1 TIMOTHI 4:4 - NIEMNYAN Naga NT (BSI)

⁴ Joban ma chentô hôantah a ereheh phangtang asen tuta; chenjô phethin aho, rohkomin chentôpa Joban nâng dangkoh a ngat rangsoam nungma kepmin,

1 TIMOTHI 4:4 Iomraidhean Croise

MOATLEM 10:15

Jabkhab pumma wienthe ngatwah, “Chenpa Joban ma asâ ngaeka ereko nangma achin neknga.”

MOATLEM 15:29

Moangachaang nâng kohwah phhekchhah nekchhah en; hei nekphhek en; bohko replahma ritphewah ngem nekphhek en; dihiak dela kaamchhih nekmo en. Nema arerãngrãng heh lemo medang enko nerãngma asen edanga. Asen tuta chendangen.”

MOATLEM 21:25

Phumma Jews ledangte wah putedâlemte rãng dangeka hehnâng nima moangachaang nâng kohwah phhekchhah heh nekphhek chhah en, hei nekphhek en, erediko bohkorep lahma ritphewah ngem nekphhek en ngale dihiak dela kaamchhih nekmo en ngama nginpat hôan lihma sitiraang lihma matkattih.”

ROMAN HEHNÂNG POLMA RAANGWAH SITI 14:14

Ngama Teso Jisu demnâng roamlekma jet ekang, chenni phhekchhahjô niemarang junko atedede angek aho; rohkomin nema wanwanthe phhekchhah pa niemarang junko angek methonghun enko, erepa nerãngma angek dângmin.

ROMAN HEHNÂNG POLMA RAANGWAH SITI 14:20

Joban ma chenni hôantah a erepa phhekchhah junma nekchhihsiet en. Chentô phhekchhah pa tâphhek tâchhahmin, rohkomin rongruppa phhekchhah junma mih wathe papnâng jâritkatli medang ako lephhek lechhah ba asen.

ROMAN HEHNÂNG POLMA RAANGWAH SITI 14:6

Henhenma wowothe rangwopa nyahrãng rangwo dong ngama thonghun eka ereheh memin Teso rãngma jôba moeka; ngale henhenma chentôpa phhekchhah eka ereheh memin Teso rãngma jôba moeka, chenrãngma ngako thinma ere phhekchhah rãngma Joban nâng dangkoh a ngaeka. Ngale henhenma chentôpa lephhek lechhah dangeka ereheh memin Teso rãngma jôba moeka, ngale thinmemin Joban nâng dangkoh a ngaeka.

1 KORINT 10:23

Erohwah thinma ngaeka, “Nima chentôpa tamoe.” Erepa linlin jôba, rohkomin chentôpa asen dangmah. “Nãngma chentôpa tamoe” - rohkomin chentôpa nãng toatchohte dangmah.

1 KORINT 10:25

Nehung nâng lechêm thôngphâ thangma, ngem sengthin thenâng sengeka ngem chentôpa taphhek en.

1 KORINT 10:26

Chenrãng-ma ngako Joban nyapraangma ngaeka, “Hahtokkhoh ngale chentô hahtokkhoh wah pa Teso thiak.”

1 KORINT 10:30

Ngama nga phhekchhah rãngma Joban nâng dangkoh a menga angko, mihhan ma nganâng ere phhekchhah junma chenrãngma chhihngat thin etonga?”

1 TIMOTHI 4:3

Arerãngrãng mihnyan hehma dihiak kep pemin achhih ngale wanwanthe phhekchhah pemin lephhek lechhah thin tonga ngama nginmõang heh phoangthôeka. Rohkomin ere phhekchhah heh Joban nâng putedâlem lahma toangtang jette mihnyan hehma Joban nâng dangkoh a ngatdiko phhekchhah rãng Joban ma hôaneka.