1 TIMOTHI 4:7 - NIEMNYAN Naga NT (BSI)

⁷ Rohkomin Joban nginkong ledang tewa nginchha heh nekthômîn, ereheh thômîn pa sekho. Erenoma nangdede chenroh Joban jette roandông jiendôngmin a ngama latriio.

1 TIMOTHI 4:7 Iomraidhean Croise

MOATLEM 24:16

Erohwah ngama roantang chenpa Joban ngale mihnyan rãng asen a erepa moatrãng latrii ekang.

1 TIMOTHI 1:4

Thinnâng tewa nginchha ngale te awi heh nginkong heh thômîn pa jek chenrewak a ngama thôkoh, ereheh metham thômîn eko chhiakmîn loloba ere e; erehehma Joban moatlem nâng chohsû mahhi, Joban moatlem pa putedâlem junma loloba tâmoatmin.

1 TIMOTHI 1:9

Rohkomin arepa thônghunmin, Niemarang pa mihnyansen hehrãng hôan dangmah, Niemarang junko ledangte mihnyan, ngoan aliak, Joban lejette, ngale papi mihnyan, Joban Niemarang junko ledangte, Joban Ju ahote, mâmâ nyong awa ritphete, ngale mihphoang ritphete,

1 TIMOTHI 2:10

rohkomin, moatlemsen molahma, Joban nâng soam atôte dihiaknyu rãngrãng chendangwak a.

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

1 TIMOTHI 4:8

Phoang nâng trening keppa phoang rãngma asen, phumma Junâng trening mekep eko erepa chentô rãngma asen, chenrãngma ngako, Junâng trening keppa athângwah roandông komin ngale khediwah roandông komin nãngma rangkepmin.

1 TIMOTHI 6:11

Rohkomin nanga Joban mihnyan, arerãngrãng chentô hehwah ataangnâng tongo. Toangtang, Joban rinmeli, putedâlem sen, hun achet, chentôpa mamtadô, ngale numnene dângrãngba latriio.

1 TIMOTHI 6:20

Timothi, nangnâng Joban ma chenni sokare rãng chienthô erepa senthemthem sûareo. Sek ho ngale aba ata ngin heh nekphoang chhiakmîn, ererãngrãng ngin heh phoangchiak mînko khaka hehma “Jet ajien” reki ngama thonghun eka.

1 TIMOTHI 6:3

Henhenma nãng Teso Jisu Krista ngin ngale nãng rangsoam niem pumma hethôeka ngin heh lekep thangma lihân niemarang amõang heh hethôeka

1 TIMOTHI 6:5

ngale kheri chhih erediko thinnâng toangtang pa aho dâng phumma roantangma achhiakmînli heh lolo hongsiet wakeka. Thinma rangsoam niem keppa techhu dângli ngama thonghun eka.

2 TIMOTHI 2:16

Joban ngin ledang sekhota ngin phoangthô mînte hehwah taango, ererãngrãng ngin thômînko mihnyan pa Joban tâwah ataangsiet ba reka.

2 TIMOTHI 2:23

Rohkomin aba rãngrãng nginmõang phoang chhiakmîn hehwah ataangreo; nangma ajet athôanko amênmîn jôba erewak a.

2 TIMOTHI 3:12

Jisu Krista demnâng roamlahma henhenma Joban ma huneka rãngrãng roandông dônghun eka erehehma chêmchei chohmin;

2 TIMOTHI 3:5

Thinma rangsoam niem pa mînrãng lolo keplahma, alinlin rangsoam niem chaanpa thinma lekep edanga. Arerãngrãng mihnyan heh demwah ataangreo.

2 TIMOTHI 4:4

Thinma toangtang nginko lenyoak jetattu thangma tewa nginchha thakthômîn heh lolo enyoak jetatwak a.

TITAS 1:14

ngale thinma Jews heh tewa nginchha hehmin lekeptu edanga, ngale toangtang jabkhab lelatnâng dângte mihnyan hehma chieneka moatlem heh lemotu ejekwak a.

TITAS 2:12

Ere mînchenchaan pumma Joban lejet thangma sôngtông ngale hei ngem hung arin heh pherãng hethôehi, ngale mâmâ dede hungmông sietrii, toangtang, ngale hahtokkhoh ko Joban jetlihma sôngtôngrãng hethôehi,

TITAS 3:9

Rohko-min aba ata rãngrãng phoang chhiakmîn, te awi heh roandông ngin thômîn, mên ahietmîn ngin, ngale Niemarang hehrãngma mênmîn hehwah ajekre en. Are chentôpa sekhota ngin.

HIBRU 5:14

Phumma phhekchhah cheh akâng heh dangeka phannang hehma phhekchhah eka, ngale erehehma chenpa chhih a ngale chenpa asen a erepemin jienjetlo wakeka.