2 KORINT 1:5 - NIEMNYAN Naga NT (BSI)

⁵ Chenroh nãngma Krista chêmchei ko johchêm ekia ererãngrãngjô, Krista junko Joban ma nãngnâng echohsûkat hi.

2 KORINT 1:5 Iomraidhean Croise

LUK MA RAANGWAH NGINKONGSEN 2:25

Ere sanpoatko mihwa wathe ate mînpa Simon ngama Jeroselem nâng songlahma dângwah. Atea mihnyansen ngale Joban rancheite mihnyan dângwah. Ngale Joban ma Isrial mihnyan heh pepângrãng katpa bemla lahma dângwah. Asâthôanju pa ate demko dângwah

MOATLEM 9:4

Sol hahko loangjâ lahma atenâng ngalahma jabkhab tatwah, “Sol, Sol! nangma nga chenrãngma chêmsiet ehanga?”

ROMAN HEHNÂNG POLMA RAANGWAH SITI 8:17

Nãnga ate Chha dâng phumma, Joban ma ate Chha hehrãng thienkotah rangpa nãngma kepmin, ngale Joban ma aterãng chenni thienkotah a ereheh nãngma Krista demnâng ejohchoh e; chenrãngma ngako nãng Krista demnâng mejohchêm eko, ate mîndông komin ejohroam e.

FILIPIEN 1:20

Ngama hungkhen wah thonghun lekma putedâlem ekang, ngama chenthumin Krista nginpa lephoangthô ledangmin, sanpoat roakweih, ngale ajahthem pejô athângheh sanpoatko, Nga chenni ranjô lechei edangang, erohkoba Nga ahînma medang angkomin ba ritjô mere angkomin Nga roandông dôngtangko Krista mîn edongsiet ang.

FILIPIEN 2:1

Ne roandôngpa Krista demnâng dângjunko nekhu rong eken, ngale atema hun achet pumma nekhu asen dangeken. Nekhua Joban Ju demnâng roam eken, ngale nekhu wathema wathe nâng mînchen hunmîn eken.

FILIPIEN 3:10

Ngama Jisu Krista ngale ate ritwah ngakhinwâng chaanpa loloba chohjet hun ekang, erediko ate chêmtah rãngrãng chêm lekma ate rãngrãng rithun ekang,

KOLOSIEN 1:24

Ngale Nga nekhurãng chêmrit ko khuhah ekang, chenrãngma ngako Nga phoang nâng chêmrit junko Krista ma ate phoang Asâthem hehrãngma lelaang chêmrii bâthientah heh Ngama laangchêm ekang.

2 TIMOTHI 3:11

Nganâng chêmchei thukthang heh, ngale Ngama chêmchei chohtek hehmin nangma ajet. Ngale Ngama Antiok, Ikoniem, ngale Listra nâng nyahrãng cheili chêmchei hûlahma tadôtek hehmin nangma phangtang jet! Rohkomin ere chentô hehwah Teso ma pesietthang.

1 PITER 4:13

Erenoma nema Krista demnâng atema chêmchoh tahko johchêm ekang ngama thonghun letma rinroan en, erohkoba chenthu Krista mîndong lahma hôngkat jâko nemin nyahrãng khuhah nâhah edangen.