2 KORINT 10:3 - NIEMNYAN Naga NT (BSI)

³ Arepa linlin ngin, nãnga hahtokkhoh ko songtong eki, rohkomin nia hahtokkhoh hei angem hung arin junko mên ahiet mînte heh rãngrãng dangmih.

2 KORINT 10:3 Iomraidhean Croise

ROMAN HEHNÂNG POLMA RAANGWAH SITI 7:5

Chenthu nãng mihnyan hei angem hung arin junko sôngtông poatko, Niemarang pumma nãnghung nãngrinko papmoatlem moatthukwah, ngale ere papmoatlem pumma nãng phoangpa pênlahma dângwah, erohwah nãng moatlem junko rit rewah.

ROMAN HEHNÂNG POLMA RAANGWAH SITI 8:13

Ne hei angem hung arinma chenroh huneka eroh medang enko, nea rit rêmin; rohkomin Ju junma ne phoangwah pap moatlempa meritphe enko, ne ehin en.

ROMAN HEHNÂNG POLMA RAANGWAH SITI 8:4

Joban ma are moeka pa mihnyan hei angem junko ledang Ju junko songtong lihma Niemarang junko toangtang tâdângrãng moeka.

2 KORINT 1:17

Ngama aroh themawa ekangpa senthemthem lethonghun thangma lemo ekanga? Chenthu ngama aroh themawa ko, nga chhahnyoak hungma lemo ekanga, sanpoat theko “danga, danga” ngale “dangmah, dangmah” ngama tuta lenga ekanga?

2 KORINT 10:4

Nima ranloatmînko kepki chhahkhempa hahtokkhoh wah ranlông chhahkhempa dangmah, erepa Joban ngewah ranlông chhahkhem achaanthôan pa kepki, erepumma ran huhtôngthin thechehthôan pa chhihsiet rãng kepeki. Ngale nima ledangli nâng chhiakmîn heh chhihsiet eki;

GALATIEN 2:20

erohwah athâng hehwah hin ekangpa Nga hîn dangtumek, rohkomin, arepa Krista nganâng tong ehang. Athâng hehwah, are nga roandông dong ekangpa, Ngama nganâng hunte, ngale ngarãng ate roandông kohte Joban Chha nâng putedâlem lekma tongekang.

1 TIMOTHI 1:18

Ngachha Timothi, Ngama are nginpa nangnâng thôkoh eki, ngale nang rãngma are nginpa khema thuma profisi thunnâng hôngjab katwah. Putedâlem rãngma senthemthem ran tâcheprãng are jabkhab heh ranloatmin chhahkhem heh rãngrãng kep o,

2 TIMOTHI 4:7

Ngama atoat chhoanmîn ko senthemthem lâta toatchhoan mîntek, Ngama lemra laangriri lâta chhoantek, ngale Ngama senthemthem putedâlem ekang.

HIBRU 12:1

Nãngkhu rãngma putedâlem ngenâng nãng tumlitko hâkhi hôante mihnyan jahmõang tonga. Erohwah, nãnglem kowah tengbeng thukthin chentôpa rephe e, ngale nãng lephongthuk thangma tângsiette pap hehmin rephe e, ngale nãngma wah nãngrãng thienkoh ehi toatchhoan mîn pa nyahrãng hung arin kohlihma toatchhoan mîn e.