2 KORINT 3:1 - NIEMNYAN Naga NT (BSI)

¹ Ademin nidedejô rângthô ritwah rãngrãng dangekia? Roh akole, mihhan heh rãngrãng, nimemin nenâng siti raangkoh lemeken a, ba newahmin nima sitiraang lemekia?

2 KORINT 3:1 Iomraidhean Croise

MOATLEM 18:27

Ephumma Apolo Akaia nâng katrãngma chepwah, erohwah Ifisus wah putedâlemte hehma Akaia wah putedâlemte nâng Apolo senthemthem tãngroo en ngama sitiraang lahma atenâng kohwah. Chenthu ate Akaia nâng hokphumma enângwah Joban mînchenchaan junko putedâlemte dangtah hehrang nyahrãng toatchoh dângwah.

ROMAN HEHNÂNG POLMA RAANGWAH SITI 16:1

Kenkria wah Asâthem hehnâng chohsok moatlem moatte nãngkhu nya Fobi pa ngama nenâng jetthuk eka.

1 KORINT 10:33

Ngama chenroh moekanga eroh mo en; Ngama chentô moatlem moatroakweih anga nga hungsênthuk rãngma rângmo ang, ngale ngama ngadede rãngma sênrãngma rângthong hunmek, anga nga rãngma chensen a ngama rângthonghun ang, eroh medang akoba thin khomin eta pewak a.

1 KORINT 16:3

Nga netânâng hokdiko, nema ren eken mihnyan hehnâng siti wah raangko lekma, nema khôansetet ngunheh katkohrãng Jeroselem nâng echienkat e.

1 KORINT 3:10

Joban ma nganâng humhôan thakwa dângthuk junko, nga a thakwa rãngrãng danglekma humhôan bângchep ekang, ngale ere mãnko mihhanma hôaneka. Rohkomin nekhu chentôma erepa chenroh hôanmin a ngama senthemthem thonghun letma hôanmin.

1 KORINT 4:15

Chenrãngma ngako nekhu nâng Kristan roandôngko hahjat echhi mihnyan hethôtejô metong hèn komin, nerãngma Wa pa wathelolo jôba etonghèn. Chenrãngma ngako nekhu roandôngpa Jisu Krista demnâng roamletma ngama nekhu nâng Nginkongsen pa kephû kolahma nga nekhu Wa rãngrãng lâdangtek.

2 KORINT 10:12

Ngale henma thin dedema nyahrãng adong ngama thonghun riieka ere mihnyan heh demnâng nidedema tathakmîn mih. Thin a chentô bâa! Thinma thindede dongsietrii lahma, Thin dede nâng thakrii eka!

2 KORINT 10:18

Chenrãngma ngako, chenthu Teso ma asen ngama menga hiko jôba nãnga linlin asen edange, nãng dedema asen ngatrit rãng dangmah.

2 KORINT 10:8

Chenrãngma ngako, Teso ma nãngnâng kohthi chaan rãngma ngama ajahmanjô merâng thôtek komin, nga rêsêmak - ere chaanpa nganâng nekhu sênsietrãng kohwah, nekhu chhihsietrãng kohwah dangmah.

2 KORINT 12:11

Nga aba rãngrãng dang ekang - roh akomin erepa ne junma dangekang. Nekhuma jôba ngarãngma nginsen jabletma khesokmin, chenrãngma ngako, nga chenjô ledang kangkomin, nema “moattat chhoante adong” ngaeken heh noma arin dangmek.

2 KORINT 12:19

Nema eta thonghunthem en sanpoat roakweih nia ne mathahko nidede lolo senthôrii eki ngama. Eroh dangmah! Nia Krista ma chenroh jabthuk hun ehia ererãngrãng jôba Joban mathahko jabeki, ngale lemruchha heh, nima chentô moeki pa nekhu nâng chohsokrãng moeki.

2 KORINT 2:17

Nia mihhan heh rãngrãng Joban nginpa ni tongsek rãngma thãnien nâng phoangseng chhahte dangmih; rohkomin nia Joban ma chienchhoan ehi, erohwah nia Krista haarãng danglihma Joban mathahko toangtangma thôeki.

2 KORINT 5:12

Nima nidede nenâng chenjet hi ngama rângthôrit dangmih; rohkomin, nijunma nenâng nginlinlin thôkoh eka, erohkoba hungwah ledang thangma khoankhoh phoang aroang junko rângthôritte hehnâng nema nimîn rângthô letma eta danthangen.