1 TIMOTHI 5:3 - NIEMNYAN Naga NT (BSI)

³ Linlinjô atelolo dângte janthoinyu hehnângmin mînchen o.

1 TIMOTHI 5:3 Iomraidhean Croise

MATHIU 15:6

Ephumma thinma thinnyong awa ngin keptumah. Eroh nema Joban nginpa chhihsiet letma nededema thôeken junko songtong eken.

MATHIU 23:13

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema mihnyan hehrãngma rangkhethung Hahsông lempa tangsekkoh eken, ngale nededemin ereko wãngmet, erediko eretheko wânghunte hehmin nema wãngthukmet!

LUK MA RAANGWAH NGINKONGSEN 7:12

Thin ere hahdaang wah panthongko hokwâng rienrienko mangrû katte heh chohmînwah. Aritte pa janthoinyu chha wathelolo dângwah, ngale hahdaang kowah mihnyan heh jahmõang janthoinyu demko mangrû johkatwah.

JON MA RAANGWAH NGINKONGSEN 1:47

Chenthu Jisu ma Nathaniel ate tânâng wâng khelahma ngatwah, “Isrial jat linlinpa anã; atenâng chenmin achhih aho!”

MOATLEM 6:1

Khediko lele, dijunte heh jahwâng rienrien, Griik jabma jabte Jews heh Hibru jabma jabte ahan Jews heh demnâng chhihchohmîn wah. Griik jabma jabte Jews hehma thin janthoinyu heh rangwo roakweih phhekchhah phenko chohmah ngama ngatwah.

MOATLEM 9:39

Ephumma Piter thin demnâng johkatwah. Chenthu ate enâng hokkhoam phumma atok dângwah humko sietwênwah, ngale eko chentô janthoinyu heh ate tumlit khôanhok wah, ngale asep nungma Dorkas ma hînpoatko tektah khet heh phangtang atenâng khesokwah.

MOATLEM 9:41

Piter ma ate tânâng hehka lahma chohsatsiet wah. Erediko atema putedâlemte phangtang roowah, ereko janthoinyu hehmin johdângwah. Ephumma atema thinnâng Tabitha ahin khesokwah.

1 THISALONIKA 2:6

Nima henwahjô rô hunmih, newahmin hunmih, ngale henwahjô hunmih,

1 TIMOTHI 5:2

Dihiak phannang hehnâng nyong rãngrãng, ngale leta hehnâng hungsâ ma nangnaa rãngrãng thonghun o.

JEMS 1:27

Joban Wama Asâ ngale Alinlin Joban nâng soam atôte pa are hehnângba ngaeka: janthoichha hehnâng sok arête ngale janthoinyu heh chêmcheiko chohsokte, ngale are hahtokkhoh wah achhih hehnâng lechhihsietrii tôngte hehnângba ngaeka.

1 PITER 2:17

Anga nga demnâng asen tuta dangen, putedâlemte ahan hehnângmin hun achhâ en, Joban dongthuk en, ngale Chofa rancheichei dangen.

1 PITER 3:7

Ererãngrãng tangwa hehmin ne tangnyu heh demnâng senthemthem dangletma hungthe rintheko songtongen, chenrãngma ngako thin a nehang achaantô dangmah. Thinnâng senthemthem khoakhem en, chenrãngma ngako thinmemin Joban ngewah roandôngpa hînhô rãngrãng nekhu demnâng aroamma choh eka. Nema eroh memo enkoba ne rangsoam ko chenni mejô tengbeng mah.