2 KORINT 2:1 - NIEMNYAN Naga NT (BSI)

¹ Erohwah nekhu hungchhih thukrãng nga netânâng thedep hutu mahrâng ngama thonghun ekang.

2 KORINT 2:1 Iomraidhean Croise

MOATLEM 11:29

Phumma dijunte hehma henma chentô taeka eretô thinlemru Judia wah putedâlemte hehnâng matkat e ngama nginpat wah.

MOATLEM 15:2

Pol ngale Barnabas nii are junko ereheh demnâng nyahrãng chaanchhiakmîn wah, ephumma Pol le Barnabas ngale Antiok wah mihnyan khuthe Jeroselem nâng wãng lahma moattat chhoante heh demnâng erejunko thômîn wah.

MOATLEM 15:37

Phumma Barnabas ma thin demnâng Jon Mak johsietchhoan hunwah,

1 KORINT 2:2

Chenrãngma ngako nga nekhu demnâng dângpoatko, Ngama chentôpa lekphe lekma Jisu Krista bãngphak khoko ritpa, ngale ajahthem pejô ate rittek bãngphak pelolo ngahung kojû thonghun lekma tôngrãng thônghun wah.

1 KORINT 4:21

Nema chenroh hun eken a? Nga netânâng hokko thankah demnâng hûrâng ale, nenâng hun achet Ju demnâng numnene danglekma hûrânga?

1 KORINT 5:3

Ngale nga phoangko nekhu tâwah ataangnângjô medang angkomin, Junâng nga netânâng nedemnâng jôba; ngale nga nekhu demnâng phoangphoangma johtôngwah rãngrãng danglekma, ngama Teso Jisu mînko ere nyahrãng cheili kaamchhih moatte mihwa ko achhih ngaekang. Nekhu aroamma chohmîn poatko, Teso Jisu chaan nãngkhu demnâng tôngjunko ngajumin nekhu demnâng roamchohmîn ehèn,

2 KORINT 1:23

Nga hâkhi pa Joban tonga, atema ngahung ngarin pa ajet! ngale ngama nenâng ritngat pa lehun dângjun koba Korint nâng leka dângwah.

2 KORINT 13:10

Erohwah ngama arepa nekhu tâwah ataangnâng dângpoatko raangeka; erohkoba, chenthu nga netânâng mehû thangko Teso ma nganâng kohthang chaanpa keplekma nekhu nâng phhekkhên nâkhen lehôan edangang - nganâng nekhu sênsiet rãngmaba chaankoh ehang, nekhu chhihsiet rãng chaankoh dangmah hang.

2 KORINT 2:4

Ngama are sitipa nyahrãng hungchhih chêmchoh nungma, erediko nyahrãng mitphî jâlekma raang ekang; ngama arepa nehung chhihthuk hunlekma raang dangmek, rohkomin ngama nekhu phangtang nâng chentô huneka erepa jetthuk rãngba raangeka.

TITAS 3:12

Chenthu Ngama nangtânâng Artimas le Tikikas mechien katthangko, nanga Ngatânâng Nikopolis nâng chohmîn kahang, chenrãngma ngako, Nga rangpâ pâtangma enâng tôngrãng thonghun ekang.