1 TIMOTHI 6:6 - NIEMNYAN Naga NT (BSI)

⁶ Phumma nãng ngenâng chenni tongehia ere demko nãng rinme wokme medang eko, rangsoam niem pumma nãng linlin nyahrãng techhu edangthuk hi.

1 TIMOTHI 6:6 Iomraidhean Croise

LUK MA RAANGWAH NGINKONGSEN 12:15

Ngale erediko Jisu ma mihnyan heh phangtang nâng thôkoh wah, “Jetletma dangen, ngale chhahnyoak nekdangen; chenrãngma ngako nea chentô chhu alujô medang enkomin, ne roandôngpa nema kep alo eken chhahkhem wanlem junko hîn ajô dangmet.”

LUK MA RAANGWAH NGINKONGSEN 3:14

Sipâhi khuthe memin atenâng thôngphâ wah, “Nia chenroh a? Nima chenremin a?” Atema thinnâng ngatwah, “Henwah min ledangli wah ngun neknyen en, ngale ledangli nâng mih neksekham en. Nema dâjeng ngun choh ekenko rinme letma tongen.”

ROMAN HEHNÂNG POLMA RAANGWAH SITI 8:28

Nãngma ajet Joban ma atenâng hunte hehrãngma chentôpa asenrãng moeka, ngale ere mihnyan heh atema themawa lahma ma rooeka.

2 KORINT 4:17

Ngale nãngma athâng wah amãnchha sanpoat rãng chemchoh eki pumma, athâng wah chemchoh ko tâthakli ledangdông roantang roanjang rãng khuhah ekep hûkohhi.

FILIPIEN 1:21

Roandông pa chennia? Ngarãngma dangeka, ahîn medang angko Krista rãng hinekang, ngale rit mere angkomin erenoma ajah asen.

1 TIMOTHI 4:8

Phoang nâng trening keppa phoang rãngma asen, phumma Junâng trening mekep eko erepa chentô rãngma asen, chenrãngma ngako, Junâng trening keppa athângwah roandông komin ngale khediwah roandông komin nãngma rangkepmin.

1 TIMOTHI 6:8

Erohwah, nãngnâng phhekchhah le khet akhu metong thiko, erepa nãngrãng lâletah.

HIBRU 13:5

Ne roandôngko ngun akem nâng hangbalin nek hun en, ngale nenâng chenni tonghèn a ere demko rinme letma tongen. Chenrãngma ngako Joban ma ngaeka, “Ngama chenthumin thinphemah; ngale Ngama chenthumin lekphemah.”