1 TIMOTHI 4:6 - NIEMNYAN Naga NT (BSI)

⁶ Nangma are ngin heh putedâlemte mihnyan hehnâng merîn mekhah oko, nanga Jisu Krista rãngma haasen edango, ngale erohkoba nangmin putedâlem jabkhab pa keplohma Ju nâng asen edango, ngale nangnâng hethô eho toangtang jabkhab pa nangma kepeko ngama ekhesok o.

1 TIMOTHI 4:6 Iomraidhean Croise

MATHIU 13:52

Ephumma atema thinnâng dânthâng wah, “Are ngaeka pa chentô, niemarang hethôte hehma rangkhethung Hahsông dijunte rãng dangwak eka, erepa hum tângte wama ate pum wah chhahkhem anyan ngale apã aroamma loatsiet rãngrãng dangeka.”

LUK MA RAANGWAH NGINKONGSEN 1:3

Adongthôan Thiofilas, chenrãngma ngako, ngama are ngin heh khebeng mejô senthemthem lâthat sûtantek. Phumma nangrãng khophen lemphen raangkohpa asen edanga ngama thonghun ekang.

MOATLEM 1:15

Jâthe jânii diko putedâlemte heh ngoangthun rãng khôanwah, eko chentô tungko châthe roaknii dângwah, ngale Piter nginthôrãng tôanchepwah.

MOATLEM 20:31

Erohwah jetletma dangen, ngale ngama nekhu anga nganâng pârem rãng chenni thôkotah a ereheh rangwo rangnyek, mitphi hongletma thonghun letma tongen.

MOATLEM 20:35

Ngama nekhu nâng rongrup nâng aroh chaanriimo lihma aboan anaa hehnâng chohsokmin ngama khesoktah, Teso Jisu dedema jabtah jabkhab pa thonghuntan en, ‘Mihnâng chohkoh pa mihwah chohthâ reki nomemin ajahthem khuhahli.’”

ROMAN HEHNÂNG POLMA RAANGWAH SITI 15:15

Rohkomin are sitiko ngama lechei thangma chenni ngin akomin raang lekma nekhu nâng ngakthông thôkoh huneka. Arepa Joban ma Nganâng ate mînchenchaan pa kohjunko nenâng lechei thangma thôkohrãng ngaekang

1 KORINT 4:17

Erohwah, ngama nekhu tânâng Kristan roandôngko ngachha linlin rãngrãng hôan lekma nyahrãng putedâlem ekang Timothi chienkat erang. Ngama Jisu Krista demnâng roam lekma nga roandông anyan dang lekma chenroh moekanga, ngale chentô thewah Asâthem hehnâng phoang hethô ekang niemarang heh atema nenâng ethôkohhèn.

2 KORINT 11:23

Thin a Krista haa ne? Ngama aba ma jab arãngrãng jab ekang - Nga thin noma haasen! Ngama nyahrãng chaanmotek, Nga phâtek nângmin melângdep thattongtek, Nganâng awatmin jahmõang watthang, ngale riinemnem wahmin ajahthem lâpetek.

2 KORINT 3:6

Atema jôba dekma raangwah ledang, Juma raangwah toamsem nyan haa tâdângrãng ninâng chaankoh ehi. Dekma raangwah niemarang pumma arit kephûera, rohkomin Juma roandông kohehi.

2 KORINT 6:4

Erohwah, nima chenjô memo ekomin, rongrup lemma nia Joban haa ngama khesokrãng chêmchei, patrit sekmah, ngale boanrit nâchhâ komin hungmong sietrii lihma thaeki.

IFISIEN 6:21

Nãngma nyahrãng huneki nãngnaa ngale Teso moatlem nâng nyahrãng hungkoh lahma haa rãngrãng danglahma moatte Tikikas ma ngangin heh phangtang nenâng ethôkoh hèn, erohkoba ngama chenni moaka ekanga ereheh nema ejet en.

FILIPIEN 2:20

Ngama hun ekang rãngrãng thonghun lahma nerãng sekmah patritte Timothi rãngrãng ahan henjô aho.

FILIPIEN 2:22

Rohkomin Timothi pa chen rãngrãng mihnyan a erepa nededema senthemthem jet en, ngale nginkongsen phoangthôko Timothi chenii wa achha rãngrãng danglihma aroam roamma moeki.

FILIPIEN 3:16

Erepa chenrohjô medang akomin, nãngkhu anga nga athuwah rãngrãng mãnthe tuta mamdang lihma amanâng wãnge.

KOLOSIEN 2:19

ngale thinma Krista nâng putedâlem pa jek eka, Krista pa mihnyan phoang rãngma khophang rãngrãng, phumma thin phoangpa thin khophang ko lechoat thangma tongwak eka. Krista khenko jôba phoangpa asen ma tongeka, ngale chentô rokchî rãchî hehmin rongtêngtêng chohmîn eka, ngale Joban ma chenroh huneka eroh dongwãng eka.

KOLOSIEN 3:16

Krista nginkongsen pa nehung nâng mênchong tongthuk en. Ere nginkongsen buthi mongthem junko wathema wathe nâng rîn akhahmîn letma hethômîn en. Rangsoamsê heh se en, Jobansê hehmin se en, ngale lihân rangsoamsê hehmin se en; nehung ma Joban nâng dangkoh a ngat nungma se en.

KOLOSIEN 4:7

Nãngma nyahrãng ahun nãng lemru Tikikas, atea Teso moatlem nâng nyahrãng hungkoh lahma moatte ngale nãng rãngrãngjô atemin Teso haa, atema nekhu nâng Ngangin heh ethôkoh hèn.

1 THISALONIKA 3:2

ngale nidemnâng Joban rãngma Jisu Krista Nginkongsen pa phoangthô moatlem johmoatte nãngnaa Timothi netânâng chienwênwah. Atema nekhu nâng chaan johkoh lahma nekhu putedâlem chendong siethèn ngama chienwên erii,

1 TIMOTHI 1:10

ngale dihiak dela kaamchhih moatte, dela rôande kaamchhih moatte, mihphoang huhloatte, mothô khoanglep thôte, ngale Joban Niemarang sen lelatnâng moatte heh rãngmeba hôaneka.

1 TIMOTHI 4:16

Nang-dede jetlohma tongo, ngale nangma hethôeko hehmin jetlohma hethôo. Are moatlem heh lejek thangma mo o, chenrãngma ngako, nangma aroh memo oko, nangdede khomin epeo, ngale nang ngin tatte hehmin kho epea.

1 TIMOTHI 6:3

Henhenma nãng Teso Jisu Krista ngin ngale nãng rangsoam niem pumma hethôeka ngin heh lekep thangma lihân niemarang amõang heh hethôeka

2 TIMOTHI 1:6

Erohwah Ngama nang khoko dekma sahlo lihma rangsoam kohko Joban ma nangnâng Ju ngenâng hînhô kohthôpa senthemthem thien o ngama ngakthõng thôkoh eki.

2 TIMOTHI 3:10

Rohkomin Ngama hethôeki nginpa, ngajat apat, ngale nga roandôngko mongthem heh nangma kepeko; nangma nga putedâlem, nga hungmông rinmông, hun achet, erediko ngama tadô ekang hehmin lâkhe thang,

2 TIMOTHI 4:3

Mihnyan hehma nginkongsen kowah toangtang ngin hethô ekako lenyoak jetat sanpoat ehûra, thin dede hung junko edangwak a, ngale thin nâma chenni jetat huneka erengin heh thinnâng hethôte lolo ajahjah ekhôansiet wak a.

TITAS 2:1

Rohkomin niemarang sen junko chenpa pun eka erepa nangma hethôo.

1 PITER 2:2

Naajengchha hehma roantangma nyong nyuhpoti linlin pa chhahhun rângdang arãngrãng, nememin neju rãngma Ju nyuhpoti linlin pa chhah en, ngale nema eroh mejok en koba dongletma kho epe en.

2 JON 1:9

Henhen komin Jisu Krista nginlekep thangma, alîenlîen nâng dangeka, ereheh nâng Joban aho. Rohkomin henhenma Jisu Krista ngin kepeka ereheh nâng Wa ngale Chha waniinii tonga.

JUD MA RAANGWAH SITI 1:5

Chenrãngma ngako, nekhuma areheh phangtang mejô mejet enkomin, Ngama nekhu nâng ngakthôkoh huneka, Teso ma rekthe Isrial mihnyan heh Igip khenwah pêsietwah, rohkomin adiko henhenma leputedâlem dangtah a ere mihnyan heh phangtang ritphe rewah.