2 KORINT 4:5 - NIEMNYAN Naga NT (BSI)

⁵ Chenrãngma ngako arepa nidede ngin phoangthô dangmih; Nima Jisu Krista pa nãng Teso ngama phoangthôeki, ngale nikhua Krista mînko nekhu haa ngama phoangthôeki.

2 KORINT 4:5 Iomraidhean Croise

MATHIU 23:8

Phumma nenâng ‘hethôte’ ngama leroomin, chenrãngma ngako, nekhua pho anaa tuta, ‘hethôte’ pa wathe loloba tonga.

MATHIU 3:11

Ngama joma hunglit rãng baptijem koheka, rohkomin ngadiko nganoma bâmbâm adong wathe ekara; nga a ate dapheng sêmkoh rãngjô punmek. Atema Asâthôanju ngale Wenma baptijem ekohhèn.

JON MA RAANGWAH NGINKONGSEN 7:18

Henhenma thindede chaanko jabeka erepumma atedede mîndôngpa ehun a. Rohkomin henma ate chienkatte mîndôngrãng huneka erepa toangtang, ngale atenâng chenni athejô aho.

MOATLEM 10:36

Atema Isrial mihnyan hehnâng ngin matchhoantah pa nemajet en, erepa Jisu Krista junma mêmo Nginkongsen phoangthô chhoanwah, atea chentôrãng Teso.

MOATLEM 2:36

“Isrial wah mihnyan heh chentôma are Jisu nema rittektet pa, Joban ma Teso ngale Misaia rãng hôaneka ngama metkep ejet en!”

MOATLEM 5:31

Joban ma ritwah ngakhinsiet lahma, Isrial mihnyan hehnâng hunglit sanpoat kohlahma thinpap heh map kohrãng ngama ate dekchahko lemsênte ngale Pângte rãng dangthuk lahma tongthuk eka.

1 KORINT 1:23

Nirãngma dangeka, rittek wah Krista nginpa phoangthô eki, phumma erengin pa Jews hehrãngma achhih dangeka, ngale Jews ledangte hehma aba ata ngin rãngrãng tateka;

1 KORINT 10:33

Ngama chenroh moekanga eroh mo en; Ngama chentô moatlem moatroakweih anga nga hungsênthuk rãngma rângmo ang, ngale ngama ngadede rãngma sênrãngma rângthong hunmek, anga nga rãngma chensen a ngama rângthonghun ang, eroh medang akoba thin khomin eta pewak a.

1 KORINT 12:3

Ngama nenâng arepa jetthuk huneka, henpa Joban Juma senlahma tongeka erehehma chenthumin “Jisu nâng têm athoak mah!” ngale chenthu Asâthôanju ma lechohsû kako henmemin “Jisu pa Teso,” ngama leta loatjabmin.

1 KORINT 15:47

Khe-bengwah Adam pa hah kowah bum aboak wah hôanwah; rohkomin khediwah Adam pa rangkhethung wah katwah.

1 KORINT 2:2

Chenrãngma ngako nga nekhu demnâng dângpoatko, Ngama chentôpa lekphe lekma Jisu Krista bãngphak khoko ritpa, ngale ajahthem pejô ate rittek bãngphak pelolo ngahung kojû thonghun lekma tôngrãng thônghun wah.

1 KORINT 4:15

Chenrãngma ngako nekhu nâng Kristan roandôngko hahjat echhi mihnyan hethôtejô metong hèn komin, nerãngma Wa pa wathelolo jôba etonghèn. Chenrãngma ngako nekhu roandôngpa Jisu Krista demnâng roamletma ngama nekhu nâng Nginkongsen pa kephû kolahma nga nekhu Wa rãngrãng lâdangtek.

1 KORINT 8:6

Joban pa wathelolo jôba, erepa nãngkhu Wa, atea chentôpa têm atiakte, ngale ate junma nãngkhu hin joeki; ngale Teso min wathelolo jôba tonga, erepa Jisu Krista, ate junma jôba chentôpa têm atiekwah, ngale ate junma jôba nãngkhu hin joeki.

2 KORINT 1:19

Chenrãngma ngako Silas, Timothi, ngale ngadedema nenâng thôkohtah Jisu Krista Joban Chhapa “Danga” ngale “Dangmah” ngama ngatte dangmah. Erenoma atea, “Danga” ngama ngatte Joban;

2 KORINT 1:24

Nima nenâng metkepkep putedâlem min jôba ngama khetlomah; Nima ajet nea putedâlem nâng rongtêngtêng dangletma tongeken. Rohkomin nekhu dede khuhah nâhah dângrãngma jôba nekhu demnâng johroam moeka.

GALATIEN 5:13

Ngalemruchha heh, nekhu rãngma dangeka, nekhua Joban ma hungsiko tongrãng rooehèn. Rohkomin, nehungsiko dangeken junma, ne hei angem phoangma chenni huneka erejunko nekdangen. Erenoma, hun achhâmin letma wathema wathe nâng chohsûmîn en.

FILIPIEN 1:15

Khaka hehma thin a mihphet mihwan danglahma Krista nginkongpa phoangthô tadangthem a, rohkomin khaka hehma linlin hungsen rinsen ma phoangthô eka.

FILIPIEN 2:11

ngale chentôma Jisu Krista pa Teso ngama eloatjab a, eko Joban Wa mînpa dongsiet erewak a.

2 TIMOTHI 2:10

ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

TITAS 1:11

Ere thinma ledangli nginmõang phoangthô eka heh jeksiet remin, chenrãngma ngako, thinma ledangli nginmõang heh hethô lahma chentô humte tangkâ heh hungke thukwak eka, ngale erepa rêsêli thôan, thinma ngunbi rãnglolo moeka.

2 PITER 2:3

Ne ngewah ngun akem heh jienkeprãng nenâng thin dedema hôanwah nginmõang heh thôkoh ehèn. Rohkomin Joban ma thinnâng chenthu thuma achhih ngama ngalahma thieneka, ngale thin Chhihsiette pa ajupmin lejup tongeka!