2 TIMOTHI 1:10 - NIEMNYAN Naga NT (BSI)

¹⁰ Rohkomin are mînchenchaan pa nãng Pângte Jisu Krista kalahma khesok ehi. Atema arit chaanpa mahsiet eka ngale nginkongsen junma chenthumin leriitu roandông loatkhesok ehi.

2 TIMOTHI 1:10 Iomraidhean Croise

LUK MA RAANGWAH NGINKONGSEN 11:36

Ne phoang phangtang wenphiak lolo danglahma, rangnyek chhupthemin aho medang ako, wentitma nenâng chhakphiak rãngrãng, ne phoang phangtang phiakjaja edanga.”

LUK MA RAANGWAH NGINKONGSEN 13:7

Ephumma atema bãngthong pânteko ngatwah, ‘Sûtan, rangpâ pârem ngama are phukbãngko phukri lêmsokrãng lâkathang, phumma wanthejô mathat chohpun ekang. Ajoatphe reo! hahmên tôtô nekchenphoak eka’

LUK MA RAANGWAH NGINKONGSEN 2:11

Thejâ Devit hahko ne Pângte Chhaeka - Atea Krista Teso!

JON MA RAANGWAH NGINKONGSEN 1:9

Arepa linlin wenphiak pa dângwah - are wenphiak pa hahtokkhoh ko kalahma chentô mihnyan hehnâng phiakka era.

JON MA RAANGWAH NGINKONGSEN 14:6

Jisu ma atenâng dânthâng wah, “Nga a Lemkhô, toangtang, ngale roandông; Wa tânâng henjô leta wãngmin, ngajunma lolojôba Wa tânâng tâwâng min.

JON MA RAANGWAH NGINKONGSEN 20:31

Rohkomin are raangthien eka heh nema chenmam putedâlem en ngama raangthien eka Jisu pa Joban Chha, Misaia, ngale nema atenâng putedâlem junma ba nema roandông tâchohmin.

JON MA RAANGWAH NGINKONGSEN 4:42

ngale thinma dihiaknyuko ngatwah, “Nima ade phumma lâputetih, rohkomin nangma ninâng thôkoh junko dangmah, nidedema ate ngin lâchohtattih, ngale linlin atea rangkhen Pângte ngama nima lâjettih.”

JON MA RAANGWAH NGINKONGSEN 5:40

Rohkomin nea ngatânâng roandông chohrãng hok hunmet.

MOATLEM 13:23

Joban ma toamsem tah rãngrãng atema Isrial mihnyan heh Pângte rãng Devit pôali wah Jisu dangthuk eka.

MOATLEM 5:31

Joban ma ritwah ngakhinsiet lahma, Isrial mihnyan hehnâng hunglit sanpoat kohlahma thinpap heh map kohrãng ngama ate dekchahko lemsênte ngale Pângte rãng dangthuk lahma tongthuk eka.

ROMAN HEHNÂNG POLMA RAANGWAH SITI 16:26

Athângheh ere toangtang pa mõng hehma raangwah junko loat eka; ngale roantang roanjêng Joban ma chien junko chentô diak akan hehnâng jetthuk eka, erohwah anga ngama putedâlem eka.

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

ROMAN HEHNÂNG POLMA RAANGWAH SITI 3:31

Phumma nãngma putedâlem junko Niemarang heh chhihsiet lere ekia? Chenthumin nãngma chhihsietmih; erenoma, putedâlem junko nãngma Niemarang pa dongsiet eki.

ROMAN HEHNÂNG POLMA RAANGWAH SITI 6:6

Ngale nãngma ajet, nãng roandông apã pa Krista demnâng ate bãngphak ko lâjoh rittektah, erepa nãnghung wah papchaan pa chhihsiet rãng johrittek eka, erohwah nãnga paphaa dangtûmih.

1 KORINT 15:26

Khedithôan wah jienmin ran pa ritpa dângmin.

1 KORINT 4:5

Erohwah nekhu memin sanpoat pa mahûhûko hennâng min athe neknga en. Alinlin athe ngama loatrãng Teso katpa bemlâ mêngmin; rangnyek khennâng huhthientah heh khohko atema wenphiak pumma ephiakthuk a, ngale mihnyan heh hung khennâng huhthem awa tahheh atema eloatsiet a. Ngale erediko anga ngama Joban wah chenroh rô chohthin a erepa echohwak a.

2 KORINT 5:4

Nãng are hahtokkhoh wah humko sông poatko, nãngma chêmchei chohjunko joang alin reki; rohkomin nima erepa are hei angem phoangpa chianga ngat dangmih, rohkomin rangkhethung wah humpa nikhohko chenpoh kohhi ngama huneki, erohkoba are aritte phoangpa leriite roandông pumma elitsiet a.

GALATIEN 5:4

Nekhuwah henhenma Niemarang pa kepletma Joban demnâng toangtang tâdâng hun eken a, ereheh Krista demwah taangmin eka. Ngale nekhua Joban mînchenchaan khennâng dangmet.

IFISIEN 1:18

Nema Joban wenphiak pa jienchoh kherãng nekhu hungrin chenlaang kohhèn ngama Joban nâng rosep ekang, erohkoba nema chenni nâng dâlemrãng atema rooehèn a erepa nema etajet en. Joban ma atenâng putedâlemte mihnyan hehnâng rangkohmin ngama toamsem tahpa chentô chhu a ngale chentôsên a,

IFISIEN 1:9

Joban ma chenni themawa eka erepa moeka, ngale erepa Jisu Krista junma tamo lahma nãngnâng loatjetthuk ehi.

2 THISALONIKA 2:8

Erediko Mihnyan Chhihthôan pa ehonga, rohkomin, chenthu Teso Jisu Krista meka theko ate thunkâ wah rekpumma eritphea, ngale atewah wenphiakdong pumma echhihsiet a.

2 TIMOTHI 1:1

Joban hungsi junko Jisu Krista moattat chhoante rãng, ngale Joban ma toamsem tah roandôngpa Jisu Krista demnâng roamlihma chohmin ngama phoangthôkoh rãngma chienchhoan wah Pol ngewah raangeki-

2 TIMOTHI 1:8

Erohwah, nãng Teso hâkhi dângrãng nekrêsê; ngale Krista rãngma phâtek nâng khhekritte Nganâng min nekrêsê hang. Erenoma, Nginkongsen rãngma chêmriiroh reo, eroh tâchêmrit rãng Joban ma nangnâng chaankoh eho.

2 TIMOTHI 4:1

Ahînte mihnyan ngale riichoante heh rênte Joban ngale Jisu Krista mathahko Ngama nangnâng chien eki, chenrãngma ngako atema Lowang danglahma pênrãng kaera

2 TIMOTHI 4:8

Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

TITAS 2:11

Chenrãngma ngako Joban ma ate mînchenchaan pa chentô mihnyan nyuchha heh khope rãng loatsiet eka.

TITAS 2:13

eroh danglihma nãngma dâlemki rangwosen pa bemlae, ere jâko nãng Joban dongthôan ngale nãng Pângte Jisu Krista rânghong mîndông demnâng ehongkara.

TITAS 3:4

Phumma chenthu Joban nãng Pângte ma mînchen ngale hun achet pa hôngdiko,

HIBRU 10:32

Thonghuntan en, amako nedemnâng chenroh dangtah a. Ere sanpoatko, Joban wenpa nekhoh nâng phiakkat diko, nema ajahthem chêmchei chohtet, rohkomin, nea ere chêmchei pumma tajienho.

2 PITER 1:1

Jisu Krista moattat chhoante ngale ate haa Simon Piter ngewah- Nãng Joban toangtang junma ngale nãng Pângte Jisu Krista junma ni rãngrãng putedâlem sen chohte hehnâng raangeka:

2 PITER 1:11

Eroh koba nenâng nãng Teso ngale Pângte jisu Krista roantang roanjêng Hahsông thenâng tâwâng rãng chaan ekohhèn.

2 PITER 1:3

Nãngma nãng roote pa jetjunko, Joban ma nãngnâng roandôngko Joban jetlihma toangtangma jien sôngtông rãng chenni lemkia ereheh phangtang kohehi, atema nãng rooehi pa atedede mîndong ngale asenli hehnâng roamlihma tôngrãng rooehi.

2 PITER 2:20

Nãng Teso ngale Pângte Jisu Krista jetlahma henkomin are hahtokkhoh chhih kowah pechhoan lahma, eredikomin achhih hehnâng amãnmãn methe ngekriiako, ererãngrãng mihnyan pa khebengwah nomemin athôanko achhihthôan edanga.

2 PITER 3:18

Ngale nãng Teso ngale Pângte Jisu Krista mînchenchaan pa senthemthem jetletma ne putedâlem pa jêngdong dongwãng chendangen. Ate mînpa jôba athâng hehmin, ngale roantang roangjêng rãng chendonga! Amen.

2 PITER 3:2

Chenthu thuma Asâthôan mõng hehma jabtah ngin heh nema chenthonghun en ngama huneka, ngale nãng Teso ngale Pângte ma nãngnâng chienthi ngin ate moattat chhoante ma nenâng thôkohthen heh thonghun en ngama huneka.

1 JON 1:2

Chenthu erepa mitma jienkheli rãng litjâ phumma, nãngma kheki; erohwah nima erejunma thôkoh eka, ngale nãng Wa demwah roantang roanjêng roandông nãngnâng jetthukthi junma thôkoh eka.

1 JON 4:14

Ngale Joban Wama ate Chha are hahtokkhoh Pângte rãng chienkat erapa nima lâkhetih ngama mihhan nâng phoangthôkoh eki.

LOATKHESOK 18:1

Are dikomin Ngama ahan ngintatte wanthe rangkhethung wah kalahma khewah. Ate ngenâng chaan ahang dong dângwah, ngale atea nyahrãng phiak lahma hahtokkhoh phangtang phiakjaja phiaksiet wah.

LOATKHESOK 2:7

“Nenâng nâ metong hènko, Juma, Asâthem hehnâng chenni ngaeka ereheh jetat en! “Henhenma tajien eken a ereheh nâng Ngama Joban penri thong kowah roandông chohthin bãngko penri rieka kowah echhahthuk ang.”

LOATKHESOK 20:14

Erediko arit ngale rit amah heh wennâng phekatwah. (Are wenpa depnii thêrit pa.)

LOATKHESOK 22:14

Henhenma thinkhet pa sâset eka erehehma rang ekep a, ngale thinma roandông chohthin bãngkowah penri eta chohchhah a, ngale pankâsek pumma hahdaangko eta nyupwãng wak a.

LOATKHESOK 22:17

Ju ngale Nemnyan pumma ngaeka, “Karoo!” Henhenma arepa tateka ereheh memin “Karoo!” ngama chennga a. Huren, henhen jolân rittea; henhenma hun eken a erehehma roandông jopa hînhô rãngrãng kepen.