2 KORINT 11:2 - NIEMNYAN Naga NT (BSI)

² Joban ma nenâng chenroh phetwân ehèn a, ererãngrãng ngamemin nenâng phetwân eka; Nea paangmih demnâng kaamchhih mathah mote janchhôsâ rãngrãng, ngama ne dela wathelolo demnâng kepmîn thukrãng kahkhetmîn koheka, ere delawapa Krista.

2 KORINT 11:2 Iomraidhean Croise

JON MA RAANGWAH NGINKONGSEN 3:29

Nemnyanwa pa nemnyannyu rãng; rohkomin nemnyanwa tâwah cheplahma atenâng jetat eka ate lemruchha pa, nemnyanwa kahra tatko khuhah eka. Ererãngrãng ngamin khuhah ekang.

ROMAN HEHNÂNG POLMA RAANGWAH SITI 7:4

Ngalemruchha heh, eroh jôba nekhu demnâng min dângmin. Niemarang junko methôeko, nemin lâriitet, chenrãngma ngako, nemin Krista phoang wah jôba; ngale ade phumma ritwah ngakhînte rãng jôba dângmin, ngale erohwah nãnga Joban moatlem nâng asen dângmin.

1 KORINT 4:15

Chenrãngma ngako nekhu nâng Kristan roandôngko hahjat echhi mihnyan hethôtejô metong hèn komin, nerãngma Wa pa wathelolo jôba etonghèn. Chenrãngma ngako nekhu roandôngpa Jisu Krista demnâng roamletma ngama nekhu nâng Nginkongsen pa kephû kolahma nga nekhu Wa rãngrãng lâdangtek.

2 KORINT 4:14

Nima ajet Teso Jisu Krista ritwah ngakhînsiette Joban ma, nimin Jisu demnâng ritwah johhinsiet lahma nekhu demnâng aroamma ate tânâng esietwênhi.

GALATIEN 4:11

Nga nekhu rãngma patrit sekmah re ekang! Ngama nekhu rãngma chentô moekang heh mahto nâng lemo ekanga?

FILIPIEN 1:8

Ngarãng hâkhi Joban tonga, ngale Ngama toangtang thôekang, Ngama nekhu khe nyahrãng huneka, ngale Jisu Krista ma hun rãngrãng jôba Ngama nekhu nâng huneka.

KOLOSIEN 1:28

Erohwah nima Krista pa anga nganâng phoangthôkoh eki. Ngale nima chentô buthi mongthemsen heh keplihma chentô mihnyan hehnâng phoanghethô eki, erediko nima chentô mihnyan heh Krista demnâng aroamma Joban tânâng Junâng hungchit phannang rãngrãng siethokrãng moeki.

1 THISALONIKA 2:11

Nema ajet, nyong awa hehma thin chhuchha hehnâng chenroh dangeka rãngrãng jôba nimin nekhu demnâng dangeki.

LOATKHESOK 14:4

Ere mihnyan heh thin dedema dihiaknyu heh demnâng kaamchhih lethatmo sâpoangpoang dângte heh dângwah; thin a dihiak dela ngenâng asâjû dângwah. Thinma Saakchha pa chennge nâng dangeka ere ngeko junchhoante dângwah. Thin a hahtokkhoh wah chentô mihnyan nyuchha jat hehwah khopesietwah, ngale thin jôba Joban ngale Saakchha nâng joapsoapte rãng khebeng thôan dângwah.