2 KORINT 7:4 - NIEMNYAN Naga NT (BSI)

⁴ Ngama nenâng nyahrãng dâlem eka; Ngale Ngama nekhu nyahrãng rângthôeka! Ni chentôjô mechêm ekomin Nga hung dongdong danglekma tongekang; ngale Nga nyahrãng khuhah nâhah dangekang.

2 KORINT 7:4 Iomraidhean Croise

MOATLEM 5:41

Moattat chhoante heh ngoang awang heh tâwah khuhah nâhah chhoan wah, chenrãngma ngako, Joban ma thin a Jisu rãngma rêsê tathangte rãng rêndi khuhah wah.

ROMAN HEHNÂNG POLMA RAANGWAH SITI 5:3

Nãngkhuma nãng chêmchei hehmin rângthôe chengrãngma ngako nãngma ajet chêmchei junko atâdo re eki,

1 KORINT 1:4

Ngama roantangma Nga Joban nâng nekhu rãngma dangkoh a ngaekang, chenrãngma ngako Jisu Krista junma atema nekhu nâng mînchenchaan pa koh ehèn.

2 KORINT 1:4

Atema nãng chentô chêmchei nângmin chohsûehi, erohwah, nãngnâng Joban ma chenroh chohsûthia, ererãngrãnjô nãngmemin rongrup nâng chêmcheite mihnyan hehnâng chohsokmin.

2 KORINT 10:8

Chenrãngma ngako, Teso ma nãngnâng kohthi chaan rãngma ngama ajahmanjô merâng thôtek komin, nga rêsêmak - ere chaanpa nganâng nekhu sênsietrãng kohwah, nekhu chhihsietrãng kohwah dangmah.

2 KORINT 11:21

Ngama rêsêli ngin jabekang, ererãngrãng moatlem heh nima chinmomih! Rohkomin henma akomin lechei thangma merângthô ako Ngama abajab arãngrãng jabekang - Ngamemin lechei thangma tarângthô ang.

2 KORINT 2:14

Rohkomin Joban nâng dangkoh a ngaekang! chenrãngma ngako, Krista demnâng roamlihma Krista mînko phâtek nâng tôngte rãngrãng danglihma Krista ma jien ekako Joban ma roantangma senwên ehi. Joban ma Krista nginpa tientumli tûm rãngrãng chentô thenâng phôangjet thukrãng kep ehi.

2 KORINT 3:12

Chenrãngma ngako, nãngnâng aroh putedâlem pa tông phumma lechei thangma dangeki.

2 KORINT 7:14

Ngama Titas nâng nekhu nyahrãng rângthôtah, ngale erengin pa linlin jôba ngama nekhuma atenâng khesok eken. Nima nenâng roantang toangtang ngin thôkoh eka, ngale ererãngrãngjô nima Titas nâng nekhu rângthô tahpa toangtang jôba ngama khesok eken.

2 KORINT 8:24

Nema thinnâng hun letma khesok en, erohkoba thinnâng nima nekhu rângthô tahpa linlin ngama ejetwak a.

FILIPIEN 1:14

Ngale Nga phâtek nâng tongekang junko ajâhthem putedâlemte mihnyan hehma Teso nâng senthemthem lâputedâlem waktah, ererohwah sanpoat roakweih thinhung dongsiet lahma Joban nginkongpa lechei thangma phoangthô wakeka.

FILIPIEN 1:20

Ngama hungkhen wah thonghun lekma putedâlem ekang, ngama chenthumin Krista nginpa lephoangthô ledangmin, sanpoat roakweih, ngale ajahthem pejô athângheh sanpoatko, Nga chenni ranjô lechei edangang, erohkoba Nga ahînma medang angkomin ba ritjô mere angkomin Nga roandông dôngtangko Krista mîn edongsiet ang.

FILIPIEN 1:26

erohwah chenthu Nga netânâng mengak hûthangko, Nga junma nekhu Jisu Krista demnâng nyahrãng khuhah nâhah edangen.

FILIPIEN 2:17

Ne putedâlem junko ne roandôngpa Joban nâng koh eken demko, Nga roandông hei pemin joapsoap rãng rangtêmmin kohwah rãngrãng nedemnâng ejoh danga. Eroh medang ako, Nga rin eroan ang ngale erepa nekhu anga nga demnâng ejohroan a.

KOLOSIEN 1:24

Ngale Nga nekhurãng chêmrit ko khuhah ekang, chenrãngma ngako Nga phoang nâng chêmrit junko Krista ma ate phoang Asâthem hehrãngma lelaang chêmrii bâthientah heh Ngama laangchêm ekang.

1 THISALONIKA 2:19

Chenrohjô medang akomin, chenthu nãng Teso Jisu Krista katjâko nima khuhah nâhah dâlem lihma rângthô thinpa nekhu jôba dângmin - erepa mihhan henjô ledangmin.

1 THISALONIKA 2:2

Nema ajet nia netânâng Thisalonika nâng hokmako Filipien nâng hôanjôan lahma rêsê râthangthi. Ngale ni lelatnâng mihnyan heh ajahjô mehong akomin, Joban ma nihung dongsiet lahma ate ngewah Nginkongsen pa nenâng thôkoh eka.

2 THISALONIKA 1:4

Erohwah nededema Joban nâng putedâlemte Asâthem hehnâng nekhu rângthôeka. Nekhuma ato chêmchoh komin lejek thangma tadô letma putedâlem eken heh rângthôeka.

FILIMON 1:7

Ngama nyahrãng ahun naa, nang ngewah hun achet pumma Nganâng nyahrãng hungsenthuk ehang, ngale nyahrãng hungdongsiet ehang! Ngale nangma chentô Joban mihnyan hehmin hung lâsen thuktoh.

JEMS 1:2

Ngalemruchha heh, chenthu nekhoh nâng chentô chêmchei heh mehûrako nea khuhah nâhah dangen,