2 KORINT 3:6 - NIEMNYAN Naga NT (BSI)

⁶ Atema jôba dekma raangwah ledang, Juma raangwah toamsem nyan haa tâdângrãng ninâng chaankoh ehi. Dekma raangwah niemarang pumma arit kephûera, rohkomin Juma roandông kohehi.

2 KORINT 3:6 Iomraidhean Croise

MATHIU 13:52

Ephumma atema thinnâng dânthâng wah, “Are ngaeka pa chentô, niemarang hethôte hehma rangkhethung Hahsông dijunte rãng dangwak eka, erepa hum tângte wama ate pum wah chhahkhem anyan ngale apã aroamma loatsiet rãngrãng dangeka.”

MATHIU 26:28

“arepa ngahei, areko Joban wah toamsemwin, ngahei pa ajahthem mihnyan heh pap mapkoh rãng hongeka.

MAK MA RAANGWAH NGINKONGSEN 14:24

Jisu ma ngatwah, “Arepa ngahei, ajahthem mihnyan hehrãng hongeka, are ngahei demko Joban toamsem pa tonga.

LUK MA RAANGWAH NGINKONGSEN 22:20

Ererãngrãngjô, rangjâ phhekchhah chhah diko atema aroh ngalahma thinnâng bâti kohwah, “Are bâti kowah ngahei demko Joban wah toamnyan semlahma tonga, are ngahei pa nekhurãng hongeka.

JON MA RAANGWAH NGINKONGSEN 5:21

Wama chenroh ritwah ngakhinsiet lahma roandôngkoh eka ererãngrãng, Chha memin atema henhen nâng huneka ereheh nâng roandông ekoh a.

JON MA RAANGWAH NGINKONGSEN 6:63

Roandông pa Joban Juma kohehi; hei angem phoangpa chennijô dangmah. Nga nedemnâng jabmîn eka jabkhab pumma Joban ngewah roandông chohthin Ju kephûkoh ehèn.

ROMAN HEHNÂNG POLMA RAANGWAH SITI 1:5

Ate junma Joban ma nga Jisu Krista moattat chhoante dangthuk ehang, erepa chentô diak akan wah mihnyan heh Jisu Krista nâng putedâlemte ngale ate ngin kepte dângthukrãng ren ehang.

ROMAN HEHNÂNG POLMA RAANGWAH SITI 3:20

Chenrãng-ma ngako Niemarang pumma chenni ngaeka ereheh molihma henmin Joban mitsokko toangtang tadangmih; Niemarang pumma nãngma papkaam lâmotih ngama khesok rãngba moeka.

ROMAN HEHNÂNG POLMA RAANGWAH SITI 4:15

Niemarang pumma Joban rinkhah ba kephûera; Phumma chenko niemarang aho dangeka, ereko niemarang chhihsiet thinmin aho.

ROMAN HEHNÂNG POLMA RAANGWAH SITI 4:17

Joban nyapraangma aroh ngaeka, “Ngama nanga ajahthem diak akan heh wa rãng hôaneki.” Are toamsem ekapa Joban mathahko toangtang, ngale atenâng Abraham ma putedâlem eka - Are Joban pumma riichoante heh ngakhinthuk eka, ngale atema mathat hongpa hongthuk eka.

ROMAN HEHNÂNG POLMA RAANGWAH SITI 7:6

Ade phumma, nãnga Niemarang kowah lâpe chhoantih, ngale nãng phâtek nâng khhek wah rãngrãng khhekthienthi niemarang pãko lâriitih. Ade phumma nãngma dekma raangwah niamarang apã pa lekeptûmin, Ju ngewah niemarang nyan pa keplihma ba Joban nâng soamtô min.

ROMAN HEHNÂNG POLMA RAANGWAH SITI 8:2

Chenrãngma ngako Jisu Krista demnâng roamlahma nãngnâng roandông kephok kohte Ju niemarang, pumma nga pap ngale rit niemarang kowah lâpesiet thang.

1 KORINT 11:25

Ererãngrãngjô, thinma rangjâ phhekchhah tâchhah diko, atema bâti toansem lahma ngatwah, “Are bâti kowah hei demko Joban ma toamnyan sem eka. Chenthu nema arepa jokko, nganâng thonghun letma jok en.”

1 KORINT 12:28

Joban ma Asâthem hehnângmin mâmâ moatlem mothuk eka: Abengthôanko moattat chhoante, erediko mõngama, erediko hethôte; erediko patritli moatlem moatte, erediko khoanchet mesietchaan chohte, mihnâng chohsokte, moatlem jienmoatte, ngale patritli jabma jienjabte.

1 KORINT 15:45

Chenrãngma ngako Joban nyapraangma ngaeka, “Khebengthôan mihnyan, Adam, pa ahînte mihnyan rãng hôanwah”; rohkomin khediwah Adam pa roandông kohte Jurãng hôaneka.

1 KORINT 3:10

Joban ma nganâng humhôan thakwa dângthuk junko, nga a thakwa rãngrãng danglekma humhôan bângchep ekang, ngale ere mãnko mihhanma hôaneka. Rohkomin nekhu chentôma erepa chenroh hôanmin a ngama senthemthem thonghun letma hôanmin.

1 KORINT 3:5

Linlin medang ako, Apolo pa hen a? ngale Pol min hen a? Nikhua Joban haa ba, ngale nekhu Joban nâng putedâlem thukte. Nikhuma Teso ma hennâng chenni mothuk ehia ere peba moeki:

2 KORINT 11:23

Thin a Krista haa ne? Ngama aba ma jab arãngrãng jab ekang - Nga thin noma haasen! Ngama nyahrãng chaanmotek, Nga phâtek nângmin melângdep thattongtek, Nganâng awatmin jahmõang watthang, ngale riinemnem wahmin ajahthem lâpetek.

2 KORINT 3:14

Linlinjô thinhung pemin tanghep eka; ngale thenep thejâmin thinma Niempã titab pa meweih ako, amawah thinhung tangheptah mãnmãn pummejô athâng hehmin tanghep eka. Chenthu mihnyan pa Krista demnâng meroam akoba ere tânghep thinpa rephe eka.

2 KORINT 3:3

Are sitipa Krista dedema raangwah ngale erepa nijunma matchhoan eki. Are sitipa sehima raangwah dangmah, ahîn Joban Juma raangeka, ngale erepa longkhanâng raangmin dangmah, mihnyan nyuchha hungkhen nâng raangeka.

2 KORINT 3:7

Niemarang pa longkhanâng raangwah, ngale chenthu erepa chohkoh poatko Joban wenphiak demnâng chohkoh wah. Ngale Mosa thhenphãng ko Isrial mihnyan hehma leta chinthongsû lândang rohjô mephiak akomin Mosa thhenphãng kowah ere wenphiak pa amahjâ rewah. Phumma ere arit kephûera Niemarang pemin sanpoat theko atôchaan dângwah medang ako,

2 KORINT 3:9

Nãng chhihsietrãng kephûera niemarang pa atôdong dângwah medang ako; nãngkhope sietrãng kephûera pejã tanga chentôjah bâmdôngmin a!

GALATIEN 3:21

Are junko medang ako Niemarang pa Joban ma toamsem eka lelatnâng dangeka? Erohmin chenthujô dangmah! Chenrãngma ngako, mihnyan nyuchha ma chohtah niemarang pumma roandông mekephûra ko, ere niemarang pa kep junma chentôpa Joban demnâng toangtang tâdângmin.

IFISIEN 2:1

Amako nema nginlekep dâng junma ngale pap junko nea Ju nâng riiletma dângwah.

IFISIEN 2:5

nãngma nginlekep dângjunma junâng riilihma dângthuko, atema Krista demko nãngnâng roandông kephû kohehi. Erepa Joban mînchenchaan junma nekhu khope eken.

IFISIEN 3:7

Joban ma nganâng nyahrãng mînchen junko nga a nginkongsen haarãng Joban ma hôanwah, erepa Joban ma ate chaan junma kohwah.

1 TIMOTHI 4:6

Nangma are ngin heh putedâlemte mihnyan hehnâng merîn mekhah oko, nanga Jisu Krista rãngma haasen edango, ngale erohkoba nangmin putedâlem jabkhab pa keplohma Ju nâng asen edango, ngale nangnâng hethô eho toangtang jabkhab pa nangma kepeko ngama ekhesok o.

2 TIMOTHI 1:11

Joban ma are Nginkongsen pa phoanghethô rãng ngale phoang thôkoh rãng moattat chhoante dangthuk ehang,

HIBRU 12:24

Nea Joban le mihnyan tungko toamsem anyan hôante Jisu tânâng hûeren, ngale Abel hei pumma hongjabtah noma atewah hongeka hei pumma bâmbâm asen hôngjabte tânâng hûeren.

HIBRU 13:20

Joban ma nãng Teso Jisu Krista ritwah ngakhinsiettah, ngale ate hei junma atea Saaksokte Adongthôan dangeka, ngale erejunma roantang roangjêng rãng toamsem eka. Ate hung junko moatrãng mêmo kohte Joban ma chentô asenli heh chenchoh kohhi, ngale Jisu Krista junma atema nãngnângmin ate hungsênli moatlem moatrãng chenmam hôanhi. Erediko Krista mîn roantang roangjêng rãng chendonga! Amen.

HIBRU 7:22

Erohwah, Jisu junma Joban ma toamsêm pa linlin asen dangeki.

HIBRU 8:13

Toamnyan sêm junma jablahma, Joban ma khebengwah pa apã rãng hôaneka; ngale chenni akomin mepãjâ tahko ba mechienjâ tahko lemlienma emahjâa.

1 PITER 3:18

Chenrãngma ngako nepap rãngma Krista rekthe riitah pa chentô rãngma riieka, ngale nekhu Joban tânâng sietwên rãngma papi mihnyan hehrãngma mihnyansen pa riieka. Atea phoangpa loloba ritphewah, rohkomin Ju nâng ngakhîn rewah,

1 JON 1:1

Nima nenâng rangbeng hahbeng thuwah roandông Jabkhab junma thôkoh rãng raangeka. Nãngma ere Jabkhab junma chohtattih, ngale nãngma erepa nãngdede mitma chohkhetih; nãngma erepa khetih, ngale nãngdek memin ereko sahlotih.