2 KORINT 10:1 - NIEMNYAN Naga NT (BSI)

¹ Nga Pol, ngadede ngewah nenâng rosep eka-chenthu nga nedemnâng dângpoatko numnene, rohkomin chenthu nga netawah metaang chhoantekko lângmõang dangeka ngama ngaeha. Krista mînko numnene ngale amînchen demnâng danglekma

2 KORINT 10:1 Iomraidhean Croise

MATHIU 11:29

Nga ngewah kengpa kepletma ne chhoakhoko pe en, ngale nga ngewah heha; chenrãngma ngako, nga Jupa numnene ngale noapnene.

MATHIU 21:5

“Zion chha hehnâng thôkoh en, sû en, ne Lowang pa netânâng hûera! atea numnene ngale Gado khohko chhang eka Ngale Gado chha khohko chhang eka.”

MOATLEM 8:32

Joban nyapraang kowah atema weih tahpa arepa weihwah: “Atea ajoatrãng sietchhoan eka saak rãngrãng, ngale saakchha ma ate baan khenpoatko lesep rângdanga rãngrãng. Atema khabthemin loatjabmah.

ROMAN HEHNÂNG POLMA RAANGWAH SITI 10:20

Ngale Isaia ma lechêm cheithangma hôngjabwah, “Nga a ngalêmsokte ledang hehma chohlem ehang; ngale Ngalêmte ledang mihnyan heh tânâng nga hongekang.”

ROMAN HEHNÂNG POLMA RAANGWAH SITI 12:1

Erohwah, ngalemruchha heh, Joban ma nãngkhu nâng mînchendong tôngjunko Ngama nenâng rosep eka: Ne roandôngpa nededema Joban moatlem nâng ahîn jebjebma koh en, ate moatlem moatrãng lolo chendanga ngale ate rinmeli chendanga. Eroh kohletma soam roak eken pejôba toangtangma soam roak eken.

ROMAN HEHNÂNG POLMA RAANGWAH SITI 15:15

Rohkomin are sitiko ngama lechei thangma chenni ngin akomin raang lekma nekhu nâng ngakthông thôkoh huneka. Arepa Joban ma Nganâng ate mînchenchaan pa kohjunko nenâng lechei thangma thôkohrãng ngaekang

1 KORINT 2:3

Erohwah, chenthu Nga netânâng kathangko, Nga a pachhih ngale nyahrãng tiichei lekma dângwah,

1 KORINT 4:10

Chenrãngma ngako Krista rãng sênrãngma nia aba rãngrãng dangeki; rohkomin nekhua Krista demnâng roamletma jet ajien dangeken! Nia loboan dangeki, rohkomin nekhua lochaan! Nia thãjõ lembe hôanehi, rohkomin nea dôngsiet re ehèn!

1 KORINT 4:21

Nema chenroh hun eken a? Nga netânâng hokko thankah demnâng hûrâng ale, nenâng hun achet Ju demnâng numnene danglekma hûrânga?

2 KORINT 10:10

Wawathe ma, “Pol sitipa cheili ngale nyahrãng alat ngama rângnga a, ngale chenthu atea nãng tâko phoangpa mehû theko atea pachhih, ngale ate jabkhab heh sekhota!” ngama engathem en.

2 KORINT 10:2

Ngama nenâng rosep eka, chenthu nga netânâng hokko nedemnâng nekpa thuk ha; chenrãngma ngako, are hahtokkhoh hei angem hung arin junko moat akatte heh demnâng nga metkep epa ang.

2 KORINT 10:7

Nekhuma rongrup nângjô tokkhohnâng lolo sûeken. Nekhuwah hen akomin atea Krista rãng ngama tâchâritte mihnyan tongen a? Sen a, rohkomin ade rekthe thindede chenthe ngakthong hunrii tan a, chenrãngma ngako, thin chenroh Krista rãng dangeka eroh jôba nimin Krista rãng dangeki.

2 KORINT 11:21

Ngama rêsêli ngin jabekang, ererãngrãng moatlem heh nima chinmomih! Rohkomin henma akomin lechei thangma merângthô ako Ngama abajab arãngrãng jabekang - Ngamemin lechei thangma tarângthô ang.

2 KORINT 11:30

Ngama arângthô mere angko, nga chentô pachhih dangekanga erepa erângthô ang.

2 KORINT 12:5

Erohwah ngama are mihnyan junma rângthô ang - roh akomin ngama ngadede junma rângthômek, nga a chentô aboan anaa ngale pachhih a ere peba erângthô ang.

2 KORINT 3:12

Chenrãngma ngako, nãngnâng aroh putedâlem pa tông phumma lechei thangma dangeki.

2 KORINT 5:20

Erohwah nima Krista rãngma jabeki, ngale Joban ma ate dedema roatsep wah rãngrãng nikhu junma rosep ehèn. Nima Krista mînko rosep eki: Joban ma ate ran dangtet pa ate lemruchha rãng chenlitsiet hèn!

2 KORINT 6:1

Nima Joban demnâng aroamma molihma nenângmin henhenma Joban mînchenchaan pa chohtet a ereheh nâng Joban mînchenchaan pa mahto nâng nekdangthuk en ngama rosepeka.

2 KORINT 7:4

Ngama nenâng nyahrãng dâlem eka; Ngale Ngama nekhu nyahrãng rângthôeka! Ni chentôjô mechêm ekomin Nga hung dongdong danglekma tongekang; ngale Nga nyahrãng khuhah nâhah dangekang.

GALATIEN 4:13

Ngama nekhu nâng nginkongsen pa chenrãngma khebengrãng thôhûkoh eka erepa thonghuntan en; arepa nga khun dângwah dângjunko.

GALATIEN 5:2

Tattan en! Nga Pol, Ngama nenâng thôkoh eka, nededema niemarang junko khoankhen niem mehôanthuk enko, Krista pa nerãngma sekhota thã.

IFISIEN 3:1

Nga Pol, Jews ledangte heh nekhurãng Jisu Krista mînko phâtek nâng khhekritte rãngrãng danglekma Joban nâng rangsoam ekang.

IFISIEN 4:1

Erohwah, Ngama nenâng rosep eka - Ngama Teso nâng soam atôdi Nga phâtek nâng khhekthien ehang: Joban ma nea chenroh sôngtôngrãng rooehèn a eroh songtongen.

FILIPIEN 4:5

Anga nganâng numnene dangletma khesok en. Teso sitsiak lângakka era.

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

2 THISALONIKA 3:17

Ngadede dekma are sitipa raang ekang: Pol ngewah salem ngale chentô siti nâng Ngama arohjô sûhi rânghôan ang; Ngale Ngama aroh raang ekang.

FILIMON 1:19

Arepa Ngadede dekma raang ekang: arepa, Nga Pol ma, engakthum e (Are rãngma Ngama nangnâng chêmthôkoh thin dangmah, nangdede roandông pa nangma Nganâng thãpê pêwah rãngrãng dangeka.)

FILIMON 1:9

Rohkomin Ngama nangnâng hun achet junko, roatsep ba reki. Are rosep ekipa Nga Pol Jisu Krista rãng moattat chhoante ma rosep eki, ngale athâng hehmin ate rãngma Nga phâtek nâng khhekrii ekang.

1 PITER 2:11

Ngalemruchha heh, Nga a are hahtokkhoh ko mihwun ngale hum ahah ahote rãngrãng danglekma nenâng rosep eka! Hei angem phoangma huneka junko nekdangen, ereheh roantangma nangju demnâng ran rãngrãng danglahma loatmîn eka.

LOATKHESOK 1:9

Nga a nepho Jon, ngale Jisu dijunte dângjunko ngale ate Hahsông rãng dângte hehnâng chêmchei hûeka heh nekhu demnâng aroamma hung arin môngsiet lekma tadôekang. Ngama Joban Jabkhab ngale Jisu ma loatkhesokthi toangtang nginpa phôangthôkoh junko jotungwah Patmos hahko thienwên wah.