1 TIMOTHI 4:8 - NIEMNYAN Naga NT (BSI)

⁸ Phoang nâng trening keppa phoang rãngma asen, phumma Junâng trening mekep eko erepa chentô rãngma asen, chenrãngma ngako, Junâng trening keppa athângwah roandông komin ngale khediwah roandông komin nãngma rangkepmin.

1 TIMOTHI 4:8 Iomraidhean Croise

MATHIU 12:32

Henma komin Mihnyan Chharãng mechhihjab ako map tâkohmin; rohkomin henma Asâthôanju lelatnâng chhihjab eka erehehnâng map lekohmin, athângheh min, ngale roantang roanjêng komin lekohmin.

MATHIU 19:29

Ngale henhenma ngarãngma ate hum ahah, pho nya, nyong awa, chhuchha, ngale pitthin jolem heh thînphe eka, erehehma châthe nomemin depjah engakchoh a, ngale roantang roanjêng roandôngmin echohwak a.

MATHIU 6:33

Ere noma khebeng thôanko Joban Hahsông pa benglem mêngen, ngale atema newah hun ehèn moatlem heh momêngen, erediko nema lemeken chentôpa atema ekohhèn.

MAK MA RAANGWAH NGINKONGSEN 10:30

erehehma are rôanko ajah echohwak a. Châthethiak nomemin ajah hum ahah, pho anya, nyong awa, chhuchha, ngale pit ajo echohwak a, ngale mihma chêmchei thukmin echohwak a; ngale khediwah hokmin rôanko roantang roanjêng roandông echohwak a.

LUK MA RAANGWAH NGINKONGSEN 5:38

Erenoma, angurti anyan pa thònyan ko kienmin!

ROMAN HEHNÂNG POLMA RAANGWAH SITI 8:28

Nãngma ajet Joban ma atenâng hunte hehrãngma chentôpa asenrãng moeka, ngale ere mihnyan heh atema themawa lahma ma rooeka.

1 KORINT 3:22

Pol, Apolo, ngale Piter; are hahtokkhoh pa, rit ahin, athângheh ngale khedi wah hehmin - are chentôpa phangtang nerãng tuta,

1 KORINT 8:8

Phumma phhekchhah junma nãnga Joban tânâng tasiet hûmahhi; ngale nãngma lephhek lechhah kikomin nãngwah chenjô mahchhoan mahhi, ngale mephhek mechhah ekomin nãngma chenmin bâmchohmih.

1 TIMOTHI 4:7

Rohkomin Joban nginkong ledang tewa nginchha heh nekthômîn, ereheh thômîn pa sekho. Erenoma nangdede chenroh Joban jette roandông jiendôngmin a ngama latriio.

1 TIMOTHI 6:3

Henhenma nãng Teso Jisu Krista ngin ngale nãng rangsoam niem pumma hethôeka ngin heh lekep thangma lihân niemarang amõang heh hethôeka

1 TIMOTHI 6:5

ngale kheri chhih erediko thinnâng toangtang pa aho dâng phumma roantangma achhiakmînli heh lolo hongsiet wakeka. Thinma rangsoam niem keppa techhu dângli ngama thonghun eka.

1 TIMOTHI 6:6

Phumma nãng ngenâng chenni tongehia ere demko nãng rinme wokme medang eko, rangsoam niem pumma nãng linlin nyahrãng techhu edangthuk hi.

2 TIMOTHI 3:5

Thinma rangsoam niem pa mînrãng lolo keplahma, alinlin rangsoam niem chaanpa thinma lekep edanga. Arerãngrãng mihnyan heh demwah ataangreo.

TITAS 3:8

Arepa toangtang ngin. Nekhuma are nginpa senthemthem chenjet en ngama hun ekang, erohkoba henhenma Joban nâng putedâlem eken a erehehma ne roandôngko moatlemsen moletma etongen, ngale erepa anga ngarãngma asenli ngale alemli.

HIBRU 13:9

Jatrup ledangli ngin ariet heh tatletma toangtang lemkhô kowah nekke khoam en. Jokphhek chhah niemarang heh keplihma tôngnoma Joban ngewah mînchenchaan chohlihma tôngpeba asen; henhenma phhekchhah niemarang heh keplahma tongeka ereheh nângmin ere niemarang pumma chenjô chohsûmah.

1 JON 2:25

Ngale erepa Krista ate dedema nãngnâng kohrãng toamsêm wah - erepa roantang roanjêng roandông kohrãng toamsêm wah.

LOATKHESOK 3:12

Ere tâjiente heh Ngama Nga Joban rangsoamhum thõngrãng ehôan ang, ngale thinma erethepa chenthumin lephethien min. Ngama thin khohnâng Nga Joban mînpa eraang ang, ngale Nga Joban sôngthin hahdaang Jeroselem nyan mînpa eraang ang, erehahpa Nga Joban tâwah rangkhethung wah ekara. Ngale Ngama thin khohnâng Ngamîn nyan pemin eraang ang.

LOATKHESOK 3:21

Chenroh Ngama phangtang tajien lekma Ewa tôngthin tâko ate kêko tongwãng ekang rãngrãng, henhenma phangtang tajien eka erehehmin Ngama Nga tôngthinko Nga tâko etongthuk ang.