1 TIMOTHI 6:16 - NIEMNYAN Naga NT (BSI)

¹⁶ Ate lolo jôba chenthumin leriite; atea henmin letahû thin wenphiak tâko songeka. Henmemin ate mathat kheka; henmemin ate khemah. Ate lolo nâng jôba roantang roanjêngma toak asânmin ngale atenâng lolo jôba roantang roanjêng lechhihjâ chaantong eka! Amen.

1 TIMOTHI 6:16 Iomraidhean Croise

JON MA RAANGWAH NGINKONGSEN 1:18

Henmemin Joban mathatkhe eka. Rohkomin Joban danglahma Joban Wa demko tôngte wathelolo ate Chha pumma Joban pa jetthuk ehi.

JON MA RAANGWAH NGINKONGSEN 14:9

Jisu ma dânthâng wah, “Filip, chenthu thuma nga nekhu demnâng dângwah; rohkomin athângheh nângmin nangma nga majet ehangne? Henhenma ngakhe ehanga erehehma Wamin lâkhetah. Nangma chenrãngma, ‘Wa pa ninâng khesok hi’ ngaekoa?

JON MA RAANGWAH NGINKONGSEN 6:46

Rohkomin arepa henma komin Wa lâthat chohkhetah ngama ngat dangmah; henpa Joban tâwah kaera erepumma loloba Wa pa lâchohkhetah.

JON MA RAANGWAH NGINKONGSEN 8:58

Jisu ma dânthâng wah, “Ngama toangtang thôkoh eka, Abraham mako ‘NGA’ dângwah.”

IFISIEN 3:21

Asâthem ngale Jisu Krista junma Joban mîn sanpoat roakweih ngale roantang roangjêng rãng adong chendanga! Amen.

FILIPIEN 4:20

Nãng Joban ngale nãng Wa mînpa roantang roangjêng rãng adong chendanga! Amen

KOLOSIEN 1:15

Krista pa mitma lekhe Joban phoangrãngrãng. Ngale atea Joban khhepho Chha, chentô tem atiek tahheh wah atea adongthôan.

1 TIMOTHI 1:17

Roantang roanjêng Lowang, chenthumin leriite ngale mitma lekheli wathelolo Joban - atemîn lolo jôba roantang roanjêng rãngma dongsiet lihma toak asân e! Amen.

HIBRU 13:8

Jisu Krista pa mejâ, thejâ, ngale roantang roangjêng rãng mãnthe.

JEMS 1:17

Chentô asenli ngale apunli hînhô heh rangkhethung wah kaera; erepa rangkhethung wah wenphiak Hôante Joban tâwah kaera, atea chenthumin litjâmah, ngale chenthumin rangnyek rãng litjâmah.

1 JON 1:5

Nima are nginpa ate Chha ngewah chohtat lihma nenâng thôkoh eka: Joban pa wenphiak, ngale atenâng rangnyek amãnchhajô aho.

1 JON 1:7

Phumma ate chenroh wenphiak nâng tongeka-ererãngrãng nãngmin wenphiak nâng eroh metong eko wathema wathe demnâng aroamma tongeki, ngale ate Chha Jisu hei pumma nãngpap chentô hehwah lâsâsietthi.

1 JON 4:12

Henmejô Joban mathatkhe eka, rohkomin nãngma wathema wathe nâng mehunmîn eko, Joban nãng demnâng aroamma tongehi, ngale atewah hun pemin nãngnâng senthemthem tongehi.

JUD MA RAANGWAH SITI 1:25

ngale nãng Teso Jisu Krista junma wathelolo nãng Pângte Joban pejôba mîndong, erediko adongthôan, achaanthôan, ngale chaan ahang kepte, ama komin, athuheh min, ngale roantang roanjêngma dângmin! Amen.

LOATKHESOK 1:6

ngale atema nãngkhu ate Wa Joban nâng soamtô rãng soam aroakte rãng hôanehi. Jisu Krista mîn pejôba roantang roangjêng rãng adong ngale chaanwin chendanga! Amen.

LOATKHESOK 1:8

“Nga a khekhothôan pa ngale khedithôan,” ngama Teso Joban achaanthôan ma jabeka, Henpa athuhehmin, khema komin, ngale ahokmin sanpoat komin Joban.

LOATKHESOK 21:3

Ngama tôngthin kowah chaanmõang rakjab katlahma tatwah: “Ade phumma Joban humkâ pa mihnyan heh demnâng lâdangtah! Atea thin demnâng ejohsonga, ngale thinmin Joban mihnyan edanga. Joban atedede min thin demnâng ejohdanga, ngale atea thin Joban edanga.

LOATKHESOK 22:5

Ere hahdaangko rangnyekmin ahotu dângmin, ngale thinma wentit ba sanphiakmin lelemtumin, chenrãngma ngako, Teso Joban pa thin wenphiak edanga, ngale thinma lowang heh rãngrãng roantang roangjêng rãng epên a.

LOATKHESOK 4:11

“Ni Teso ngale Ni Joban! Nangma jôba mîndông, toak asân, ngale chaan ahang heh tâchohmin. Chenrãngma ngako, chentôpa Nangma jôba hôanwah, ngale Nanghung junko nangma hin ajo thuk eko ngale roandông koh eko.”

LOATKHESOK 7:12

thinma ngatwah, “Amen! Rô, mîndông, buthi mongthem, dangkoh a ngat, toak asân, chaan ahang, ngale chentô chaan ahang pa roantang roangjêng rãng nãng Joban ngenâng tonga ngama ngatwah! Amen!”