsiet wênte, erediko ate aphiakthôan mathahko nekhu lethe thangma khuhah nâhah tâdângthukte Joban nâng-

LOATKHESOK 1:2

ngale Jon ma chentô khetah heh phangtang thôkoh eka. Are heh Joban ma atenâng thôkohtah ngin heh ngale Jisu Krista ma atenâng toangtang loatkhesok tahheh thôeka.

LOATKHESOK 1:9

Nga a nepho Jon, ngale Jisu dijunte dângjunko ngale ate Hahsông rãng dângte hehnâng chêmchei hûeka heh nekhu demnâng aroamma hung arin môngsiet lekma tadôekang. Ngama Joban Jabkhab ngale Jisu ma loatkhesokthi toangtang nginpa phôangthôkoh junko jotungwah Patmos hahko thienwên wah.

LOATKHESOK 12:11

Thinma pûchhih pa Saakchha hei ngale thinma phoangthôtah toangtang ngin; ngale thinma thin roandông kohlahma ritranmin lechei danglahma jienwah.

LOATKHESOK 19:10

Ngama atenâng soamtô rãng ate dathongko khupjup wah, rohkomin atema Nganâng ngatwah, “Aroh nekmo! Ngamin nang rãngrãng erediko putedâlemte mihnyan ahan, ngale Jisu ma loatsiet eka hehnâng toangtangko rongtêngtêng danglahma tôngte heh rãngrãng haa jôba. Joban nângba soamtô o!” Chenrãngma ngako, Jisu ma loatsiet eka toangtang junma Mõng heh Joban ngin phoangthô rãng chaan choh eka.