1 TIMOTHI 5:25 - NIEMNYAN Naga NT (BSI)

²⁵ Ererãngrãngjô kaamsen pemin senthemthem khe eki, ngale chenchen pa senthemthem lechohkhe dangeka erehehmin tahuh tongmah.

1 TIMOTHI 5:25 Iomraidhean Croise

MATHIU 5:16

Ererãngrãng newen pumma mihnyan heh mathahko phiak en, erohkoba nema moatlemsen moeken pa khelahma rangkhethung wah newa Joban nâng erôwak a.

LUK MA RAANGWAH NGINKONGSEN 11:33

“Henmemin wentit toaklahma huhriemmah, ba khokkhen nâng sekmah; erenoma, wentit toakthinko etoak a, erohkoba mihnyan heh humkhen nâng lupwângko thinma wenphiak pa ekhea.

MOATLEM 10:22

“Kepten, Kornilas ma chienkat ehi,” ngama thinma dânthâng wah. “Atea mihnyansen, ngale Joban nâng rangsoamte mihnyan, ngale chentô Jews heh ate rancheieka. Joban ngintatte ma ate humnâng nangrookat rãng thôkoh wah, ngale, erohkoba nangma atenâng chenni thôkohthin tonga ereheh atema eta chohtat a.”

MOATLEM 22:12

“Ere hahko mihnyan wathe ate mînpa Anania dângwah, atea Joban nâng hungkoh lahma soam atôte, ngale nãng Niemarang hehmin senthemthem kepte, ngale enângwah sôngte Jews hehmemin atenâng nyahrãng choangpe lahma dângwah.

MOATLEM 9:36

Jopa nâng dihiaknyu wathe ate mînpa Tabitha ngama dângwah, ngale atemin putedâlemte dângwah. (Griik jabma ate mînpa Dorkas dângwah, are ngaeka pa “khehhe ngaeka.”) Atema roantangma moatlemsen moatwah ngale tangchhih hehnâng chîchohsok wah.

FILIPIEN 1:11

Ngale nekhu roandôngko Jisu Krista ngewah asenli moatlem heh echoh en, ngale nema eroh moletma Joban mînpa sensiet letma edongthuk en.

1 TIMOTHI 3:7

Atenâng Asâthem heh chhangwah ledangte mihnyan hehmemin nginkepkep chendanga, erohkoba atema rêsê lechohmin ngale juchhih benâng leta mãnrii edanga.

LOATKHESOK 14:13

Erediko Ngama rangkhethung wah jabkhab jabkat lahma tatwah, “Arepa raango: Henhen athâng hehma Teso moatlem molahma riieka ere mihnyan heh rangkepte dângmin!” “Arepa linlin!” ngama Juma dânthâng wah. “Thinma moatlem chaanmo lahma chêmtah kowah khuhah nâhah eboantong wak a, chenrãngma ngako, thinma moatlemsen motah heh thin demnâng rangkhethung nâng ejohwãnga.”