2 KORINT 2:3 - NIEMNYAN Naga NT (BSI)

³ Erohwah jôba ngama ere sitipa nenâng raang wah - Ngahung sênthukte mihnyan hehma ngahung nekchen chhihthuk ehang ngama hunlekma netânâng leka thangma tongekang. Chenrãngma ngako, ngama ajet chenthu nga khu mehah angko, nemin khuhah eken.

2 KORINT 2:3 Iomraidhean Croise

1 KORINT 4:21

Nema chenroh hun eken a? Nga netânâng hokko thankah demnâng hûrâng ale, nenâng hun achet Ju demnâng numnene danglekma hûrânga?

2 KORINT 1:15

Nekhuma rang raknii chenkep en ngama thonghun lekma khebengko nekhu tânâng chohmîn hûrâng ngama nyahrãng themawa wah.

2 KORINT 1:23

Nga hâkhi pa Joban tonga, atema ngahung ngarin pa ajet! ngale ngama nenâng ritngat pa lehun dângjun koba Korint nâng leka dângwah.

2 KORINT 12:11

Nga aba rãngrãng dang ekang - roh akomin erepa ne junma dangekang. Nekhuma jôba ngarãngma nginsen jabletma khesokmin, chenrãngma ngako, nga chenjô ledang kangkomin, nema “moattat chhoante adong” ngaeken heh noma arin dangmek.

2 KORINT 12:21

Nga netânâng thengak hokko Joban ma ne mathahko numnene madangthuk hango ngama chei rekang, ngale ama kowah chentôma pap molahma thin kaamchhih hehwah hung lengaklit thangma tôngte hehrãngma esep ang - thinma athâng hehmin kaamchhih ngale dihiak dela tungko kaamchhih heh molahma tongeka.

2 KORINT 13:10

Erohwah ngama arepa nekhu tâwah ataangnâng dângpoatko raangeka; erohkoba, chenthu nga netânâng mehû thangko Teso ma nganâng kohthang chaanpa keplekma nekhu nâng phhekkhên nâkhen lehôan edangang - nganâng nekhu sênsiet rãngmaba chaankoh ehang, nekhu chhihsiet rãng chaankoh dangmah hang.

2 KORINT 2:9

Ngama nenâng are sitiraang ekapa, ngama nenâng hethôeka heh kep ekenle kepmet a ngama thatjettân rãng raangeka.

2 KORINT 7:12

Erohwah, Ngama ere sitipa nenâng raangwahjô medang angkomin, kaamchhih moatte wathe junko raang dangmek, ba henrãng chhihmo kotah a ere watherãng raangmin dangmek. Rohkomin, Joban junko nema ninâng linlin dangletma chentô hungkoh ehia erepa chenlepjet en ngama raangwah.

2 KORINT 7:16

Nga nyahrãng khuhah nâhah dangekang chenrãngma ngako Ngama nekhu nâng nyahrãng ladâlem tah!

2 KORINT 7:6

Rohkomin acheite mihnyan heh hung dôngsiette Joban pumma nitânâng Titas chienkat lahma nihung dôngsietwah.

2 KORINT 7:8

Ngama raangtah siti pumma nehung mekethuk hèn komin, Ngama ere sitipa raangdi chhihthong hunmek. Chenthu are siti pumma nehung poattherãng kethuk lahma khepoat koba nga hungmin echhih ang.

2 KORINT 8:22

Erohwah nima thin demnâng nãngnaa johchienkat eri; Nima ate hung pa depdep lâthatsû tantih, eko asen ngale roantangma nenâng chohsok hunjû kheki. Ngale athângheh atema nenâng nyahrãng dâlem ehèn, erohwah atema nenâng chohsokpa nyahrãng hun ehèn.

GALATIEN 5:10

Rohkomin ngama nenâng athâng hehmin dâlem eka. Nãngkhu roandôngpa Teso demnâng roamlihma dângjunko ngama dâlem ekang, mihhan mejô nenâng lihân ngin methôhû kohhèn komin nema thin nginko putedâlem met, ngale henjô medang akomin nekhu moksiette heh Joban ma echêmthuk a.

2 THISALONIKA 3:4

Ngale nima nenâng chenroh hethôtah a erohjô moeken ngama Teso mînko dâlem eka, ngale erohjô emo en ngama nenâng dâlem eka.

FILIMON 1:21

Ngama putedâlem ekang, Ngama are sitipa nangnâng raang junko, Ngama chenrãngma rosep ekia erepa emo o - ngale Ngama ajet linlin Ngama chenrãngma rosep ekia ere nomemin nangma ajah emo o.