1 TIMOTHI 6:2 - NIEMNYAN Naga NT (BSI)

² Kristan tângtewa haa dângte heh mâmâ tângtewa nginlekep ledangmin, chenrãngma ngako thinmin thinpho anaa jôba. Erenoma, thinnâng ajahba sênkhoakhêm min, chenrãngma ngako, thinma mokoh eka hehmin putedâlemte ngale thinma hun achhâ wakeka. Are ngin heh nema metkep hethô en ngale phoangthôkoh en.

1 TIMOTHI 6:2 Iomraidhean Croise

MATHIU 23:8

Phumma nenâng ‘hethôte’ ngama leroomin, chenrãngma ngako, nekhua pho anaa tuta, ‘hethôte’ pa wathe loloba tonga.

MATHIU 25:40

Phumma Lowang pumma edânthanga, ‘Ngama nenâng thôkoh eka, chenthu nema ngadijunte arinthôan wathe nâng chohsûtet a, arepa nganâng chohsok wah!’

MATHIU 6:24

“Henjô tângte wanii haa tadang mah; atema watheko chhihchoh erea, ngale watheko sênchoh erea; wathe nginpa senthemthem ekep a, ngale wathe nginpa lekep edanga. Nema Joban ngale ngun akem wanniinii taroam khoakhem met.

MOATLEM 1:15

Jâthe jânii diko putedâlemte heh ngoangthun rãng khôanwah, eko chentô tungko châthe roaknii dângwah, ngale Piter nginthôrãng tôanchepwah.

ROMAN HEHNÂNG POLMA RAANGWAH SITI 11:17

Humnâng khiet apân eka Oliv bãngkowah bãngphak phakjâchhoan eka, phumma phakjâ chhoan re ekako wunwah Oliv bãngphak kowah choatkhhek hûeka. Ne Jews ledangte heh ere wunwah Oliv bãng rãngrãng, ngale ade phumma nema Jews heh demnâng roamletma Joban wah khope pa choh eken.

ROMAN HEHNÂNG POLMA RAANGWAH SITI 8:29

Henhen pa Joban ma renlahma thieneka ere mihnyan heh ate Chha rãngrãng dângrãngma araangraang reethien eka, erohwah ate Chhapa humkâdong kowah khhepho chha dangeka.

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.

IFISIEN 1:1

Joban hungsi junko Jisu Krista moattat chhoante Pol ngewah- Ifisus wah Joban nâng putedâlemte, ngale Jisu Krista demnâng aroamma danglahma thin roandôngko toangtangma dângte hehnâng raangeka:

IFISIEN 1:15

Are junko, chenthuma nema Teso Jisu nâng putedâlem letma, ngale chentô Joban nâng putedâlemte mihnyan hehnâng hun achhâ letma chohtat tekwah,

IFISIEN 3:6

Apatritli nginpa dangeka, nginkongsen junma Jews ledangte hehmin Jews heh demnâng roamlahma Joban wah rang johkepmin; thinmin phoangthe kowah tuta jôba, ngale Jisu Krista junma Joban ma toamsem tahko thinmin johroam eka.

KOLOSIEN 1:2

Kolosien hahwah Joban nâng putedâlemte mihnyan, ngale Krista mînko toangtang lemruchha hehnâng raangeka: Nãng Wa Joban ma nekhu nâng ate mînchenchaan ngale mêmo chenkohhèn.

KOLOSIEN 1:4

Chenrãngma ngako, nema Teso Jisu Krista nâng putedâlem eken le, nema chentô Joban nâng putedâlemte mihnyan hehnâng hun achhâ eken heh nima chohtattih.

KOLOSIEN 4:1

Tângte heh ne haaheh demnâng asen ngale toangtang dangen, nekhôan nekjôan waken. Thonghun en nerãng rangkhethung nâng ne Tângte min tonga.

2 THISALONIKA 1:3

Lemruchha heh, nekhurãng nima Joban nâng sanpoat roakweih dangkoh a ngaeki. Nima are dangkoh a ngaeki pa angat khônâng ngaeki, chenrãngma ngako, ne putedâlem pa nyahrãng dongeka, ngale nekhuma wathema wathe nâng hun achetmîn pemin nyahrãng dongeka.

1 TIMOTHI 4:11

Thinnâng are ngin heh rîn akhah lohma hethôo.

1 TIMOTHI 5:1

Phannang hehnâng nekritnga, rohkomin nangwa rãngrãng thonghun lohma rosep o. Nang noma leta hehnângmin nangnaa rãngrãng thonghun lohma thien o,

TITAS 2:1

Rohkomin niemarang sen junko chenpa pun eka erepa nangma hethôo.

TITAS 2:15

Are ngin heh hethôwak o, ngale nang nginko jetatte hehnâng nangma hungdông sietrãng ngale ritnga lohma rîn akhahrãng chaankoh eki. Ngale henmejô nangnâng thãjõ lembe nekchen thonghun eho.

TITAS 3:8

Arepa toangtang ngin. Nekhuma are nginpa senthemthem chenjet en ngama hun ekang, erohkoba henhenma Joban nâng putedâlem eken a erehehma ne roandôngko moatlemsen moletma etongen, ngale erepa anga ngarãngma asenli ngale alemli.

HIBRU 3:1

Ngalemruchha Kristan mihnyan heh, Joban ma rooehèn heh! Nãngma thôeki putedâlem khohko Soam aroakte adongthôan dângrãng Joban ma chienkat era Jisu nâng thatthong hun tan en.

HIBRU 3:14

Chenrãngma ngako, nãngma khebengwah putedâlemtih rãngrãng athôan kotuk rongtêngtêng medang eko, nãngkhu anga nga Krista demnâng aroamma etadange.

1 PITER 5:1

Ngadede min Asâthem heh khhepho phannang danglekma nekhuchhang wah Asâthem heh khhepho phannang hehnâng rosep eka. Ngama Krista ma chêmchoh tahpa khetek, ngale chenthu ate mîndong lahma nãngnâng khesok jâko Ngamin ereko ejohroam ang. Ngama nenâng rosep eka

2 PITER 2:10

ajahthôan pa Joban nginlekep thangma thin hei angem phoang pumma phetwân lahma huneka rãngrãng moatte heh echêmthuk a. Are nginmõang hethôte heh hungdong rindong ngale nyahrãng angam, ngale thinma rangkhethung wah hehnângmin achhih ngatrãng cheimah; erenoma thinma rangkhethung wah hehnâng jõjêm re eka.

JUD MA RAANGWAH SITI 1:8

Ererãngrãngjô, are mihnyan chhih hehma thindede phoangrãng pap dêngli moeka; thinma Joban hôkum min kepmah, ngale rangkhethung wah achoangthôan wah Joban ngintatte hehnângmin jõjêm eka.