1 TIMOTHI 5:10 - NIEMNYAN Naga NT (BSI)

¹⁰ ngale atea moatlemsen moatte dihiaknyu ngama mînwînte dângmin: ate chhuchha heh senthemthem dôngkhêmte, ngale ate humnâng mihwun heh tãngroo lahma jekthuk hunte, Kristan hehrãngma numnene danglahma chohsokte, chêmcheite mihnyan hehnâng chohsokte, ngale atea roantangma moatlemsen moatte dângmin.

1 TIMOTHI 5:10 Iomraidhean Croise

MATHIU 25:17

Ererãngrãngjô hahjatnii kohtah haa pummemin ahan hahjatnii ngun chohbi wah.

MATHIU 5:16

Ererãngrãng newen pumma mihnyan heh mathahko phiak en, erohkoba nema moatlemsen moeken pa khelahma rangkhethung wah newa Joban nâng erôwak a.

LUK MA RAANGWAH NGINKONGSEN 7:38

ngale Jisu dathongko tokdi ngeko chephu lahma seplahma ate mitphi pumma Jisu dasôan kohwah. Erediko ate khochoo pumma Jisu dapa choakhut kolahma chupjokwah, ngale erediko thãchaanjat tientumli pumma lokkoh rewah.

LUK MA RAANGWAH NGINKONGSEN 7:44

Erediko atema dihiaknyu ngeko ngiaksûkat lahma Simon nâng ngatwah, “Nangma are dihiaknyu pa khe ekoa? Nga nanghum nâng hûerâng ko nangma ngada merãng jo kohmahhang, phumma are dihiaknyu ma ate mitphi pumma ngada soanko lahma ate khochoo ma choakhutkoh ehang.

MOATLEM 10:22

“Kepten, Kornilas ma chienkat ehi,” ngama thinma dânthâng wah. “Atea mihnyansen, ngale Joban nâng rangsoamte mihnyan, ngale chentô Jews heh ate rancheieka. Joban ngintatte ma ate humnâng nangrookat rãng thôkoh wah, ngale, erohkoba nangma atenâng chenni thôkohthin tonga ereheh atema eta chohtat a.”

MOATLEM 22:12

“Ere hahko mihnyan wathe ate mînpa Anania dângwah, atea Joban nâng hungkoh lahma soam atôte, ngale nãng Niemarang hehmin senthemthem kepte, ngale enângwah sôngte Jews hehmemin atenâng nyahrãng choangpe lahma dângwah.

MOATLEM 6:3

Erohwah, lemruchha heh, nekhuchhang wah Asâthôanju mênchong dângte ngale hungkhem rinkhem mihnyan hehwah waengit mihnyan ren en, phumma nãngkhuma thinnâng areheh phên asên moatlem mothuk e.

MOATLEM 9:36

Jopa nâng dihiaknyu wathe ate mînpa Tabitha ngama dângwah, ngale atemin putedâlemte dângwah. (Griik jabma ate mînpa Dorkas dângwah, are ngaeka pa “khehhe ngaeka.”) Atema roantangma moatlemsen moatwah ngale tangchhih hehnâng chîchohsok wah.

MOATLEM 9:39

Ephumma Piter thin demnâng johkatwah. Chenthu ate enâng hokkhoam phumma atok dângwah humko sietwênwah, ngale eko chentô janthoinyu heh ate tumlit khôanhok wah, ngale asep nungma Dorkas ma hînpoatko tektah khet heh phangtang atenâng khesokwah.

ROMAN HEHNÂNG POLMA RAANGWAH SITI 12:13

Ne chhahkhem hehmin ne lemru Kristan tangchhih heh demnâng aroam roamma kepen, ngale mihwun hehnângmin ne humpa laangkohjû dangen.

IFISIEN 2:10

Nãng chenroh dangekia erepa Joban ma hôanehi, ngale atema nãngmin Jisu Krista demko moatlemsen heh moatrãng hôanehi, ere moatlem heh nãngma moatrãng atema lâkhoakhem kohthi.

KOLOSIEN 1:10

Erediko ba Teso ma chenroh huneka eroh eta songtongen, ngale ate rinmeli etamo en. Ngale ne roandôngko rongrup moatlemsen heh etamo en, ngale nema Joban jetletma ejien songtongen.

1 TIMOTHI 2:10

rohkomin, moatlemsen molahma, Joban nâng soam atôte dihiaknyu rãngrãng chendangwak a.

1 TIMOTHI 3:2

Asâthem heh khhepho pa chenni nângjô chhih aho dângmin; ate tangnyu min wathelolo dângmin, hungnoap rinnoap, atedede hung tâmông loatte, ngale khô alemko moatte dângmin; ngale ate humnâng mihwun heh tãngroo lahma jekthuk hunte dângmin; ngale atema mihnâng jien hethôte dângmin;

1 TIMOTHI 3:7

Atenâng Asâthem heh chhangwah ledangte mihnyan hehmemin nginkepkep chendanga, erohkoba atema rêsê lechohmin ngale juchhih benâng leta mãnrii edanga.

1 TIMOTHI 5:16

Rohkomin Kristan dihiaknyu humkâ nâng janthoinyu metong ako, thinma Asâthem hehma chenchohsûa ngama Asâthem hehnâng lephe thangma thindedema chenchohsûa, erohkoba Asâthem hehma atelolo dângte janthoinyu heh khoakhem lahma eta sûarea.

1 TIMOTHI 5:25

Ererãngrãngjô kaamsen pemin senthemthem khe eki, ngale chenchen pa senthemthem lechohkhe dangeka erehehmin tahuh tongmah.

1 TIMOTHI 6:18

Moatlem sen moatrãngma thôkoh, moatlemsen ngenâng techhu rãngrãng chendangwak a, erediko chhahme ngale mihhan heh demnâng phenphen sensen chenkep wak a.

2 TIMOTHI 1:5

Ngama nang putedâlem sen pa thonghun ekang, nangwi Lois ngale nang nyong Inuic nimemin erohjô senthemthem putedâlem wah. Nang memin erohjô putedâlem eko ngama thonghun ekang.

2 TIMOTHI 2:21

Henhenma thindede moatlem chhih hehwah sâriri danglahma tongeka, ereheh kaamsen nâng ekep a, chenrãngma ngako, thin a asâ, ngale thin Tângte rãng alemthôan, ngale chentô kaamsen katsen hehnâng ekep a.

2 TIMOTHI 3:15

ngale nangma thonghuntan nang letachha thuma, nangma Asâthôan Joban nyapraangpa ajet, erepumma nangnâng Jisu Krista nâng putedâlem junma khope chohthin buthi mongthemsen heh ekohho.

2 TIMOTHI 3:17

erohwah, henma Joban nâng soamtô eka erehehma chentô asenli moatlem heh tâjien moat akatte dângmin.

TITAS 2:14

Nãngkhu rongrup achhih ngewah pepângrãng ate roandôngpa ate dedema kohwah, ngale ate rãngma nãngkhua mihnyansâ dangthuk ehi, ngale roantangma moatlemsen moathunte mihnyan rãng hôanehi.

TITAS 2:7

Nang dedema chentô nâng jatsen patsen danglohma khesok o. Ngale nangma nyahrãng hung arin kohlohma senthemthem hethôo.

TITAS 3:1

Mihnyan hehnâng thôkoh o, thin pênte le thôte jabte heh nginkepkep chendangwak a, ngale rongrup ngema asenli tuta chenmowak a.

TITAS 3:14

Nãng mihnyan hehma sanpoat roakweih moatlemsen molihma tôngmin, erohkoba nãngma chenni lem ekia ere chentôpa etachohkep e; thinma chenjô lemo thangma nekchen tongeka.

TITAS 3:8

Arepa toangtang ngin. Nekhuma are nginpa senthemthem chenjet en ngama hun ekang, erohkoba henhenma Joban nâng putedâlem eken a erehehma ne roandôngko moatlemsen moletma etongen, ngale erepa anga ngarãngma asenli ngale alemli.

HIBRU 10:24

Erohwah wathema wathe nâng thonghunmîn e, ngale wathema wathe nâng chohsûmîn re e, erediko hun achet khesokmîn lihma asenli moe.

HIBRU 13:2

Nehum nâng mihwun heh lejekthuk nekdangen. Chenrãngma ngako mihnyan hehma eroh jekthukwah rangkhethung wah Joban ngintatte min lâjek thuktah.

1 PITER 2:12

Joban lejette heh mathahko ne jat apat heh sênmõang dangen, erohkoba chenthu thinma nenâng kaamchhih moeken ngama mesekham hènko, nema kaamsen moeken heh thinma chenkhe hèn, ngale erohkoba thinma Joban ngakkatjâ Rangwo ko atenâng erôa.

1 PITER 4:9

Ne hum heh wathema wathe nâng lesi lenii thangma khuhah nâhah laangmînkoh en.

3 JON 1:12

Anga ngama Demetrius senthôeka; ngale toangtang pummemin ate senthôeka. Ngale nimemin atea asen ngaeki, ngale nemajet nima chenni thôekia erepa toangtang.