1 TIMOTHI 6:5 - NIEMNYAN Naga NT (BSI)

⁵ ngale kheri chhih erediko thinnâng toangtang pa aho dâng phumma roantangma achhiakmînli heh lolo hongsiet wakeka. Thinma rangsoam niem keppa techhu dângli ngama thonghun eka.

1 TIMOTHI 6:5 Iomraidhean Croise

MATHIU 12:33

“Bãngpa bãngsen medang ako, rimin risen eria; nenâng bãngchhih metong hènko, rimin richhih echoh en. Bãngpa ateri junko ejet e.

MATHIU 21:13

ngale thinnâng ngatwah, “Joban nyapraang nâng Joban ma aroh jablahma raangeka, ‘Nga Hum pa Rangsoamhum ngama ngatmin.’ Phumma nekhuma arepa huh aliak heh huhtôngthin therãng hôan eken!”

MATHIU 23:13

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema mihnyan hehrãngma rangkhethung Hahsông lempa tangsekkoh eken, ngale nededemin ereko wãngmet, erediko eretheko wânghunte hehmin nema wãngthukmet!

1 KORINT 11:16

Rohkomin are ngin khohko henma komin chhiakmîn mehun enko, ngama thôkoh eka, ninângmin ngale Joban nâng putedâlemte Asâthem hehnângmin are lêko lihân rangsoam niemarang ahotu.

2 THISALONIKA 3:6

Lemruchha heh, Teso Jisu Krista mînko nima nenâng thôkoh eka, putedâlemte danglahma ajõ, ngale nima thinnâng rîn akhah tihheh junko ledangte heh demwah ataang re en.

1 TIMOTHI 1:6

Khuka pa are hehwah ngakchhoan lahma thin lemkhô pa aba rãngrãng sekhota ngin heh phoangjab lahma lemkhô mahphe wakeka.

1 TIMOTHI 3:3

atea khemmok chempa ngale pong apa ledangmin, rohkomin numnene ngale mêmo mihnyan dângmin; ngale atea ngun nâng nyahrãng hunte ledangmin;

1 TIMOTHI 3:8

Asâthem heh moatlem moatte heh jatsen patsen ngale nyahrãng hungkoh lahma moatte dângmin; thin a nyahrãng khemjokte ngale ngun nâng nyahrãng chhahnyoak ledangmin;

1 TIMOTHI 4:7

Rohkomin Joban nginkong ledang tewa nginchha heh nekthômîn, ereheh thômîn pa sekho. Erenoma nangdede chenroh Joban jette roandông jiendôngmin a ngama latriio.

1 TIMOTHI 4:8

Phoang nâng trening keppa phoang rãngma asen, phumma Junâng trening mekep eko erepa chentô rãngma asen, chenrãngma ngako, Junâng trening keppa athângwah roandông komin ngale khediwah roandông komin nãngma rangkepmin.

1 TIMOTHI 6:6

Phumma nãng ngenâng chenni tongehia ere demko nãng rinme wokme medang eko, rangsoam niem pumma nãng linlin nyahrãng techhu edangthuk hi.

2 TIMOTHI 3:5

Thinma rangsoam niem pa mînrãng lolo keplahma, alinlin rangsoam niem chaanpa thinma lekep edanga. Arerãngrãng mihnyan heh demwah ataangreo.

2 TIMOTHI 3:8

Janis le Jambris nii Mosa lelatnâng dangtah rãngrãng, are mihnyan hehmin toangtang lelatnâng dangwak eka - are mihnyan heh kheri ma senthemthem momah, ngale thin a putedâlem nângmin achhih.

TITAS 1:11

Ere thinma ledangli nginmõang phoangthô eka heh jeksiet remin, chenrãngma ngako, thinma ledangli nginmõang heh hethô lahma chentô humte tangkâ heh hungke thukwak eka, ngale erepa rêsêli thôan, thinma ngunbi rãnglolo moeka.

2 PITER 2:15

Are nginmõang phoang hethôte hehma lemtin pa phe lahma lemke nâng khoamwak eka; thinma ngun nâng hunlahma kaamchhih moatte Bior chha Balam damanko junkhoam wakeka

2 PITER 2:3

Ne ngewah ngun akem heh jienkeprãng nenâng thin dedema hôanwah nginmõang heh thôkoh ehèn. Rohkomin Joban ma thinnâng chenthu thuma achhih ngama ngalahma thieneka, ngale thin Chhihsiette pa ajupmin lejup tongeka!

JUD MA RAANGWAH SITI 1:11

Thinrãng chentô chhih dângmin a! Thinma Kain damãnko juntoan eka. Chenrãngma ngako, ngun junma thin dedema Balam ma chenroh kaamchhih motah a ererãngrãng kaamchhih moeka. Ngale Kora dangtah rãngrãng thinmin Joban lelatnâng dangeka, ngale thinmin Kora rãngrãng chhihsiet eka.

LOATKHESOK 18:13

ngale thin ngewah Sinamon, Tientumli, wennâng tûmthhekli, mirh, ngale Frankinsen hehmin henmejô ritumah; Khem ngale tien, Ata, ngale chhah, Lee amân, saak heh, mok ngale mok garii, hu ahaa, ngale mihnyan nyuchha hehmin thin ngewah henmejô ritumah.

LOATKHESOK 18:3

Ngale chentô diak akan hehma ate ngewah khem kowah mokjok eka - ere khem pa ate dihiak dela tungwah kaamchhih moatpa. Hahtokkhoh wah Lowang hehma ate demnâng kaamchhih moeka, ngale hahtokkhoh wah phin athã lehte mihnyan hehmin ate demnâng dâng junko nyahrãng techhu dangeka.”