2 KORINT 1:12 - NIEMNYAN Naga NT (BSI)

¹² Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

2 KORINT 1:12 Iomraidhean Croise

MOATLEM 23:1

Pol ma ngoang awang hehnâng thongsûkat lahma ngatwah, “Ngalemru Isrial mihnyan heh! Thejâ tôko ngahung sâpoangpoang danglekma Joban mathahko nyãn ekang.”

MOATLEM 24:16

Erohwah ngama roantang chenpa Joban ngale mihnyan rãng asen a erepa moatrãng latrii ekang.

ROMAN HEHNÂNG POLMA RAANGWAH SITI 9:1

Ngama toangtang jabekang; Nga a Krista rãng ngale ngama mothô thômek. Ngahung ngarinmin Asâthôanju ma pêneka, ngale ereheh junma nga ma mothô thômek ngama jetrii ekang

1 KORINT 1:17

Krista ma baptijem kohrãng chienkatwah dangmah hang. Atema nenâng Nginkongsen pa thôkoh rãngba chienkatwah, ngale ere Nginkongsen pa mihnyan nyuchha jet ajien jabkhab heh junma thôkohrãng dangmah. Mihnyan nyuchha jet ajien jabkhab heh jablekma methôkoh ako Krista bãngphak khoko riitah chaanpa ngama anyenwah rãngrãng dângmin.

1 KORINT 12:8

Juma wathe mihnyanko Joban nginpa buthi moangthêm kohlahma thôthuk eka, ngale ahan wathe mihnyanko ere mãnthe Ju pummajô Joban nginpa nyapjet nyapjien dangthuk lahma thôthuk eka

1 KORINT 15:10

Rohkomin nga a athângheh chenroh dangekanga erepa Joban mînchenchaan junma tadang ekang, ngale atema nganâng mînchenchaan kohthangpa mahto nâng dangmah. Erohwah, ngama moattat chhoante ahanheh noma ajah bâmchaan moekang, rohkomin erepa ngadede chaanma lolomoat dangmek, Joban mînchenchaan pa nganâng tonglahma johmo ehang.

1 KORINT 2:13

Erohwah, nima mihnyan buthi mongthêmma hethô wah jabkhab junko jab dangmih, rohkomin Juma hethô wah jabkhab junko jabeki, ngale henhen nâng Joban Ju tongeka erehehnâng nima Ju ngale toangtang nginpa hethôeki.

1 KORINT 4:4

Ngahung ngarin pa sâpoangpoang, rohkomin erejunko nga a linlinjô chenni nângjô themek tangamek. Teso meba nganâng athe ngama tanga hang.

1 KORINT 5:8

Nãngkhuma Adankhoam lokuh pa wichhi pãma sakwah bankên demnâng ledang wichhi aho bankên nyan demnâng kuh e, wichhi pãpa nãngpap ngale chentô achhih heh, rohkomin asâ ngale toangtang danglihma wichhi lesak bankên rãngrãng dange.

2 KORINT 1:17

Ngama aroh themawa ekangpa senthemthem lethonghun thangma lemo ekanga? Chenthu ngama aroh themawa ko, nga chhahnyoak hungma lemo ekanga, sanpoat theko “danga, danga” ngale “dangmah, dangmah” ngama tuta lenga ekanga?

2 KORINT 11:3

Nga chei rekang, chenroh pûma buthi chhih hôanlahma Eve diapchhahtah rãngrãng, nehungmin achhih nâng kesietrii letma Krista nâng atô senthemthem hung kohletma putedâlem tetpa machhihjâ let o ngama.

2 KORINT 2:17

Nia mihhan heh rãngrãng Joban nginpa ni tongsek rãngma thãnien nâng phoangseng chhahte dangmih; rohkomin nia Joban ma chienchhoan ehi, erohwah nia Krista haarãng danglihma Joban mathahko toangtangma thôeki.

2 KORINT 4:2

Nima chentô moatlem chhih ngale rêsê thângli moatlem heh achhih ngama lâphetih; nima mothô khoanglep danglihma momih, ngale nima Joban jabkhab pemin mothôrãng litsiet lihma thômih. Joban demnâng ate wenphiakko toangtangma songtong lihma anga nga hung arin junko asen tuta chenta dange ngama thonghun lihma moeki.

2 KORINT 8:8

Ngama moatmin jôba ngama khetlomah. Rohkomin ahan hehma mihnâng chohsok atô huneka ngamaba khesok lahma, ne hun achet pemin chenroh a ngama jetrãng khesok eka.

GALATIEN 6:4

Anga ngama mâmâ dede moatlem pa bengsokrit mêngmin. Asen medang ako, nema chenni motet a erepa tarângthô en, rohkomin erepa mihhan hehma chenroh moeka ereheh nâng lethakmîn min.

IFISIEN 6:14

Erohwah chep achã letma tongen, toangtang pa ne roamko roamdit rãngrãng dit en, ngale ne thenkhuhko jankha rãngrãng khiapen,

FILIPIEN 1:10

Erohkoba nekhuma chenpa asen a erepa ejienren en. Eroh koba chentô angek atek hehwah sâletma Krista ngakkat jâko chhih ngatthin aho edangen.

1 THISALONIKA 2:10

Arepa toangtang ngama nememin ajet, ngale Joban memin ajet, Joban nâng putedâlemte nekhu tânâng dângko nia sâpoangpoang, toangtang, ngale chenni nângjô lechhih thangma tongwah.

1 TIMOTHI 1:5

Are chien ekangpa hungsâma hun achetmîn, hungpun rinpun, ngale linlin putedâlem pa thinnâng chenhonga ngama chien ekang.

TITAS 2:7

Nang dedema chentô nâng jatsen patsen danglohma khesok o. Ngale nangma nyahrãng hung arin kohlohma senthemthem hethôo.

HIBRU 13:18

Nirãng roantang rangsoam kohhi. Nihung nirin linlin danglihma asâ, chenrãngma ngako, nima sanpoat roakweih kaamsen moat tuta huneki.

JEMS 4:6

Rohkomin Joban ma nãngnâng ate mînchenchaan koh ehipa ere nomemin achaan. Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dângte mihnyan hehnâng ate mînchenchaan koheka.”

1 PITER 3:16

rohkomin ere thôngphâte hehnâng numnene ngale senthemthem danthangen. Ngale nehung nerin sâpoangpoang thien en, erohkoba nea Krista dijunte dângdi ne jatsen patsen pa thinma mechhihthô hènko, thinma chenni jab ajaeka erethã rêsê erewak a.

1 PITER 3:21

Erepa dangeka, athâng hehwah ne pesietrãng baptijem kep eken thiakpa dângwah. Ngale erepa phoangwah ngek atek heh sâsôan dangmah, rohkomin hungsen rinsen danglihma Joban demnâng toamsem eki. Erepa Jisu Krista ritwah ngakhîn junma nekhu pepâng ehèn,