2 KORINT 1:7 - NIEMNYAN Naga NT (BSI)

⁷ Erohwah nima nenâng nyahrãng dâlem eka; ngale nima ajet nekhu nidemnâng chenroh johchêm ehia ererãngrãng, nikhu lechêm thangma tôngko nekhumin ejohtonghi.

2 KORINT 1:7 Iomraidhean Croise

MATHIU 23:30

Ngale nema ngaeken, nita niwa heh roanko ni dôngwah dângnomeko, thinma motah rãngrãng nima lemo minwah, ngale mõng hehmin leritphe minwah.

1 KORINT 10:13

Nehung toan ehèn pemin mihhan heh hung chenroh toan eka ererãngrãng jôba toan ehèn. Rohkomin Joban ma toamsem eka, ngale nema leta dôli toanthuk mahhèn; nehung tôanpoatko, nema tâdôrãng atema chaan ekohhèn, ngale erekowah loatchhoanthin lemkhômin ekhesok hèn.

2 KORINT 12:20

Nga chei rekang, chenthu nga netânâng hokko ngama chenroh thonghun eka ererãngrãng lekhehû marelah o, erediko nekhu memin nganâng chenroh thonghun eha ererãngrãng lekhe mareho ngama. Ngale, mên ahietmîn, phatwânmîn, rinkhahchaan, chhahnyoak, mihnâng dûmmek, mihchhihthô, ngam apoa, ngale pong apa dangletma machoh khehûlah o ngama cheiba rekang.

2 KORINT 7:9

Rohkomin athângheh Nga khuhah ekang - ngale Ngama nekhu hungkê thuk junko dangmah, rohkomin nehung chhih junko asen ngenâng hunglitthuk ehèn, erohwah nga khuhah ekang. Nehung pa Joban ma huneka junko chhih eken, ngale erohwah nima nenâng chêmsiet dangmah.

2 TIMOTHI 2:12

Nãngma chêmchei pa arohjô mamtadô lihma metong eko, Nãngmin ate demnâng ejohpên e. Nãngma ate lehun medang eko, ate memin nãngnâng lehun edanghi.

2 TIMOTHI 3:11

Nganâng chêmchei thukthang heh, ngale Ngama chêmchei chohtek hehmin nangma ajet. Ngale Ngama Antiok, Ikoniem, ngale Listra nâng nyahrãng cheili chêmchei hûlahma tadôtek hehmin nangma phangtang jet! Rohkomin ere chentô hehwah Teso ma pesietthang.

JEMS 1:12

Henpa chêmchei chohpoat komin putedâlem nâng asen danglahma tongeka ereheh a rangkepte mihnyan, chenrãngma ngako, chenthu thinma chêmchoh ekapa metadô tahko, Joban ma atenâng hun achette mihnyan hehnâng kohrãng toamsem tah roandôngpa thinma echoh a.

LOATKHESOK 1:9

Nga a nepho Jon, ngale Jisu dijunte dângjunko ngale ate Hahsông rãng dângte hehnâng chêmchei hûeka heh nekhu demnâng aroamma hung arin môngsiet lekma tadôekang. Ngama Joban Jabkhab ngale Jisu ma loatkhesokthi toangtang nginpa phôangthôkoh junko jotungwah Patmos hahko thienwên wah.