1 TIMOTHI 6:4 - NIEMNYAN Naga NT (BSI)

⁴ erehehma chenmin lejet thangma ngam apoarit loloba rewak eka. Ngale atea Joban jabkhab junma chhiakmîn lahma mênmîn loloba thonghun lahma tongwak eka, ngale erejunko mihnâng mitchek, chhiakmîn, mihnâng dûmmek, ngale achhih ngenâng phoangkhâ,

1 TIMOTHI 6:4 Iomraidhean Croise

MOATLEM 15:2

Pol ngale Barnabas nii are junko ereheh demnâng nyahrãng chaanchhiakmîn wah, ephumma Pol le Barnabas ngale Antiok wah mihnyan khuthe Jeroselem nâng wãng lahma moattat chhoante heh demnâng erejunko thômîn wah.

MOATLEM 18:15

Phumma arepa jabkhab ngale mihnyan min ngale ne niemarang junko chhiakmîn dâng phumma nededema phenthômîn en. Ngama arerãngrãng heh phenthô komah!”

MOATLEM 8:9

Erehahko Simon ngama mihnyan wathe dângwah, phumma atema poatthe rãng Samaritan mihnyan hehnâng ate ngewah jâdu pumma hôanlahma bâritthuk wah. Simon ma atemin wanthe adong ngama rângthôrii lahma dângwah,

ROMAN HEHNÂNG POLMA RAANGWAH SITI 12:16

Anga nga demnâng asen tuta dangen. Ngam poapoa nekdangen, noapnene dangen. Ngale nedede jet ajien ngama nekthong hunrii en.

ROMAN HEHNÂNG POLMA RAANGWAH SITI 13:13

Rangwo sanphiak nâng sôngte mihnyan heh rãngrãng senthemthem dange - kuhhôan lihma bôang aloam, khemjok lihma mok alek, dihiak dela kaamchhih mo, achhihli heh, mên ahiet, ngale chhahnyoak, ngale phetwanmîn heh jekre e.

ROMAN HEHNÂNG POLMA RAANGWAH SITI 14:1

Henhen putedâlem nâng ane dangeka ere mihnyan hehmin asenma roo en, ngale thin demnâng thinma chenni thonghun eka erejunko nekchhiakmîn en.

ROMAN HEHNÂNG POLMA RAANGWAH SITI 2:8

Khaka mihnyan hehma moatlem chhih dijunrãng chhahnyoak dangeka ngale toangtangpa kepmah; ereheh khohnâng Joban ma ate nyahrãng rinkhah chaanpa elên a.

1 KORINT 11:16

Rohkomin are ngin khohko henma komin chhiakmîn mehun enko, ngama thôkoh eka, ninângmin ngale Joban nâng putedâlemte Asâthem hehnângmin are lêko lihân rangsoam niemarang ahotu.

1 KORINT 11:18

Abengthôanko ngama tattek nekhu rangsoam rãng chohmîn ko nekhuchhang nâng hung lejut dangeken; ngale arepa nginlinlin ngama pute ekang.

1 KORINT 3:18

Nema nedede nekbasietrii en. Nekhuwah henma komin atea are hahtokkhoh junko jet ajien ngama methong hunrii ako, atea are hahtokkhoh ko aba rãngrãng dângmêngmin, erohkoba linlin jet ajien eta danga.

1 KORINT 3:3

Chenrãng-ma ngako, nea athâng hehmin are hahtokkhoh wah mihnyan heh rãngrãng tong eken. Chenthu nekhu tungko phetwânmîn, mere enko, ngale wathema wathe tungko mênmîn mere enko, erejunko nea are hahtokkhoh wah hei angem mihnyan ngale hahtokkhoh hung arin junko songtong eken ngama khesok eka.

2 KORINT 11:20

Nea haa rãngrãng keplahma moatthukte mihnyan heh, nenâng joannamte heh, be nâng manrit thukte heh, nenâng dûmmek jôjêmte heh, ngale ne thhenko watte mihnyan heh, nema hungsi rinme dangletma taliet eken.

GALATIEN 5:15

Phumma nea wunwah ngem rãngrãng dangletma, wathema wathe nâng mitchek chhihchohmîn, erediko buh awatmin reletma medang enko, thatsûtan en, wanwanthe ma phangtang etathôan ritphemîn en.

GALATIEN 5:26

Nãnga ngam poapoa ledangmin, ngale wathema wathe rin lekhahsiet mînmin, erediko wathema wathe nâng lephatwân mînmin.

GALATIEN 6:3

Henma komin atea sekhota mihnyan danglahma, ngamin wathe alemli mihnyan jôba ngama thonghunrii eka, erepumma ate dedeba diapchhahrii eka.

FILIPIEN 1:15

Khaka hehma thin a mihphet mihwan danglahma Krista nginkongpa phoangthô tadangthem a, rohkomin khaka hehma linlin hungsen rinsen ma phoangthô eka.

FILIPIEN 2:14

Chentô moatlem pa lesileni ngale lechhiakmîn ma mo en,

FILIPIEN 2:3

Chenni min mâmâ dede mînsênrãng ngama thonghun letma nekmo en, wathema wathe demnâng numnene dangen, ngale roantangma nedede noma mihhan ba asen ngama thonghun en.

KOLOSIEN 2:18

Athânkhe junko adong ngama thônghunritte, ngale ahôanma diapnumritte, erediko Joban ngintatte hehnâng soamtô rãng chiente hehnâng nekmokwânrii en. Chenrãngma ngako, ererãngrãng mihnyan heh thin hei angem hung arin junma thonghun lahma chhihsietrii eka

2 THISALONIKA 2:4

Atema chentô joban ngale soamtô rewak eka heh lelatnâng danglahma atedede thin khohko dongrii lahma etonga. Atea Joban Rangsoamhum khennângmin tonghu lahma Joban ngama engariia.

1 TIMOTHI 1:4

Thinnâng tewa nginchha ngale te awi heh nginkong heh thômîn pa jek chenrewak a ngama thôkoh, ereheh metham thômîn eko chhiakmîn loloba ere e; erehehma Joban moatlem nâng chohsû mahhi, Joban moatlem pa putedâlem junma loloba tâmoatmin.

1 TIMOTHI 1:7

Thin a Joban niemarang hethôte rãng dânghun wakeka, rohkomin, thindede jabkhab pa thinma jetmah, ngale thinma chenni jetlahma jab eka erepemin jetmah.

1 TIMOTHI 3:6

Ngale atea arohroh Joban Niemarang pa kepnyante min ledangmin, eroh medang ako atemin ngam apoarii lahma juchhih chhihjâtah rãngrãng echhihjâa.

2 TIMOTHI 2:14

Are nginpa nãng mihnyan hehnâng thõngthô koh, ngale Joban mathahko thinnâng are jabkhab hehrãngma lemênmin rãng thôkoh. Eroh memênmîn eko chenjô asen hongdangwãng mahra, atatte mihnyan heh ba echhihsiet a.

2 TIMOTHI 2:23

Rohkomin aba rãngrãng nginmõang phoang chhiakmîn hehwah ataangreo; nangma ajet athôanko amênmîn jôba erewak a.

2 TIMOTHI 3:4

thinma mihheh phoang chensãng, hen roakmin leweih, ngale ngam apoarit erewak a; thinma Joban nâng hun noma khuhah nâhah dângko lolo ehunwak a;

TITAS 3:9

Rohko-min aba ata rãngrãng phoang chhiakmîn, te awi heh roandông ngin thômîn, mên ahietmîn ngin, ngale Niemarang hehrãngma mênmîn hehwah ajekre en. Are chentôpa sekhota ngin.

JEMS 1:19

Ngama nyahrãng ahun lemruchha heh! arepa thonghun en, Atat pa anga ngama senthemthem tat en, rohkomin jab pa ane jab en, ngale rin lemlienma nekkhah en.

2 PITER 2:12

Are nginmõang phoang hethôte mihnyan heh wunngem lolihma rângritphe e rãngrãng, thin hungnâng chenjô lechhem hun thangma thinma lejet dangeka lelatnâng chhih jabwak eka; thin a wunwah ngem heh lolihma rângritphe e rãngrãng ritphemin,

2 PITER 2:18

Thinma sekhota ngin heh jablahma ngam apoarii wakeka, ngale kaamchhih molahma sôngtôngte mihnyan heh chhangwah pechhoanrãng phungte mihnyan heh thin hei angem phoang pumma kaamchhih moeka hehnâng mãnriithuk eka.

JUD MA RAANGWAH SITI 1:10

Phumma are mihnyan hehma chenpa lejet dangeka ereko jõjêm wakeka; ngale thinma wunngem hehma nêm atek junko rângjet arãngrãng thinma chenni jeteka ereheh mejôba thinchhihsiet eka.

JUD MA RAANGWAH SITI 1:16

Are mihnyan heh roantang mejû joang alîn ngale mihhan heh phoang chhihthôte; ngale thinma thindede hung arinwah achhih heh junko moeka; ngale thinma thindede rângthôrii eka, erediko thinma chenni huneka erepa jienchohrãng thinma mihan hehnâng phoang johchhah eka.

LOATKHESOK 3:17

Nema ngaeken, ‘Nga a techhu ngale chennijô thoammek; ngama chenni hunekanga ereheh phangtang tonghang ngaeken.’ Rohkomin nea chentô tangchhih a ngale chentô mînchenlia erepa jetriimet! Nea tangchhih, bôangloang, ngale mitdoak.