2 TIMOTHI 1:5 - NIEMNYAN Naga NT (BSI)

⁵ Ngama nang putedâlem sen pa thonghun ekang, nangwi Lois ngale nang nyong Inuic nimemin erohjô senthemthem putedâlem wah. Nang memin erohjô putedâlem eko ngama thonghun ekang.

2 TIMOTHI 1:5 Iomraidhean Croise

JON MA RAANGWAH NGINKONGSEN 1:47

Chenthu Jisu ma Nathaniel ate tânâng wâng khelahma ngatwah, “Isrial jat linlinpa anã; atenâng chenmin achhih aho!”

MOATLEM 16:1

Pol Dirbi le Listra ngenâng katwah, phumma ere ngenâng Kristan mihnyan wathe Timothi ngama songlahma dângwah. Ate nyong min Kristan dângwah, rohkomin atea Jews dângwah, phumma ate wapa Griik dângwah.

MOATLEM 26:26

Lowang Agripa! Ngama nangnâng phangtang loatthôkoh eki, chenrãngma ngako, nangma areheh ajet. Ngale Ngama thonghun ekang, nangma are chentôpa lâtattoh, chenrãngma ngako, areheh bin abe thenâng huhdâng dangwah.

ROMAN HEHNÂNG POLMA RAANGWAH SITI 14:14

Ngama Teso Jisu demnâng roamlekma jet ekang, chenni phhekchhahjô niemarang junko atedede angek aho; rohkomin nema wanwanthe phhekchhah pa niemarang junko angek methonghun enko, erepa nerãngma angek dângmin.

ROMAN HEHNÂNG POLMA RAANGWAH SITI 14:5

Wawathe mihnyan ma wanwanthe rangwopa jahanwah jengre rangwo noma alemli rangwosen ngama ethonghun them a, ngale khuka hehma chentô rangwopa mãnthe ngama ethonghun them a. Nãngkhu anga ngama nãnghung nãngrin nâng senthemthemjô mamthônghun min.

ROMAN HEHNÂNG POLMA RAANGWAH SITI 15:14

Ngalemruchha heh: Nga dedema nekhua asen tuta jôba edangthem en ngama thonghun ekang, chenrãngma ngako, nekhuma chentôpa ajet, ngale nekhu dedemin wathema wathe nâng tajien hethômin en.

ROMAN HEHNÂNG POLMA RAANGWAH SITI 4:21

Joban ma chenni toamsem tah a erepa Joban ma linlinjô emoa ngama Abraham ma putedâlem wah.

ROMAN HEHNÂNG POLMA RAANGWAH SITI 8:38

Chenrãngma ngako ngama linlin ajet, Joban hun kowah nãng chenni mejô taphansiet mahhi: rit mere komin ba ahîn medang ekomin taphansiet mahhi, Joban ngintatte, ba rangkhethung wah ahan pênte ngale chaan kepte hehmemin, athâng hehmin ngale khedi komin leta phansietmin,

2 KORINT 6:6

Rohkomin, nia sâpoangpoang, Joban buthi mongthem, hungmông, ngale mihnâng mînchen junma, nia Joban haa ngama khesok eki - ngale Asâthôanju, erediko niwah linlin hun achet junmemin khesok eki,

1 TIMOTHI 1:5

Are chien ekangpa hungsâma hun achetmîn, hungpun rinpun, ngale linlin putedâlem pa thinnâng chenhonga ngama chien ekang.

1 TIMOTHI 4:6

Nangma are ngin heh putedâlemte mihnyan hehnâng merîn mekhah oko, nanga Jisu Krista rãngma haasen edango, ngale erohkoba nangmin putedâlem jabkhab pa keplohma Ju nâng asen edango, ngale nangnâng hethô eho toangtang jabkhab pa nangma kepeko ngama ekhesok o.

2 TIMOTHI 1:12

ngale erejun kowah Ngama are chêmchei heh choh ekang. Rohkomin Nga athâng hehmin hung dongdong tongekang, chenrãngma ngako, Ngama hennâng tok anaa ekanga erepa Ngama jet ang, ngale atema Nganâng chenni sûare thuk ehanga erepa atema ere Rangwojâ pa mahûhûko senthemthem eta thien a ngama putedâlem ekang.

2 TIMOTHI 3:15

ngale nangma thonghuntan nang letachha thuma, nangma Asâthôan Joban nyapraangpa ajet, erepumma nangnâng Jisu Krista nâng putedâlem junma khope chohthin buthi mongthemsen heh ekohho.

HIBRU 11:13

Are mihnyan hehma marii riiko putedâlem lahma tôngwah. Thinma Joban ma toamsem tahpa chohho, rohkomin thinma ataangma khelahma khuhah nâhah dângwah, ngale nima are hahtokkhoh ko mihwun ngale hum ahah hote ngama thindedema loatjabwah.

HIBRU 6:9

Lemruchha heh, nima erohjô mejab ekomin, nima nenâng nyahrãng putedâlem eka. Ngale nima ajet nema kaamsen jôba emo en ngale kaamsen moat junko nekhomin pe eken.

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.