2 KORINT 3:12 - NIEMNYAN Naga NT (BSI)

¹² Chenrãngma ngako, nãngnâng aroh putedâlem pa tông phumma lechei thangma dangeki.

2 KORINT 3:12 Iomraidhean Croise

JON MA RAANGWAH NGINKONGSEN 10:24

Mihnyan heh ate tumlitko khôanhu lahma atenâng chhienwah, “Nangma ni chentô lektûngmaang thukmin a? Ninâng laangthôkoh ehi: Nanga Misaia dangole?”

JON MA RAANGWAH NGINKONGSEN 16:25

“Ngama are ngin heh nenâng nginthakthô rãngrãng keplekma thôkoh eka. Rohkomin ngama nginthakthô lekep thangma thôkoh sanpoat pa ehûra, ere sanpoatko ngama nenâng Wa nginpa eloat thôkoh a.

JON MA RAANGWAH NGINKONGSEN 16:29

Ephumma ate dijunte hehma atenâng ngatwah, “Athângheh nangma nginthakthô demnâng ledang thangma nima jetli thôkoh ehi.

MOATLEM 14:3

Enâng moattat chhoante heh melâng rangwo tôngthienwah, thinma chenni ranjô lechei Teso nginpa phoangthôwah, ngale ate mînchênchaan ngin thôeka pa toangtang ngama jetthuk rãng thinnâng patritli ngale bâritli moatlem heh moatthukwah.

MOATLEM 4:13

Ngoang awang hehma Piter le Jon nii lechei thangma jab khelahma nyahrãng bâritwah, ngale ate niia nyapweih nyapraangte dangmah ngama tatlahma bâritwah. Erediko ba thinma Piter le Jon nii Jisu demnâng johdângwah ngama thônghun wah.

MOATLEM 9:27

Phumma Barabas ma atenâng chohsok wah, ngale atema moattat chhoante heh tânâng siethokwah. Sol ma lemko Teso chenroh danglahma khetah a, ngale Teso ma atenâng chenroh ngatah a ereheh Barabas ma thôkoh wah. Ngale Sol ma Jisu mînko Damaskas nâng chenroh lechei thangma thôkotah a erehehmin thôkoh wah.

MOATLEM 9:29

Griik jabma jabte Jews heh demnâng min Sol roantangma phoangchiakmîn wah, phumma thinma ate ritphe rãng themawa wah.

1 KORINT 14:19

Rohkomin ere ajatjat jabkhab heh hahjat jatma jabnoma Asâthem heh rangsoam sanpoatko thinnâng hethhô rãng thinma jetli jabkhab khab bangâ tôba ejab ang.

2 KORINT 10:1

Nga Pol, ngadede ngewah nenâng rosep eka-chenthu nga nedemnâng dângpoatko numnene, rohkomin chenthu nga netawah metaang chhoantekko lângmõang dangeka ngama ngaeha. Krista mînko numnene ngale amînchen demnâng danglekma

2 KORINT 3:11

Chenrãngma ngako, mahjâ rekapa poattherãng aphiak dângwah medang ako, chenthumin lemahjâ thangma roantang roangjêng rãng tôngte pejã tanga chentôjah bâmdông phiakmin a!

2 KORINT 4:13

Joban nyapraangma ngaeka, “Ngama putedâlem lekma jabekang.” Nima min ererãngrãng jôba putedâlem lihma jab eki.

2 KORINT 7:4

Ngama nenâng nyahrãng dâlem eka; Ngale Ngama nekhu nyahrãng rângthôeka! Ni chentôjô mechêm ekomin Nga hung dongdong danglekma tongekang; ngale Nga nyahrãng khuhah nâhah dangekang.

FILIPIEN 1:14

Ngale Nga phâtek nâng tongekang junko ajâhthem putedâlemte mihnyan hehma Teso nâng senthemthem lâputedâlem waktah, ererohwah sanpoat roakweih thinhung dongsiet lahma Joban nginkongpa lechei thangma phoangthô wakeka.

FILIPIEN 1:20

Ngama hungkhen wah thonghun lekma putedâlem ekang, ngama chenthumin Krista nginpa lephoangthô ledangmin, sanpoat roakweih, ngale ajahthem pejô athângheh sanpoatko, Nga chenni ranjô lechei edangang, erohkoba Nga ahînma medang angkomin ba ritjô mere angkomin Nga roandông dôngtangko Krista mîn edongsiet ang.

KOLOSIEN 4:4

Erohwah, Ngama chenroh thôthin a erepa senthemthem chenjien thôkoh angma rangsoam kohha, erohkoba mihnyan hehma senthemthem ejien jet a.

1 THISALONIKA 2:2

Nema ajet nia netânâng Thisalonika nâng hokmako Filipien nâng hôanjôan lahma rêsê râthangthi. Ngale ni lelatnâng mihnyan heh ajahjô mehong akomin, Joban ma nihung dongsiet lahma ate ngewah Nginkongsen pa nenâng thôkoh eka.

1 TIMOTHI 3:13

Henhenma thin moatlem heh senthemthem moeka erehehma thinmîn sensiet eka, ngale chenni ranjô lechei thangma thinma Jisu Krista nâng putedâlem eka ngin heh thôwak eka.

FILIMON 1:8

Krista mînko Nga nangpho danglekma, Ngama nangnâng chenni moatrãng chien ekia erepa lesoang thangma moatrãng chien eki.