2 KORINT 5:1 - NIEMNYAN Naga NT (BSI)

¹ Chenrãngma ngako nãngma jet are nãng song eki hum - are nãng phoangpa - mechhihjâ akomin, nãng sôngrãng rangkhethung nâng Joban ngenâng hum tonga, ere humpa ate dedema hôanwah, ngale erepa chenthumin lechhihjâ min.

2 KORINT 5:1 Iomraidhean Croise

MAK MA RAANGWAH NGINKONGSEN 14:58

“Nima aroh jablahma tattih, ‘Mihnyan dekma hôanwah Rangsoamhum pa runsiet lekma, jârem diko mihnyan dekma hôanwah ledang ahan wanthe engak hoan ang.’”

MOATLEM 7:48

“Rohkomin achoang thôanwah tôngte Joban pa mihnyan dekma hôanwah humnâng tongmah; mõng ma ngatah rãngrãng,

1 KORINT 3:9

Chengrãngma ngako nima Joban rãng roammoeki, ngale nekhua Joban khethah. Ngale nekhua Joban hummin edangen.

2 KORINT 4:7

Rohkomin chentô noma adongthôan chaanpa nãngnâng dangmahhi, erepa Joban ngenâng ngama khesokrãng, nãngma Jupa hahtit nâng sekwah rãngrãng thien eki.

2 KORINT 5:4

Nãng are hahtokkhoh wah humko sông poatko, nãngma chêmchei chohjunko joang alin reki; rohkomin nima erepa are hei angem phoangpa chianga ngat dangmih, rohkomin rangkhethung wah humpa nikhohko chenpoh kohhi ngama huneki, erohkoba are aritte phoangpa leriite roandông pumma elitsiet a.

KOLOSIEN 2:11

Krista demnâng aroamma nemin khoankhen niem lâhôantet, erepa mihnyan nyuchha dekma hôaneka khoankhen niem pa dangmah, erepa Krista ma hôaneka khoankhen niem, erejunko sekkowah papmoat chaan wah pesiet ehèn.

2 TIMOTHI 1:12

ngale erejun kowah Ngama are chêmchei heh choh ekang. Rohkomin Nga athâng hehmin hung dongdong tongekang, chenrãngma ngako, Ngama hennâng tok anaa ekanga erepa Ngama jet ang, ngale atema Nganâng chenni sûare thuk ehanga erepa atema ere Rangwojâ pa mahûhûko senthemthem eta thien a ngama putedâlem ekang.

HIBRU 11:10

Chenrãngma ngako Joban ma thak amak lahma hôantah hahdaang pa Abraham ma bemwah, ngale ere hahdaang pa chenthumin leta chhihjâ thin hahdaang.

HIBRU 9:11

Rohkomin Krista pa athâng hehwah nãngwah asenli hehrãng soam aroakte adongthôan danglahma lâkatha. Atema soam aroak eka rangsoam thepa adong ngale abâmbâm asen; erepa mihnyan dekma hôanwah rangsoam the dangmah, ngale erepa are hahtokkhoh rãngmin dangmah.

HIBRU 9:24

Chenrãngma ngako Krista a mihnyan nyuchha dekma hôanwah Asâthôan The nâng wâng dangmah, ere Asâthôan The pa rangkhethung wah alinlin The peba hehôan eka. Atea rangkhethung linlin nâng wãngeka, ngale enâng athângheh atea nãngrãngma Joban tâko tongeka.

1 PITER 1:4

ngale erohwah Joban ma ate mihnyan hehnâng kohrãng rangkhethung nâng thientah heh nãngma chohrãng thonghun eki, ereheh rangkhethung nâng asânmin lesãnjâmin, ngale chhihmin lechhihmin, erediko chenthujô lejien rãjâli thenâng thienkoh ehèn.

2 PITER 3:11

Phumma are chentô heh aroh mechhihsiet ako, nea chenrãngrãng mihnyan dângmin a? Ne roandôngpa Asâthôan dângmin, ngale Joban nâng koh en,

1 JON 3:14

Nãngma ajet nãnga ritthin kowah ahin thinnâng lâdangtih; erepa nãngma mihhan hehnâng hun achet junko jeteki. Phumma henhenma mihnâng lehuntea ereheh athâng hehmin ritthin chaan khenkho tôngthu jôba.

1 JON 3:19

Eroh medang ekoba nãnga toangtang thiakrãng lâdangtih ngama ejetriie; ngale eroh kojôba Joban mathahko dâlembe hungsensen edange.

1 JON 3:2

Ngalemruchha heh, ade phumma nãnga Joban chha lâdangtih, rohkomin chenrãngrãng dângmin a erepa senthemthem majeteki. Rohkomin nãngma ajet chenthu Krista mengak kathako, nãngmin ate rãngrãng edange, chenrãngma ngako nãngma Krista linlinpa meroh a eroh echohkhe e.