2 KORINT 4:4 - NIEMNYAN Naga NT (BSI)

⁴ Thinma chenrãngma leputedâlem rewak eka ngako, thinhung arinpa are hahtokkhoh kowah joban chhih pumma rangnyek nâng thien junko leputedâlem rewak eka. Ngale thin a joban chhih pumma linlin Joban rãngrãng dângte Krista mîndông Nginkongsen wen kowah thinkhoh nâng phiakkat ekapa khethuk mah.

2 KORINT 4:4 Iomraidhean Croise

MATHIU 13:22

Suhbuk mongnâng chatjâte chhah rãngrãng heh dangeka, Joban nginpa chohtat lahma hei angem roandông rãng sekmah patritte mihnyan heh, thin hungko chhu alu dânghun pumma Joban nginpa tangbuk eka, erohwah thinma ari hongrimah.

JON MA RAANGWAH NGINKONGSEN 1:14

Jabkhab pa mihnyan nyuchharãng litdang kaera, ngale atenâng mînchenchaan, ngale toangtang pa mênchong danglahma nãngdemnâng songkaera. Nãngma ate rânghôngpa kheki, ererânghông pa ate Wa Chha atelolo dângthã rânghông chohlahma khe eki.

JON MA RAANGWAH NGINKONGSEN 1:18

Henmemin Joban mathatkhe eka. Rohkomin Joban danglahma Joban Wa demko tôngte wathelolo ate Chha pumma Joban pa jetthuk ehi.

JON MA RAANGWAH NGINKONGSEN 12:31

Athângheh are hahtokkhoh pa achhih asen rên sanpoat pa; ngale are hahtokkhoh pênte juchhihpa rephe sanpoat.

JON MA RAANGWAH NGINKONGSEN 12:35

Jisu ma dânthâng wah, “Wenphiak pa nekhu demko chutherãng tôngmin. Erohwah nema wenphiak pa chohpoatko khoam en, erohkoba nenâng rangnyek ma lelep edanghèn; chenrãngma ngako rangnyek nâng henkhoam eka erepumma ate chennâng chhoan eka erepa jetmah.

JON MA RAANGWAH NGINKONGSEN 12:40

“Joban ma thinmit pa doaksiet eka ngale thinhung pa basiet eka, erohwah thinmitma khe mah, ngale thinhung memin tajet mah, ngale Joban ma ngaeka, ngama thin sênsiet rãngma, thin ngatânâng hûmahra.”

JON MA RAANGWAH NGINKONGSEN 12:45

Henhenma nga khe ehanga erepumma ngachienkatte pemin khe eka.

JON MA RAANGWAH NGINKONGSEN 14:30

Nga nekhu demnâng ajah talek jabmîn tumah, chenrãngma ngako are hahtokkhoh pênte pa lâhûtha. Rohkomin atema nganâng chennimin tare mahhang,

JON MA RAANGWAH NGINKONGSEN 15:24

Henmemin lethat moli moatlem heh ngama thin tânâng lemo ngako thinnâng pap aho dângmin wah; phumma ngama chenni moekanga erepa thinma lâkhetah, rohkomin thinma Ewa chheni waniinii nâng chhihchoh ehi.

JON MA RAANGWAH NGINKONGSEN 16:11

ngale thin a chhih asen rên junkomin athe ngama ekhesok a, chenrãngma ngako, are hahtokkhoh pênteko athe lângatah.

JON MA RAANGWAH NGINKONGSEN 8:12

Jisu ma Farasi hehnâng wîenthe ngatwah. “Nga a hahtokkhoh rãngma wenphiak,” “Henhenma ngadiko junkhoam ehanga erehehma roandông wenphiak pa echoh a ngale thin chenthumin rangnyek nâng lekhoammin.”

MOATLEM 26:18

Nangma thinmit kânsiet kohmin ngale rangnyek khenwah rangwo nâng loatsietmin, ngale joak ajo khenwah Joban tânâng loatsietmin, erohkoba thinma nganâng putedâlem junko thinpap heh map chohlahma Joban mihnyan heh chhangnâng thinthe echoh a.’

MOATLEM 26:23

Misaia pa metkep chêmmin ngale ritwah khebeng thôan ngaksat lahma, khope wenphiak nginpa Jews ngale Jews ledangte hehnâng phoangthô kohmin.”

1 KORINT 10:20

Eroh ngamek! Ngama ngaekang pa dangeka, joban ledang nâng soam roak ekapa joaknâng soam roak eka, erepa Joban nâng soam aroak dangmah ngaekang. Ngale ngama nea joak demnâng johroam thukpa hunmah.

2 KORINT 2:11

Ngama are moekang pa joakma nãngkhu asenli heh nekchen tajien ehi ngama moekang; chenrãngma ngako nãngma ate mongthem pa ajet.

2 KORINT 2:12

Chenthu nga Tros nâng Krista Nginkongsen pa thôkohrãng hokko, Nganâng Teso ma enâng moatrãng lemlaang kolahma khewah.

2 KORINT 3:11

Chenrãngma ngako, mahjâ rekapa poattherãng aphiak dângwah medang ako, chenthumin lemahjâ thangma roantang roangjêng rãng tôngte pejã tanga chentôjah bâmdông phiakmin a!

2 KORINT 3:14

Linlinjô thinhung pemin tanghep eka; ngale thenep thejâmin thinma Niempã titab pa meweih ako, amawah thinhung tangheptah mãnmãn pummejô athâng hehmin tanghep eka. Chenthu mihnyan pa Krista demnâng meroam akoba ere tânghep thinpa rephe eka.

2 KORINT 3:18

Erohwah nãngkhu chentôma thhenphang pa letanghep thangma Teso rãngrãng dange; ngale Teso wah phiak eka Ju pumma nãngkhumin ate rãngrãng litsiet lahma jêngdong dongphiak chenphiakthuk hi.

2 KORINT 4:6

Joban ma, “Rangnyek khenwah wenphiak ehong phiakkatra!” ngama ngatwah, phumma ere Joban kowah phiak pa jôba Krista thhenphãng ko phiak eka ngama nãngnâng jetthukrãng ate wenphiak pa nãnghung khenko phiakkat thuk era.

GALATIEN 1:4

Are nãng songeki hahtokkhoh chhih kowah nãngkhu pêpâng rãng, Krista ma nãng Joban ngale nãng Wa ngin keplahma atedede roandôngpa nãngkhu pap rãngma kohwah.

IFISIEN 2:2

Ere sanpoatko nema are hahtokkhoh kowah achhih heh lemkhôko junkhoam letma dângwah; ngale nema hahtokkhoh pênte ju ngin kepletma dângwah, ereju pumma athângheh Joban ngin lekepte mihnyan heh pêneka.

IFISIEN 6:12

Chenrãngma ngako nãnga mihnyan nyuchha demnâng loatmîn dangmih, rohkomin, are rangnyek hahtokkhoh kowah pênte, thôte jabte, hang achaan heh, erediko rangkhethung wah juchhih heh demnâng loatmîn eki.

FILIPIEN 2:6

Atea roantangma Joban rãngrãng dângwah, rohkomin atema metkep Joban demnâng tôde jôba dângmin ngama thonghunho.

KOLOSIEN 1:15

Krista pa mitma lekhe Joban phoangrãngrãng. Ngale atea Joban khhepho Chha, chentô tem atiek tahheh wah atea adongthôan.

KOLOSIEN 1:27

Joban ma thonghun ekapa atenâng putedâlemte chentô mihnyan hehrãng atema thien kotah are nyahrãng patritli nginsen pa ate mihnyan hehnâng jetthukrãng huneka. Ngale ere nyahrãng patritli nginsen pa dangeka, ne sekkhen nâng Krista tongka ehèn, erohwah nekhumin Joban mîndôngko ejohroam en.

1 TIMOTHI 1:11

Are hethôehi nginpa Joban ma Nganâng thôthukthang nginkongsen kowah choheki, are adongthôan Nginkongsen pa rangkohte Joban ma kohehi.

TITAS 2:13

eroh danglihma nãngma dâlemki rangwosen pa bemlae, ere jâko nãng Joban dongthôan ngale nãng Pângte Jisu Krista rânghong mîndông demnâng ehongkara.

HIBRU 1:3

Joban mîndong lahma phiak ekapa atenâng chohkhe eki, ngale atea alinlin Joban rãngrãng, ngale ate jabkhab chaan pumma rangkhen pa roieka. Chentô mihnyan nyuchha heh pap rãngma map thâkoh diko, chentô noma achaanthôan Joban dekchah ngeko rangkhethung nâng tongwãng eka.

HIBRU 6:4

Chenrãngma ngako, henma thin putedâlem pa thinphe eka, ere mihnyan heh hung chenroh jienngak litthukmin a? Thin a poattheko Joban wenphiak nâng dângwah; ngale thinma rangkhethung wah hînhô pemin lâthat jettah, erediko Asâthôan Jumin lâchohtah;

2 PITER 1:19

Erohwah mõng hehma thôtah nginkong hehnâng nima linlin ngama nyahrãng putedâlem eki. Nema min ere nginko hungkoh letma mejetat enko asen edanga, chenrãngma ngako erepa wentit pumma Rangwoma maleplep rangnyek ko phiaktoak rãngrãng, ngale nehung nâng rangkhah wah merit ma phiakkat wah rãngrãng edangen.

1 JON 2:11

Phumma nãngma nãngpho anaa nâng mechhihchoh eko, nãnga rangnyek nâng tongeki; nãnga rangnyek nâng khoam eki ngale chennâng dangekia ere pemin jetmih, chenrãngma ngako rangnyek pumma nãngmit doaksiet ehi.

1 JON 2:8

Rohkomin, athâng hehwah Ngama nenâng raang ekapa hôkum nyan, chenrãngma ngako, ere hôkum kowah toangtang pa Krista nângmin kheki ngale nekhu dede nângmin kheka. Chenrãngma ngako rangnyek pa lienchhoantah, ngale wenphiak linlin pa lâhongphiaktah.

1 JON 5:19

Nãngma ajet rangkhen pa phangtang Juchhih ma pênlahma ate khennângjô methien akomin nãnga Joban chha.