2 TIMOTHI 1:7 - NIEMNYAN Naga NT (BSI)

⁷ Chenrãngma ngako, Joban ma nãngnâng kohehi Ju pumma nãng chephoat dangthuk mahhi; Erenoma, ate Ju pumma nãngnâng chaankoh ehi, ngale hun achet, erediko mâmâ dede tâdôrit chaankoh ehi.

2 TIMOTHI 1:7 Iomraidhean Croise

LUK MA RAANGWAH NGINKONGSEN 10:19

Tat en! Ngama nenâng chaan koheka, erohwah nema pû ngale gusirong khohnângmin takhoam en, ngale chentô Ran heh tâjien Chaanmin koheka, ngale nenâng chenni mejô letâmin.

LUK MA RAANGWAH NGINKONGSEN 15:17

Khediko ate hungnâng hûlahma ngatwah, ‘Ewa wah dekbi bîchhahte heh lephang leleng choh phhekchhah wakeka, phumma nga aretheko rêmma chêmrii ekang!

LUK MA RAANGWAH NGINKONGSEN 24:49

Ngale nga Wama chenni toamsem tah a ereheh Nga dedema nekhoh nâng echien katrâng. Rohkomin rangkhethung wah Joban chaanpa nekhu khohnâng makaka hènko nema hahdaangko bemtongen.”

LUK MA RAANGWAH NGINKONGSEN 8:35

Chenni dangtah a ereheh sokrãng mihnyan heh loatchhoan katwah, ngale chenthu thin Jisu tâko hokkatko, juchhih luptah mihnyan pa Jisu dathongko khet akhu keplahma mihnyansen rãngrãng tonglahma chohkhe wah; phumma thinkhu anga nga chei rewah.

JON MA RAANGWAH NGINKONGSEN 14:27

“Mêmo pa ngama nenâng phethien koheka; erepa ngadede ngewah mêmo koheka. Ngama erepa hahtokkhoh ma koheka rãngrãng koh dangmek. Nekpatrii sekmah en; ngale acheimin nekchei en.

MOATLEM 1:8

Rohkomin chenthu Asâthôanju nekhoh nâng meka theko, nema chaan echoh en, ngale nema Jeroselem nâng, Judia phangtang nâng, ngale Samaria, erediko hahtokkhoh phangtang nâng phoangchhoan letma ngangin ephoang thôkoh en.”

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

MOATLEM 20:24

Rohkomin ngama ngadede roandông pa sekho ngama thonghun ekang; Joban mînchenchaan nginkongsen pa phoangthô rãng, Teso Jisu ma nganâng mothuk ehang moatlem pa râmoat loloba hun ekang.

MOATLEM 21:13

Rohkomin atema dânthâng wah, “Ne chenrãngma sep eken a, nema aroh sepletma ngahung chhâsiet hun eken a? Nga Jeroselem nâng khhekrit rãngmin cheimek, ngale Teso Jisu rãngma enãng ritmin tarii ang.”

MOATLEM 26:11

Melângdep ngama Sanagog hehnângmin chêmsiet lekma thin putedâlem jeksietkrãng thatmotek. Nga thin demnâng cheili rinkhah lekma mihdiak nângmin thin chêmsiet rãng chhoanwah.

MOATLEM 26:25

Pol ma dânthâng wah, “Adongthôan Fistus! Nga apa dangmek, Ngama toangtang jabkãng.

MOATLEM 6:8

Stifen nâng Joban ma nyahrãng rangkoh wah, ngale atenâng Joban chaan mênchong dângwah, atema mihnyan heh tâko nyahrãng patritli le bâritli moatlem heh moatwah.

MOATLEM 9:22

Phumma Sol ma Joban nginpa nyahrãng chaan demnâng thôwah, ngale atema Jisu pa Misaia ngama thôkoh eka nginko Damaskas wah Jews heh ate demnâng henjô tachhiakmîn ho.

ROMAN HEHNÂNG POLMA RAANGWAH SITI 5:5

Are nãngma dâlem ekipa chenthumin mahto nâng ledangmin, chenrãngma ngako Asâthôanju junma Joban ma nãng hungkhen nâng atewah hun pa kohehi, ere Asâthôanju pa Joban ma nãngnâng hînhô rãngrãng kohehi.

ROMAN HEHNÂNG POLMA RAANGWAH SITI 8:15

Chenrãngma ngako Joban ma nenâng koh ehèn Juma ne haarãng kepmahhèn ngale cheisiet mahhèn; erenoma Ju pumma nea Joban Chharãng dangthuk ehèn, ngale Ju chaanko nãngma Joban nâng, “Wa! Ewa!” ngama taroo eki.

1 KORINT 2:4

ngale Ngama hethôtah le thôkotah nginkong heh mihnyan nyuchha buthi mongthem junma hethô wah dangmah, rohkomin, Joban Ju chaanma erepa ngama nenâng thôkoh wah.

GALATIEN 5:22

Rohkomin Joban Juma hun achetmîn, khuhah nâhah, mêmo, hungmôngma tadô, mînchen, asenli, ngale putedâlem,

KOLOSIEN 1:8

Joban Juma nenâng hun ehèn nginpa atema ninâng thôkohthi.

HIBRU 2:15

ngale atema eroh molahma thin roandông dôngtangko arit rancheima haa rãngrãng dangtah heh wah pesiet wakeka.

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 JON 4:18

Ahun nâng acheithin aho; senthemthem hun achet ma chentô achei heh junloeka. Erohwah, chephoat hehnâng hun achet pa senthemthem aho, chenrãngma ngako nãng achei mere eko nãngma kaamchhih moatthã chêmchohmin ngama jetlihma cheieki.