2 TIMOTHI 1:13 - NIEMNYAN Naga NT (BSI)

¹³ Ngama toangtang jabkhab nangnâng hethôtih hehnâng rongtêngtêng lolohma tongo, ngale erejunko dango, erediko Jisu Krista demwah nãngkhu putedâlem le hun achet junko tongo.

2 TIMOTHI 1:13 Iomraidhean Croise

ROMAN HEHNÂNG POLMA RAANGWAH SITI 2:20

ngale aba hehnâng hethôte, ngale chenjô lejette heh chhinthôte ngama ngarii eken. Ngale nema Niemarang pa phangtangma lâjettih erediko nima thôekipa toangtang ngama ngaeken.

ROMAN HEHNÂNG POLMA RAANGWAH SITI 6:17

Rohkomin Joban nâng dangkoh a ngama ngaekang! Chenrãngma ngako rekthe nekhu paphaa dângwahjô medang enkomin, nehung phangtang kohletma nenâng hethô ehèn toangtang nginpa kep eken.

FILIPIEN 1:27

Ngale ade dangeka, chentô noma alemli thôan pa, nekhu roandôngpa Krista nginkongsen ma chenroh huneka ererãngrãng dangen, erohkoba Nga nekhu tânâng lehûrâng komin, ba mehûrâng komin, ngama nekhu hung jutletma mãntheko rongtêngtêng putedâlem eken, erediko aroamma nginkongsen rãngma roamlatrii eken ngama etat ang.

FILIPIEN 4:9

Nema Nga jabkhab ngale Nga moatlem kowah chenni chohhetha ererãngrãng mo en. Ngale erohkoba nãngnâng mêmo kohte Joban pa nekhu demnâng etonghèn.

KOLOSIEN 1:4

Chenrãngma ngako, nema Teso Jisu Krista nâng putedâlem eken le, nema chentô Joban nâng putedâlemte mihnyan hehnâng hun achhâ eken heh nima chohtattih.

1 THISALONIKA 5:21

Rohkomin athaksok re en: Phumma asen senpa kepen

1 TIMOTHI 1:10

ngale dihiak dela kaamchhih moatte, dela rôande kaamchhih moatte, mihphoang huhloatte, mothô khoanglep thôte, ngale Joban Niemarang sen lelatnâng moatte heh rãngmeba hôaneka.

1 TIMOTHI 1:14

Ngale nãng Teso ma ate ngewah ajahthem mînchenchaan pa Nga khohnâng kohkat ehang, ngale Jisu Krista ngewah nãngkhu putedâlem ngale hun achet pemin kohkat ehang.

1 TIMOTHI 6:3

Henhenma nãng Teso Jisu Krista ngin ngale nãng rangsoam niem pumma hethôeka ngin heh lekep thangma lihân niemarang amõang heh hethôeka

2 TIMOTHI 1:1

Joban hungsi junko Jisu Krista moattat chhoante rãng, ngale Joban ma toamsem tah roandôngpa Jisu Krista demnâng roamlihma chohmin ngama phoangthôkoh rãngma chienchhoan wah Pol ngewah raangeki-

2 TIMOTHI 1:14

Nãngkhu khenwah sôngte Asâthôanju chaan junma nangnâng sûare thuktho asenli heh senthemthem thien o.

2 TIMOTHI 2:2

Ngama Ajahthem mihnyan heh mathah nâng hethô lekma nangma tatthang ngin heh kep o, ngale erengin heh dâlemli mihnyan hehnâng thinma mihhan nâng chenthôkoh a ngama hethôo.

2 TIMOTHI 3:14

Rohkomin nangnâng hethôtih rãngrãng nanga rongtêngtêng putedâlem lohma roantangma toangtang dango. Nangnâng hethôte heh henhen a erepa nangma jet o,

2 TIMOTHI 4:3

Mihnyan hehma nginkongsen kowah toangtang ngin hethô ekako lenyoak jetat sanpoat ehûra, thin dede hung junko edangwak a, ngale thin nâma chenni jetat huneka erengin heh thinnâng hethôte lolo ajahjah ekhôansiet wak a.

TITAS 1:9

Atenâng hethôeka nginkongsen kowah jabkhab heh senthemthem kepte dângmin. Eroh medang akoba ate memin mihhan hehnâng toangtangma hethô lahma thinhung eta dongsiet a, ngale toangtang lelatnâng dângte mihnyan hehnângmin thin a athe ngama eta khesok a.

TITAS 2:1

Rohkomin niemarang sen junko chenpa pun eka erepa nangma hethôo.

TITAS 2:8

Mihma lechhih thôli jabkhab heh jab o, erohkoba nangran hehma nang lelatnâng chenjô lejien chhihjab erêsêriia.

HIBRU 10:23

Ngale nãngma thôeki dâlem ko rongtêngtêng putedâlem e, chenrãngma ngako, Joban toamsêm pa Joban ma emoa ngama putedâlem eki.

HIBRU 3:6

Rohkomin Joban humko Krista ma Chha danglahma senthemthem putedâlem lahma moeka. Erohwah, nãngma chenni nâng khalihma putedâlem ekia ererãngma nãnghung dongdong, ngale senthemthem putedâlem lihma metong eko nãnga ate hum.

HIBRU 4:14

Erohwah, nãngkhuma thôeki putedâlem ko rongtêngtêng lolihma putedâlem e. Chenrãngma ngako, Joban tâko tongwãng lahma nãngkhurãng Soam aroakte adongthânpa tonga erepa Joban Chha Jisu.

JUD MA RAANGWAH SITI 1:3

Ngama nyahrãng ahun lemruchha heh, nãngkhu anga ngama mãnthema choheki khope junma nekhu nâng raang huneka, ngama nekhu nâng raanghun pa Joban ma roantang roangjêng rãng ate mihnyan hehnâng kohtah putedâlem ko hungkoh letma latrii mo en ngama nekhu hungdông sietrãng raang huneka.

LOATKHESOK 2:25

Rohkomin nga makaka erângko, nema chenni chohtattet a ereko rongtêngtêng loletma tongen.

LOATKHESOK 3:11

Nga a sitsiak lâkaerâng. Nenâng chenni tonghèn a ereheh senthemthem thien en, erohkoba nema tâjienthã choh ekenpa henmemin ne ngewah leta nyenmin.

LOATKHESOK 3:3

Erohwah, nenâng chenni hethôthen a, ngale chenni chohtattet a ereheh thonghun tan en; ngale erengin heh kepletma nepap wah hungngaklit en. Phumma ne lechhin kenko, Nga nekhoh nâng ahuhte hokwah rãngrãng ekarâng, ngale Nga chenpoatko katmin a ere sanpoat pa nema lejetmin.