2 KORINT 7:2 - NIEMNYAN Naga NT (BSI)

² Nehung nâng nirãng thewah hôankohhi. Nima henrãng memin machhih mokoh eki; ngale nima henmin machhihsiet eki, erediko hennâng min mathat diapchhah eki.

2 KORINT 7:2 Iomraidhean Croise

MATHIU 10:14

Ngale chenre humkâ ba hahdaang ma ne letangroo, erediko ne ngin lekep medang hènko, erethe kowah loatchhoan ko neda wah bum kheb eka pemin finekthien en.

MATHIU 10:40

“Henma komin ne metãngroo hènko, erepa nganâng tãngroo ehang; ngale henma nga tãngroo ehanga, arepa nga chienkatte pa tãngroo eka.

LUK MA RAANGWAH NGINKONGSEN 10:8

Chenthu komin nea sumhahnâng chhoanko metangroo hènko, nenâng chenni koh ehèn a arepa jokphhek chhah en,

MOATLEM 20:33

Ngama henwahmin ngun akem ngale khet akhu hunmah.

ROMAN HEHNÂNG POLMA RAANGWAH SITI 16:18

Chenrãngma ngako arerãngrãng moatte hehma nãng Teso Krista nâng soamtô dangmah, thinwok phoatrãng loloba moeka. Thinma jabkhabsen jab le thuntu pumma nokba toangtang heh diapchhah eka.

2 KORINT 1:12

Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

2 KORINT 11:16

Ngama ademin thethô koheka: henmemin nganâng aba ngama nekthong hunha. Nema aba ngamejô methonghun hakomin, aba dangkoh a ngama kep ha, erohkoba ngama roanche eta rângthô ang.

2 KORINT 11:9

Ngale Nga netânâng dângpoatko chenthu ngama ngun akem lempoat komin nekhu sekmah thuk ho; Ngama chenni lem ekanga ereheh phangtang Mesidonia wah putedâlemte katha heh meba kephû kohthang. Khema wah rãngrãngjô, khedi nângmin: Ngama nekhu nâng chenthumin sekmah thukmah!

2 KORINT 4:2

Nima chentô moatlem chhih ngale rêsê thângli moatlem heh achhih ngama lâphetih; nima mothô khoanglep danglihma momih, ngale nima Joban jabkhab pemin mothôrãng litsiet lihma thômih. Joban demnâng ate wenphiakko toangtangma songtong lihma anga nga hung arin junko asen tuta chenta dange ngama thonghun lihma moeki.

FILIPIEN 2:29

Erohwah, Teso nâng putedâlemte rãngrãng ate khuhah nâhah tãngroo en. Ngale ate rãngrãng mihnyan heh chentô nâng eroh hun achhâ en,

KOLOSIEN 4:10

Ngademko phâtek nâng tôngte Aristekas memin nenâng salem matkat ehèn, ngale Barnabas pho anaa Mak memin salem matkat ehèn. (Mak netânâng mewãng rako ate senthemthem tãngroo en ngama nenâng thôkotah.)

1 THISALONIKA 2:10

Arepa toangtang ngama nememin ajet, ngale Joban memin ajet, Joban nâng putedâlemte nekhu tânâng dângko nia sâpoangpoang, toangtang, ngale chenni nângjô lechhih thangma tongwah.

FILIMON 1:12

Ngama athângheh Ngahung pa ate demko danglekma nangtânâng ngakchien kat erâng.

FILIMON 1:17

Erohwah, nangma Nganâng nang lemru ngama methonghun hangko, nangma Nganâng tãngroowah rãngrãng atemin tãngroo o.

2 JON 1:10

Erohwah, hen akomin netânâng are ngin heh lekep thangma mehûreko, ere mihnyan heh ne humnâng nekhûthuk en; ngale, “arânjô nekrânjab en.”