1 TIMOTHI 5:8 - NIEMNYAN Naga NT (BSI)

⁸ Rohkomin thinma thintang amang heh lekhoakhem medang ako, ajahthem pejô thinhumte tangkâ heh lesû lere medang ako, thinma Joban nâng putedâlem mah, ngale thin a Joban nâng lepute dâlemte heh nomemin achhih.

1 TIMOTHI 5:8 Iomraidhean Croise

MATHIU 18:17

Ngale atema thin nginmin lekep medang ako, chentôpa Asâthem hehnâng thôkoh en, ngale atema Asâthem heh nginmin lekep medang ako, Joban lejette mihnyan ngale thãkho thâte mihnyan heh rãngrãng thinphe en.

MATHIU 7:11

Mihnyan chhih nema tumin mâmâ chhako asenli kohpa jet eken. Rangkhethung wah tôngte ne Wa Joban mejã tanga atewah thâte hehnâng asenlipa kohrãng chentô bâmjet eka!

JON MA RAANGWAH NGINKONGSEN 15:22

Nga kalekma hahtokkhoh wah mihnyan hehnâng lethôkoh ngako thinnâng pap aho dângmin wah; Ade phumma thinpap heh map lekohtumin.

1 KORINT 6:6

Eroh ledang thangma, Kristan wathepa ahan Kristan wathe lelatnâng chenmîn letma Joban nâng lepute dâlemte mihnyan hehnâng phenthôthuk eken!

2 KORINT 12:14

Ade rekma nga a nedemnâng chohmîn hokrãngma lôremrãng phung ekang - ngale ngama newah chenjô thamah. Ngama ne ngun ko hunmek, nekhuba huneka. Chenroh chha hehma nyong awa nâng lechohkohhû thangma chha hehnâng nyong awa hehma chohkoh hûeka rãngrãng jôba ngama nenâng huneka.

2 KORINT 6:15

Krista le joaknii chenroh jienroam min a? Ngale Joban nâng putedâlemte le Joban nang lepute dâlemte nii chenroh jienroam min a?

GALATIEN 6:10

Erohwah, nãngma sanpoat chohroakweih, anga ngarãng asenli moatlem moatmin, ajahthem pa nãngkhu demwah putedâlemte hehrãng asenlipa moatmin.

2 TIMOTHI 2:12

Nãngma chêmchei pa arohjô mamtadô lihma metong eko, Nãngmin ate demnâng ejohpên e. Nãngma ate lehun medang eko, ate memin nãngnâng lehun edanghi.

2 TIMOTHI 3:5

Thinma rangsoam niem pa mînrãng lolo keplahma, alinlin rangsoam niem chaanpa thinma lekep edanga. Arerãngrãng mihnyan heh demwah ataangreo.

TITAS 1:16

Ere hehma thin a Joban jette mihnyan ngama ngarii wakeka, rohkomin thin moatlem junko thinma Joban ngin kepmah. Thin a nyahrãng chinnyali ngale ngin lekepte, chenni moatlemsen moat akat rãngjô senmah.

2 PITER 2:1

Ama nâng Isrial mihnyan heh chhangnâng mõngmõang heh hôngwah, ngale erohjô nekhuchhang nângmin nginmõang hethôte heh ehonga. Thinma amõang ngale mihnyan chhihsiet thin niemarang heh ephoang hethôa, ngale thinma thin pêpângte Teso min lekeptu ephewak a, ngale thinma eroh molahma thindede lemlienma echhihsietrii wak a.

JUD MA RAANGWAH SITI 1:4

Chenrãngma ngako nãngma lejet tungko nãngkhu mongnâng Joban lejette mihnyan huhluphû lahma tonga, ere mihnyan hehma Joban ngewah mînchenchaan pa thintungko dihiak dela kaamchhih moatrãng chhihsiet eka, ngale thinma nãngnâng Hethôte ngale Teso wathe lolo Jisu Krista nginmin dakwak eka. Chenthu thuma Joban nyapraangma are mihnyan chhih heh mahrit nginpa thôwah.

LOATKHESOK 2:13

Ngama nekhu chenko songtong eken a ereheh ajet, phumma eretheko joak tôngthinmin tonga. Nekhua Nga demnâng toangtang dangeken, ngale Joak tongeka theko Nganâng senthemthem putedâlem lahma Ngangin phoangthôte Antipas ritphe komin nema Nganâng putedâlem pa jekmahtha.

LOATKHESOK 3:8

Nema chenni moeken a ereheh Ngama ajet; Ngama ajet nenâng chaan ajahho; rohkomin nema Nga nginkep eha ngale Nganâng senthemthem putedâlem eha. Ngama ne mathahko kâsek dôngmõang laangkoh eka, ere kâsekpa henmemin leta sekmin.