2 KORINT 7:1 - NIEMNYAN Naga NT (BSI)

¹ Ngalemruchha heh, are chentô toamsem ekapa nãngkhu demnâng sem ehi. Erohwah, nãngphoang ngale nãng Ju ngeksietthin chentô hehwah sâpoangpoang danglihma tonge, ngale Joban ran chei lihma sâpoangpoang danglihma songe.

2 KORINT 7:1 Iomraidhean Croise

MATHIU 12:33

“Bãngpa bãngsen medang ako, rimin risen eria; nenâng bãngchhih metong hènko, rimin richhih echoh en. Bãngpa ateri junko ejet e.

MATHIU 5:48

Rangkhethung wah ne Wa Joban pa asen dangeka rãngrãng nemin asen dangen!

MATHIU 5:8

Hungsâ rinsâte mihnyan heh rangkepte dângmin; Thinma Joban echohkhea!

MOATLEM 9:31

Ngale ere sanpoatko Judia, Galili ngale Samaria wah Asâthem heh mêmoma dângwah. Ngale Asâthôan Juma chohsû lahma thin a putedâlem nâng rongtêngtêng dângwah, ngale Joban ranchei nungma sôngtôngdi putedâlemte heh jêngjah jêngjah rewah.

ROMAN HEHNÂNG POLMA RAANGWAH SITI 5:20

Niemarang pa mihnyan nyuchha hehma papkaam jahmoat rãngmaba hongeka; rohkomin papkaam pa jahmoat phumma, Joban wah mînchenchaan pemin erenoma ajah bâmhong eka.

1 KORINT 6:20

atema nea thãma riakwah. Erohwah ne phoangpa Joban mîndôngrãng kepen.

2 KORINT 1:20

Chenrãngma Joban ma chentô toamsem eka ereheh nâng atema “Danga” ngama tuta ngaeka. Erohwah Jisu Krista junma Joban mîndôngrãng nãngma “Amen” ngaeki.

IFISIEN 2:3

Linlinko nãngkhumin phangtang thin rãngrãngjô nãng mihnyan nyuchha hei angem hung arinma chenni huneka erejunko songtong lihma dângwah, nãngphoang ngale hung arinma chenni huneka erejunko molihma dângwah. Nãngmin, hei angem junko aphoak mejô mihhan heh rãngrãng Joban rinkhah khenko chêmchohte dângwah.

1 THISALONIKA 3:13

Atema nehung aroh chendongsiet hèn, ngale chenthu nãng Teso Jisu Krista atenâng putedâlemte heh demnâng ngakkat jâko, nemin nãng Wa Joban tâko senthemthem ngale Sâpoangpoang chendangen.

1 THISALONIKA 4:7

Joban ma dihiak dela kaamchhih molihma sôngrãng roo dangmahhi, sâpoangpoang sôngrãng rooehi.

1 THISALONIKA 5:23

Nãngnâng mêmo kohte Joban pumma nekhumin chentô nâng sâpoangpoang chendang thukhèn, ngale nãng Teso Jisu Krista ngakkat jâko nekhu - Ju amoang, hung arin, ngale phoang aroang heh phangtang - chennijô ngek atek ngale theabe aho chendang thukhèn.

HIBRU 12:23

Nea Joban rãngma khhephochha heh khuhah nâhah khôantôngthin thenâng wãngeren, ere mihnyan hehmînpa rangkhethung nâng raangthien lahma tonga. Nea chentô mihnyan nyuchha heh achhih asen rênte Joban tânâng hûeren, ngale mihnyansen heh Ju sênsiette Joban tânâng hûeren.

HIBRU 12:28

Erohwah nãngma dangkoh a ngae, chenrãngma ngako, nãngma leta phongsietthin Hahsông choheki. Ngale nãngma Joban ngin keplihma ate ranchei nungma nãnghung nâng khuhah nâhah danglihma Joban nâng soamtô min;

HIBRU 4:1

Joban ma jabtah boanjek tôngthin pa nãngma chohrãng athângheh Joban ma nãngnâng toamsem ehi. Erohwah, nãngkhumin jetlihma dange, atema boanjek kohrãng toamsem tahpa henmejô lechoh nekchen dangeken.

HIBRU 6:9

Lemruchha heh, nima erohjô mejab ekomin, nima nenâng nyahrãng putedâlem eka. Ngale nima ajet nema kaamsen jôba emo en ngale kaamsen moat junko nekhomin pe eken.

JEMS 4:8

Joban tânâng hûren, ngale erohkoba netânâng Joban enamra. Papi mihnyan heh nedek pa sâsoan en! ngale ahuh khoanglep heh, nehung pa sâsietre en!

1 PITER 1:15

Erenoma, neroote Joban pa Sâpoangpoang dangeka rãngrãng, nememin chenjô memo enkomin Sâpoangpoang dangletma mo en.

1 PITER 1:17

Chenthu nema Joban nâng rangsoam ko nema atenâng Wa ngama rooeken, atema chentô mihnyan nâng mãntheko thieneka, ngale anga nganâng henma chenroh moeka erejunko atema achhih ba asen pa ren eka; erohwah, are hahtokkhoh ko ne roandôngko Joban ranchei letma songtongen.

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 PITER 2:11

Ngalemruchha heh, Nga a are hahtokkhoh ko mihwun ngale hum ahah ahote rãngrãng danglekma nenâng rosep eka! Hei angem phoangma huneka junko nekdangen, ereheh roantangma nangju demnâng ran rãngrãng danglahma loatmîn eka.

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.

1 JON 1:7

Phumma ate chenroh wenphiak nâng tongeka-ererãngrãng nãngmin wenphiak nâng eroh metong eko wathema wathe demnâng aroamma tongeki, ngale ate Chha Jisu hei pumma nãngpap chentô hehwah lâsâsietthi.

1 JON 1:9

Rohkomin nãngma nãngpap heh Joban wah map methaeko, atema toamsem tah junko atema toangtang emoa: atema nãngpap heh map ekohhi, ngale nãngma chentô kaamchhih motihheh phangtang esâsiet hi.

1 JON 3:3

Henhenma Krista nâng aroh dâlem eka, erehehma thin dedemin Krista asâ dangeka rãngrãng asâ danglahma tongeka.