2 KORINT 9:2 - NIEMNYAN Naga NT (BSI)

² Ngama ajet nenâng achohsok hungpa etonghèn, ngale ngama nea Mesidonia wah mihnyan hehnâng nyahrãng rângthôtah. Ngale, “Akaia wah putedâlemte hehma menpa mejû chohsokhun lahma dângwah,” ngama thôkotek. Phumma nehung arinwah chohsok hun ekenpa khelahma thinmin melâng mihnyan hehma chohsokrãng chepwah.

2 KORINT 9:2 Iomraidhean Croise

MOATLEM 18:12

Phumma chenthu Galio pa Akaia wah Rom hah Govono dângpoatko, enângwah Jews heh khôan lahma Pol loatwah, ngale thinma ngoangthun thinnâng siethû lahma sekhamwah.

MOATLEM 24:17

“Phumma Jeroselem nâng ajahthem rangpâ lehû thangma tôngdiko, enângwah ngalemru hehnâng ngun katkoh erediko soam aroak rãng katwah.

ROMAN HEHNÂNG POLMA RAANGWAH SITI 15:26

Chenrãngma ngako Misidonia ngale Akaia wah Asâthem hehma Jeroselem wah Joban mihnyan hehwah tangchhih hehnâng thin hungsima chohsokrãng thonghun eka.

1 KORINT 16:15

Nema Stifen ngale ate humte tangkâ heh jet en; thin a Akaia wah khebeng thôan Kristan rãng litdangte, ngale thin dedema Joban nâng putedâlemte mihnyan hehnâng sûare lahma tongeka. Ngalemruchha heh, ngama nenâng rosep eka,

2 KORINT 1:1

Joban hungsi junko Jisu Krista moattat chhoante Pol, ngale nãngnaa Timothi ma ngewah- Joban nâng putedâlemte Korint wah Asâthem, ngale Akaia diakwah chentô Joban nâng putedâlemte mihnyan hehnâng raangeka:

2 KORINT 7:14

Ngama Titas nâng nekhu nyahrãng rângthôtah, ngale erengin pa linlin jôba ngama nekhuma atenâng khesok eken. Nima nenâng roantang toangtang ngin thôkoh eka, ngale ererãngrãngjô nima Titas nâng nekhu rângthô tahpa toangtang jôba ngama khesok eken.

2 KORINT 7:4

Ngama nenâng nyahrãng dâlem eka; Ngale Ngama nekhu nyahrãng rângthôeka! Ni chentôjô mechêm ekomin Nga hung dongdong danglekma tongekang; ngale Nga nyahrãng khuhah nâhah dangekang.

2 KORINT 8:10

Ngama hunjunko, nema menpa rangpâwah bengmotet moatlempa athângheh merâmo enko asen edanga ngama thonghun ekang. Nea abengkohte lolo dangmet, rohkomin nema hungrinma hunletma bengkoh eken.

2 KORINT 8:11

Erohwah nema bengmotet moatlempa arâmoat re en! Nema chenroh thonghun letma moatrãng cheptet a ererãngrãngjô râmoatrãng memin thonghun en, ngale athângheh nenâng chenni tonghèn a erehehma mo en.

2 KORINT 8:19

Ngale ere lekojô, atea Asâthem hehma nidemnâng chohsê pa johhên chhoan kohrãng rênwah, ere chohsê pa Teso mîndông sietrãng, ngale nima hung arinma hunlihma chohsok huneki ngama khesok rãngma moatwah.

2 KORINT 8:24

Nema thinnâng hun letma khesok en, erohkoba thinnâng nima nekhu rângthô tahpa linlin ngama ejetwak a.

2 KORINT 8:8

Ngama moatmin jôba ngama khetlomah. Rohkomin ahan hehma mihnâng chohsok atô huneka ngamaba khesok lahma, ne hun achet pemin chenroh a ngama jetrãng khesok eka.

1 THISALONIKA 1:7

Erohwah, nekhua Misidonia ngale Akaia wah chentô putedâlemte hehma newah heli dangeken.

HIBRU 10:24

Erohwah wathema wathe nâng thonghunmîn e, ngale wathema wathe nâng chohsûmîn re e, erediko hun achet khesokmîn lihma asenli moe.