2 TIMOTHI 1:12 - NIEMNYAN Naga NT (BSI)

¹² ngale erejun kowah Ngama are chêmchei heh choh ekang. Rohkomin Nga athâng hehmin hung dongdong tongekang, chenrãngma ngako, Ngama hennâng tok anaa ekanga erepa Ngama jet ang, ngale atema Nganâng chenni sûare thuk ehanga erepa atema ere Rangwojâ pa mahûhûko senthemthem eta thien a ngama putedâlem ekang.

2 TIMOTHI 1:12 Iomraidhean Croise

MATHIU 12:21

Ngale Atenâng chentô mihnyan nyuchha ma edâlem a.”

MATHIU 24:36

“Ere rangwo le sanpoat pa chenthu hokmin a erepa henmemin jetmah - rangkhethung wah Joban ngintatte hehmemin jetmah, ngale Chha memin jetmah; Wama loloba jet a.

MATHIU 7:22

Chenthu metloatjâ rangwo mehû theko, ajahthem mihnyan ma nganâng aroh enga hang, Teso, Teso, nangmînko nima Joban ngin phoangthôtih, ngale nangmînko nima juchhihmin junlotih, patritli moatlemmin motih!

LUK MA RAANGWAH NGINKONGSEN 10:12

Ngama nenâng linlin thôkoh eka, khope rênjâ rangwo ko Joban ma ere sumhahko mînchen noma Sodom nângba mînchen pa ajah ekhesok a!!

LUK MA RAANGWAH NGINKONGSEN 23:46

Jisu ma, “Ewa! Nang dekko Nga Jupa chohkoh eki!” ngama chaanmõang raklahma ate ritwah.

JON MA RAANGWAH NGINKONGSEN 17:15

Ngama nangnâng thin a are hahtokkhoh wah toansietwên o ngama ngatdangmih, rohkomin Achhih wah pepâng lohma thien o ngama rosep eki.

JON MA RAANGWAH NGINKONGSEN 6:44

Ngachien katte Nga Wama lesiethû erako mihnyan heh henmin ngatânâng leta hûmin; ngale ereheh ngama athôanjâ rangwo ko engakhinsiet ang.

MOATLEM 13:46

Rohkomin Pol le Barnabas niima lechei thangma jêngjah jâhthô thôkoh wah: “Khebeng thôanko Joban jabkhab pa nenâng bengthôkoh pa alemthôan dângwah. Rohkomin nema erepa lekep dâng phumma, ngale roantang roanjêng roandông lehun dâng phumma, nima nenâng lethôkoh thangma Jews ledangte hehnâng thôhûkoh eki.

MOATLEM 13:50

Phumma erehah wah Jews hehma khhepho phannang heh erediko jews ledangte jat dihiaknyu hahdaang niemarang junko adongjat heh Jews hehma chepsietwah. Phumma thinma Pol le Barnabas nii nâng chêmsiet lahma erehah kowah sietphe chhoanwah.

MOATLEM 21:13

Rohkomin atema dânthâng wah, “Ne chenrãngma sep eken a, nema aroh sepletma ngahung chhâsiet hun eken a? Nga Jeroselem nâng khhekrit rãngmin cheimek, ngale Teso Jisu rãngma enãng ritmin tarii ang.”

MOATLEM 7:59

Thinma Stifen nâng longma petthuko, Stifen ma Teso nâng rakroowah, “Teso Jisu, ngaju chohsiet hang!”

MOATLEM 9:16

Ngale atema ngarãng chêmchohmin heh ngadedema atenâng ekhesok ang.”

ROMAN HEHNÂNG POLMA RAANGWAH SITI 1:16

Ngama Nginkongsen ko nyahrãng dâlem ekang; arepa chentô putedâlemte heh pepâng thin Joban chaan, khebengko Jews heh ngale Jews ledangte hehmin.

ROMAN HEHNÂNG POLMA RAANGWAH SITI 9:33

ngale erejunma Joban nyapraangma ngaeka: “Sû en, Ngama Zion nâng longthien ekang, ere longko mihnyan heh dakho ethutrii a, ngale ere longjan pumma thin kôanritthuk erea. Rohkomin henhenma atenâng putedâlem eka erehehma rêsê lechohmin.”

1 KORINT 1:8

Atema athôanjâ tôkotuk rongtêngtêng edangthuk hèn, ere junkowah, nãng Teso Jisu Krista loathôngkat Rangwo jâko chenni nângjô lethe edangen.

1 KORINT 3:13

Ngale moatlempa henma chenroh moeka erepa chenthu Krista ma loatkhesokjâ rangwo pa mehû theko ekhe e. Chenrãngma ngako, erejâ rangwo ko anga nga moatlempa wenma thatkham lahma eloatsiet katra; phumma erewen pumma thatkhâm junko alinlin ale amõanga erepa ekhesok a.

FILIPIEN 1:20

Ngama hungkhen wah thonghun lekma putedâlem ekang, ngama chenthumin Krista nginpa lephoangthô ledangmin, sanpoat roakweih, ngale ajahthem pejô athângheh sanpoatko, Nga chenni ranjô lechei edangang, erohkoba Nga ahînma medang angkomin ba ritjô mere angkomin Nga roandông dôngtangko Krista mîn edongsiet ang.

FILIPIEN 3:10

Ngama Jisu Krista ngale ate ritwah ngakhinwâng chaanpa loloba chohjet hun ekang, erediko ate chêmtah rãngrãng chêm lekma ate rãngrãng rithun ekang,

FILIPIEN 3:21

Atema nãng mihnyan hei angem phoangpa atedede phoang rãngrãng elitsiet a, ngale ere chaanpa keplahma atema chentôpa epên a.

FILIPIEN 3:8

Ereheh lolo ledang; chentô noma adongthôan Nga Teso Jisu Krista jetrãngma chentôpa achhih ngama phe ekang. Erediko ate junma Ngama chentôpa phe ekang; ngale Ngama Krista tâchohrãng chentôpa setru kaja tôko thonghun ekang

1 THISALONIKA 2:16

Thinma ninâng Jews ledangte hehnâng thin khope chohthin nginkongsen phoangthôkoh pa jektang ehi. Eroh thinma thinpap khohko pap dêchong moeka. Ngale ade phumma Joban rinkhah pa thin khohnâng kaera!

1 THISALONIKA 5:4

Rohkomin lemruchha heh, nekhua rangnyek khennâng dangmet, ngale erejâ Rangwo pumma ahuhte hokwah rãngrãng hûlahma nekchen patrii thuk ehèn.

1 TIMOTHI 6:20

Timothi, nangnâng Joban ma chenni sokare rãng chienthô erepa senthemthem sûareo. Sek ho ngale aba ata ngin heh nekphoang chhiakmîn, ererãngrãng ngin heh phoangchiak mînko khaka hehma “Jet ajien” reki ngama thonghun eka.

2 TIMOTHI 1:14

Nãngkhu khenwah sôngte Asâthôanju chaan junma nangnâng sûare thuktho asenli heh senthemthem thien o.

2 TIMOTHI 1:16

Teso ma Onisiforus heh tangkâ nâng chenmînchen a, chenrãngma ngako, atema Nganâng melângdep chohsû thang. Ngale Nga phâtek nâng tôngpoat komin atea Nganâng rêsê mahthang.

2 TIMOTHI 1:18

Teso ma ate ngakkatjâ Rangwo ko Onisiforus nâng chenmînchen a! Ngale atema Ngarãng Ifisus nâng chentô mokoh thanga ereheh nangmemin senthemthem jet o.

2 TIMOTHI 1:8

Erohwah, nãng Teso hâkhi dângrãng nekrêsê; ngale Krista rãngma phâtek nâng khhekritte Nganâng min nekrêsê hang. Erenoma, Nginkongsen rãngma chêmriiroh reo, eroh tâchêmrit rãng Joban ma nangnâng chaankoh eho.

2 TIMOTHI 2:9

Ngama Nginkongsen pa phoangthô junko, Ngama chêmchoh ekang, ngale mihngoan rãngrãng janruma khhekthien ehang. Rohkomin Joban Jabkhab pa janruma takhhek thienmah,

2 TIMOTHI 4:8

Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

TITAS 3:8

Arepa toangtang ngin. Nekhuma are nginpa senthemthem chenjet en ngama hun ekang, erohkoba henhenma Joban nâng putedâlem eken a erehehma ne roandôngko moatlemsen moletma etongen, ngale erepa anga ngarãngma asenli ngale alemli.

HIBRU 12:2

Nãng mitma Jisu nâng thongthong sûlihma tonge, chenrãngma ngako khebengma danglahma athôan kotuk atema jôba nãng putedâlem pa senthemthem dangthuk ehi. Atea bãngphak khohko rittekrit ran cheiho! Erenoma, Joban ma ate mawah khuhah nâhah thienkoh ekapa thonghun lahma bãngphak khohko rêsê rephe rittekrit pa chenjô dangmah ngama thônghun wah, ngale erohwah atea athângheh Joban tôngthin dekchah ngeko tongeka.

HIBRU 2:18

Ngale ade phumma hungtôan ritte hehnâng atema tachohsûa, chenrãngma ngako, ate nângmin hungtôanwah ngale ate memin chêmchoh wah.

HIBRU 7:25

Ngale erohwah henhen ate junma Joban tânâng hûeka ereheh atema athâng hehmin ngale roantangma eta pesiet a, chenrãngma ngako atema Joban nâng thinrãngma roatsep kohrãng roantang roangjêng rãng hin eka.

1 PITER 1:5

Ereheh nekhurãng, nekhu putedâlem junko athôan sanpoatko khope chohrãng Joban chaanma pepâng lahma thien ehèn.

1 PITER 4:16

Rohkomin nea Kristan dângdi chêm mechoh enko, nekrêsê en, Joban nâng dangkoh a ngaen, chenrãngma ngako, nema Krista mîn kep eken.

1 PITER 4:19

Erohwah, Joban hung junko thinma chêmchei mechoh ako, thin têm atiakte Joban nâng senthemthem chendâlem wak a, ngale thinma kaamsen chenmo wak a, chenrãngma ngako, thin têm atiakte Joban ma thinnâng rangkohrãng toamsem tahpa chenthujô themah.

JUD MA RAANGWAH SITI 1:24

Nekhu papnâng jâritwah tâpesiette, ngale ate tânâng sâpoangpoang tâsiet wênte, erediko ate aphiakthôan mathahko nekhu lethe thangma khuhah nâhah tâdângthukte Joban nâng-