2 KORINT 11:3 - NIEMNYAN Naga NT (BSI)

³ Nga chei rekang, chenroh pûma buthi chhih hôanlahma Eve diapchhahtah rãngrãng, nehungmin achhih nâng kesietrii letma Krista nâng atô senthemthem hung kohletma putedâlem tetpa machhihjâ let o ngama.

2 KORINT 11:3 Iomraidhean Croise

MATHIU 24:24

Chenrãngma ngako, Misaia mõang ngale mõngmõang heh ehongwak a; Ngale Joban ma ren eka mihnyan heh meta diapchhah ekorãng ngama thinma nyahrãng patritli ngale bâritli moatlem heh emoa.

JON MA RAANGWAH NGINKONGSEN 8:44

Nea newa joakchha, ngale newa ma chenni huneka ere junko kep eken. Rangbâng hahbâng thuma atea mihritphete, ngale atea toangtang lemkhôko chenthumin mathat khoam eka, chenrãngma ngako atenâng toangtang aho. Atema mothô thôekapa, mothô thôtejat dâng phumma thôeka, chenrãngma ngako atea mothô ngale mothô khoanglep heh wa.

ROMAN HEHNÂNG POLMA RAANGWAH SITI 12:8

mihhung dongsiet rãng mekoh hiko, nãngma mihhung dongsietmin. Ngale hen akomin mihnâng kohthin medang ako chhahme dângmin; Hen akomin thôajabte khhepho medang ako, hungkoh lihma chaanmoatmin; hen akomin mihnâng mînchenrãng mekoh ako, hungsi rinme ma moatmin.

2 KORINT 1:12

Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

2 KORINT 11:20

Nea haa rãngrãng keplahma moatthukte mihnyan heh, nenâng joannamte heh, be nâng manrit thukte heh, nenâng dûmmek jôjêmte heh, ngale ne thhenko watte mihnyan heh, nema hungsi rinme dangletma taliet eken.

2 KORINT 11:29

Chenthu hen akomin meboanrii ako, Ngamin boanrit jôba rekang; ngale henma akomin pap medangthuk ako, nga nyahrãng hungke ekang.

2 KORINT 2:17

Nia mihhan heh rãngrãng Joban nginpa ni tongsek rãngma thãnien nâng phoangseng chhahte dangmih; rohkomin nia Joban ma chienchhoan ehi, erohwah nia Krista haarãng danglihma Joban mathahko toangtangma thôeki.

2 KORINT 4:2

Nima chentô moatlem chhih ngale rêsê thângli moatlem heh achhih ngama lâphetih; nima mothô khoanglep danglihma momih, ngale nima Joban jabkhab pemin mothôrãng litsiet lihma thômih. Joban demnâng ate wenphiakko toangtangma songtong lihma anga nga hung arin junko asen tuta chenta dange ngama thonghun lihma moeki.

GALATIEN 1:6

Nga nekhu demnâng patritba re ekang! chenrãngma ngako, chuthe tungko Krista mînchenchaan junko neroote pa thînphethien eken, ngale nema ahan nginkongsen kep eken.

GALATIEN 2:4

rohkomin khaka hehma hôanmin jôba ngama ngaeka. Are mihnyan heh putedâlemte rãngrãng diapdang lahma, nikhu Jisu Krista demnâng roamlihma chenroh hungsiko dangekia, ereheh jêjetrãng huhlup hûera. Ngale thinma nia haarãng hôanhun wah,

GALATIEN 3:1

Aba Galatien heh! Nea henma moksiet ehèn a? Nedede mitma Jisu Krista bãngphak khoko rittek pa senthemthem khetet!

GALATIEN 4:11

Nga nekhu rãngma patrit sekmah re ekang! Ngama nekhu rãngma chentô moekang heh mahto nâng lemo ekanga?

IFISIEN 4:14

Ere diphumma ba nãngmin letachha heh rãngrãng ledangtu edange, ngale jowaak ma phophe katwah rãngrãng, erediko pông ma phoangmet phewah rãngrãng nãngmin mihphôang diapchhahte mihnyan hehnâng lephoang diapchhahrii edange, ere mihnyan hehma thinhungnâng buthi chhih heh keplahma mihnyan han heh lemke nâng senchhoan eka.

IFISIEN 4:22

Erohwah ne amako chenroh dangtet a ererãngrãng nekdangtu en, amako nang chenroh sôngtông hun eko eroh songtong lohma dângwah - amakowah apãpa hungngek rinngek pumma lâchhihsiet tah.

IFISIEN 6:24

Joban wah mînchenchaan pa henhenma nãng Teso Jisu Krista nâng leta mahli hunma huneka ereheh nâng chentonga.

KOLOSIEN 2:18

Athânkhe junko adong ngama thônghunritte, ngale ahôanma diapnumritte, erediko Joban ngintatte hehnâng soamtô rãng chiente hehnâng nekmokwânrii en. Chenrãngma ngako, ererãngrãng mihnyan heh thin hei angem hung arin junma thonghun lahma chhihsietrii eka

KOLOSIEN 2:4

Erohwah Ngama nenâng thôkoh eka, thinma chentôjô mesenthô akomin thinnâng nekmoksietrii en.

KOLOSIEN 2:8

Erediko, jetletma dangen, ngale mihnyan nyuchha hung arinwah sekhota buthi mongthem heh junma henmemin haa rãngrãng nekchenkep ehèn, ereheh dangeka, mihnyan nyuchha ma hethô wah ngin, ngale are hahtokkhoh pênteju ngewah, ereheh Krista ngewah dangmah.

1 THISALONIKA 3:5

Erohwah Ngama Timothi chienwên erâng. Ngama leta bemtu thangma, ne putedâlem pa chenroh dangeken a ngama jetrãng netânâng chienwên erâng. Juchhihma nekhu nâng chêmsiet junko nima motih moatlem heh mahto nâng madanglah o ngama patrii lekma chienwên erâng!

1 TIMOTHI 1:3

Chenthu Nga Misidonia katlem nâng dângpoatko roseptih rãngrãng, Ngama nanga Ifisus nâng mamtong mêngo ngama rosep eki. Enâng mihnyan khuthema ledangli ngin phoanghethô eka, ngale nangma ereheh jeksiet o.

1 TIMOTHI 2:14

Ngale diapchhah ritte pemin Adam dangho; dihiaknyu peba diapchhahrii lahma Joban Niemarang pa chhihsiet wah.

2 TIMOTHI 3:13

ngale mihnyan chhih le mihphoang diapchhahte mihnyan heh jêngjah jahchhih echhihjâa, thinma mihheh phoang diapchhah demko thin dedemin ediap chhahriia.

TITAS 1:10

Chenrãngma ngako jahmõang mihnyan, Judiejem wah litdangtah heh Joban jabkhab lelatnâng danglahma, hota ngin thôlahma mihheh diapchhah eka.

HIBRU 13:9

Jatrup ledangli ngin ariet heh tatletma toangtang lemkhô kowah nekke khoam en. Jokphhek chhah niemarang heh keplihma tôngnoma Joban ngewah mînchenchaan chohlihma tôngpeba asen; henhenma phhekchhah niemarang heh keplahma tongeka ereheh nângmin ere niemarang pumma chenjô chohsûmah.

2 PITER 3:17

Ngalemruchha heh, rohkomin, nema are nginpa lâjettet. Erohwah jetletma tongen, erohkoba niemarang junko ledangte mihnyan chhih hehnâng lechhihsietrii etadangen, ngale ne khope chohthin the kowah lejârii edangen.

2 PITER 3:3

Khebeng thôanko nema arepa jet en, athôan rangkuh sanhako mihnyan hehma thindede hung arinma chenni huneka ereheh lolo emowak a. Ngale thinma nenângmin dûmmek jôjêm erehèn

1 JON 2:18

Ngachhu Ngachha heh, athôan sanpoat pa lânam hûtha! Nenâng Krista Ran ehûra ngama thôkotah; ngale athângheh mejô Krista ran ajahthem lâhongtah, ngale erohwah nãngma athôan sanpoat pa lânamtha ngama jeteka.

1 JON 4:1

Ngalemruchha heh, ninâng Ju tonghi ngatte chentô nâng nekputedâlem en, rohkomin thin ngewah Jupa Joban wah dangale dangmah a ngama thaksokre en. Chenrãngma ngako mõngmõang heh chentô thenâng jahmõang lâphan chhoantah.

JUD MA RAANGWAH SITI 1:4

Chenrãngma ngako nãngma lejet tungko nãngkhu mongnâng Joban lejette mihnyan huhluphû lahma tonga, ere mihnyan hehma Joban ngewah mînchenchaan pa thintungko dihiak dela kaamchhih moatrãng chhihsiet eka, ngale thinma nãngnâng Hethôte ngale Teso wathe lolo Jisu Krista nginmin dakwak eka. Chenthu thuma Joban nyapraangma are mihnyan chhih heh mahrit nginpa thôwah.

LOATKHESOK 12:15

Ngale erediko pûchhih pumma ate thunkâ wah dihiaknyu diko dihiaknyu pa chenphophea ngama jo dôngmõang hôngphat wênwah.

LOATKHESOK 12:9

Pûchhih dôngmõang pa petphekat rewah-rangbeng hahbeng wah pû, ate mînpa Juchhih ba joak ngama dângwah, atema hahtokkhoh phangtang diapphhek chhahwah. Ate demko ate ngintatte heh aroamma hahtokkhoh nâng petphekat wah.

LOATKHESOK 20:2

Atema dragon pûchhih, rangbeng hahbeng thuwah pû - erepa, juchhih nâng ngaeka, ba Joak ajo heh hahjatthe rangpâ rãng janruma khhekthien eka.