2 TIMOTHI 1:1 - NIEMNYAN Naga NT (BSI)

¹ Joban hungsi junko Jisu Krista moattat chhoante rãng, ngale Joban ma toamsem tah roandôngpa Jisu Krista demnâng roamlihma chohmin ngama phoangthôkoh rãngma chienchhoan wah Pol ngewah raangeki-

2 TIMOTHI 1:1 Iomraidhean Croise

JON MA RAANGWAH NGINKONGSEN 10:28

Ngama thinnâng roantang roanjêng roandông koh ekang, ngale thin chenthumin leriimin. Henmemin thin a ngadek wah leta nyenchhoanmin.

JON MA RAANGWAH NGINKONGSEN 17:3

Ngale roangtang roanjêng lethôan roandông ngaeka pa nanglolo jôba toangtang Joban ngama jetpa, ngale nangma chienkattho Jisu Krista jet ekipa.

JON MA RAANGWAH NGINKONGSEN 5:24

“Ngama nenâng toangtang thôkoh eka: Henhenma ngajab pa tatlahma nga chienkatte ko putedâlem eka erehehma roantang roanjêng roandông echoh a. Thinnâng achhih ngama lengamin, rohkomin ritwah ahîn thinnâng lâdangtah.

JON MA RAANGWAH NGINKONGSEN 6:40

Chen-rãngma ngako Ewa ma huneka pa henhenma Chhapa khelahma atenâng putedâlem eka erehehma roantang roanjêng roandông chohrãng huneka. Ngale athôanjâ rangwo ko ngama thin engak hinsiet ang.”

JON MA RAANGWAH NGINKONGSEN 6:54

Henhenma ngaphoang kowah phhek eka, ngale nga hei jok eka erehehma roantang roanjêng lethôan roandông echoh a, ngale athôanjâ rangwo ko ngama engakhinsiet ang.

ROMAN HEHNÂNG POLMA RAANGWAH SITI 1:1

Jisu Krista haa ngale Joban ma ate nginkongsen phoangthô rãng rênwah moattat chhoante, Pol ma raangeka.

ROMAN HEHNÂNG POLMA RAANGWAH SITI 5:21

Erohwah, pap junko rit pumma nãngkhoh ko pêntah rãngrãng, toangtang pumma Joban mînchenchaan pa nãngkhohko pên ehi, erohwah nãng Teso Jisu Krista junma nãngma roantang roanjêng ahîn roangdong pa choheki.

ROMAN HEHNÂNG POLMA RAANGWAH SITI 6:23

Chenrãngma ngako, pap dekbi thãpa - rit; rohkomin Joban ma thãhoma hînhô kohehi pa nãng Teso Jisu Krista demnâng roamlihma roantang roanjêng ahîn roandông choheki.

1 KORINT 1:1

Joban hungsi danglahma Jisu Krista moattat chhoante rãng roowah Pol, ngale nãngpho Sosthen ma raangeka-

2 KORINT 1:1

Joban hungsi junko Jisu Krista moattat chhoante Pol, ngale nãngnaa Timothi ma ngewah- Joban nâng putedâlemte Korint wah Asâthem, ngale Akaia diakwah chentô Joban nâng putedâlemte mihnyan hehnâng raangeka:

2 KORINT 1:20

Chenrãngma Joban ma chentô toamsem eka ereheh nâng atema “Danga” ngama tuta ngaeka. Erohwah Jisu Krista junma Joban mîndôngrãng nãngma “Amen” ngaeki.

GALATIEN 3:26

Putedâlem junma Krista demnâng roamletma nekhu phangtang Joban Chharãng dangeken.

GALATIEN 3:28

Erohwah Jews le Jews ledangte hehnâng mâmâ jatjat ahotu, haa le haa ledangte heh tungnângmin mâmâ jatjat ahotu, dihiak dela tungnângmin ahotu; nekhu phangtang Jisu Krista demnâng roamletma wathe lâdangtet.

IFISIEN 3:6

Apatritli nginpa dangeka, nginkongsen junma Jews ledangte hehmin Jews heh demnâng roamlahma Joban wah rang johkepmin; thinmin phoangthe kowah tuta jôba, ngale Jisu Krista junma Joban ma toamsem tahko thinmin johroam eka.

1 TIMOTHI 6:19

Eroh memo akoba thinma khediwah thin roandông rãng lesekmah tuli eta khôanthien wak a. Ngale erohkoba thinma alinlin toangtang roandôngpa eta choh a.

2 TIMOTHI 1:10

Rohkomin are mînchenchaan pa nãng Pângte Jisu Krista kalahma khesok ehi. Atema arit chaanpa mahsiet eka ngale nginkongsen junma chenthumin leriitu roandông loatkhesok ehi.

2 TIMOTHI 1:13

Ngama toangtang jabkhab nangnâng hethôtih hehnâng rongtêngtêng lolohma tongo, ngale erejunko dango, erediko Jisu Krista demwah nãngkhu putedâlem le hun achet junko tongo.

2 TIMOTHI 1:9

Atema nãngkhu pepâng lahma atedede mihnyan dângrãng rooehi, erepa nangma moatlemsen moatjunma dangmah, ate dedema hunlahma ate mînchenchaan junko pepâng ehi. Rangle Hahtokkhoh hôan mama are mînchenchaan pa atema Jisu Krista junma nãngnâng kohehi.

2 TIMOTHI 2:1

Timothi, nanga Ju ngenâng Ngachha rãngrãng, erohwah Jisu Krista junma nãngma choheki mînchenchaan ko rongtêngtêng dango.

2 TIMOTHI 2:10

ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

2 TIMOTHI 2:3

Jisu Krista nginkepkep sipâhi sen rãngrãng danglohma nangmin chêmriio.

2 TIMOTHI 3:15

ngale nangma thonghuntan nang letachha thuma, nangma Asâthôan Joban nyapraangpa ajet, erepumma nangnâng Jisu Krista nâng putedâlem junma khope chohthin buthi mongthemsen heh ekohho.

TITAS 1:2

erepa roantang roanjêng roandông chohrãngma putedâlem eki. Are roantang roanjêng roandôngpa Joban ma rangbeng hahbeng thuma nãngnâng kohrãng toamsêm wah, ngale Joban ma mothô thômah,

TITAS 1:4

Titas, Ngama nangnâng raangeki, nanga Ngarãngma nãngkhuma aroamma putedâlem eki junko Ngachha linlin rãngrãng kepeki. Nãng Wa Joban ngale nãng Pângte Jisu Krista ma nangnâng mînchenchaan ngale mêmo chenkohho.

HIBRU 9:15

Ere junkowah Krista ma toamsêm nyan pa hongsiet eka, erohwah henhen Joban ma rooeka, erehehma Joban ma toamsem tah roantang roanjêng rangpa ekepwak a. Arepa aroh tadanga, chenrãngma ngako, amawah toamsem tah junko mihnyan hehma kaamchhih molahma pap dangtah kowah Krista riilahma pesiet eka.

1 JON 2:25

Ngale erepa Krista ate dedema nãngnâng kohrãng toamsêm wah - erepa roantang roanjêng roandông kohrãng toamsêm wah.