1 TIMOTHI 4:3 - NIEMNYAN Naga NT (BSI)

³ Arerãngrãng mihnyan hehma dihiak kep pemin achhih ngale wanwanthe phhekchhah pemin lephhek lechhah thin tonga ngama nginmõang heh phoangthôeka. Rohkomin ere phhekchhah heh Joban nâng putedâlem lahma toangtang jette mihnyan hehma Joban nâng dangkoh a ngatdiko phhekchhah rãng Joban ma hôaneka.

1 TIMOTHI 4:3 Iomraidhean Croise

MATHIU 14:19

Atema mihnyan hehnâng hinkhohko tongen ngama chienwah; erediko atema bankên wanbangâ ngale ngah lanii pa semlahma rangkhethung nâng sûwên lahma Joban nâng dangkoh a ngalahma rangsoam wah. Erediko atema bankên pa chhupsiet lahma ate dijunte hehnâng kohwah, ngale ate dijunte hehma mihnyan hehnâng phênkohwah.

MATHIU 15:11

Mihnyan thunko chenni chhahwen eka erepumma niemarang junko ate ngeksiet mah; ate thunwah chenni loatchhoan eka ere pummeba ngeksiet eka.”

MATHIU 15:36

Erediko Jisu ma bankên wanengit ngale ngah heh semlahma Joban nâng dangkoh a ngat rangsoam soamlahma chhupsiet wah, erediko atema dijunte hehnâng kohwah; ngale dijunte hehma mihnyan hehnâng phenkoh wah.

LUK MA RAANGWAH NGINKONGSEN 24:30

Jisu thin demnâng phhekchhah chhahrãng tôngko, atema bankên toansem lahma Joban nang dangkoh a ngat rangsoam wah; erediko atema chhupsiet lahma thinnâng kohwah.

JON MA RAANGWAH NGINKONGSEN 6:23

Khôankho ahan Tiberias wah katte heh, Teso ma Joban nâng dangkoh a ngama ngat rangsoam soamlahma jahmõang mihnyan hehma phhekchhah chhahtah josi kahko chepkatwah.

MOATLEM 27:35

Pol ma aroh ngatdiko, atema bankên roanche toanlahma, thin anga nga mathahko Joban nâng dangkoh a ngat rangsoam soam lahma, atema chhupsiet, lahma phhekwah.

ROMAN HEHNÂNG POLMA RAANGWAH SITI 14:17

Chenrãngma ngako Joban Hahsông pa jokphhek chhah rãnglolo dangmah, rohkomin, toangtang, mêmo, ngale khuhah nâhah loloba, ngale erepa Asâthôanju ma koheka.

ROMAN HEHNÂNG POLMA RAANGWAH SITI 14:3

Rongrup tâphhek tâchhahte mihnyan hehma chenjô lephhek lechhahte komin achhih lengamin; ngale pharu wahra lolo phhekchhahte pummemin rongrup phhekchhate komin athe lengamin; chenrãngma ngako Joban ma ere mihnyan pemin kepeka.

ROMAN HEHNÂNG POLMA RAANGWAH SITI 14:6

Henhenma wowothe rangwopa nyahrãng rangwo dong ngama thonghun eka ereheh memin Teso rãngma jôba moeka; ngale henhenma chentôpa phhekchhah eka ereheh memin Teso rãngma jôba moeka, chenrãngma ngako thinma ere phhekchhah rãngma Joban nâng dangkoh a ngaeka. Ngale henhenma chentôpa lephhek lechhah dangeka ereheh memin Teso rãngma jôba moeka, ngale thinmemin Joban nâng dangkoh a ngaeka.

1 KORINT 6:13

Ahan hehmemin, “Phhekchhah pa wokrãng, ngale wokpa phhekchhah rãng” ngama engathem a. Edangthem a; rohkomin Joban ma wanniinii ethôansiet a. Nãng phoangpa mihdihiak dela kaamchhih moatrãng dangmah, Teso nâng soamtô hôan rãngba; ngale phoang komin Teso ma chohkohmin.

1 KORINT 7:28

Rohkomin nangma dihiak mekep oko, erepa papmoat dangmoh; ngale janchhônya pa dela nâng mewãng ako, ate memin papmoat dangmah. Rohkomin Ngama nenâng thôkohpa tangsõng choante mihnyan hehma rangwo roakweih chêmchoh eka heh nekchenchoh eken ngameba ngaekang.

1 KORINT 8:8

Phumma phhekchhah junma nãnga Joban tânâng tasiet hûmahhi; ngale nãngma lephhek lechhah kikomin nãngwah chenjô mahchhoan mahhi, ngale mephhek mechhah ekomin nãngma chenmin bâmchohmih.

KOLOSIEN 2:16

Erohwah, nema jokphhek chhah eken junma, ba lihân pientông rangwo, ba Dânyan Lokuh Chhahwa erediko Pientông rangwo rãngma henmemin niemarang pa nekchen hôankoh ehèn.

KOLOSIEN 3:17

Erohwah, nema chentô moeken a ngale jab aja eken a ereheh Joban nâng Jisu Krista mînko dangkoh a ngat nungma mo en.

1 TIMOTHI 2:4

Atema anga nga kho chenpea ngama huneka, ngale anga nganâng toangtang pa jetthuk huneka.

1 TIMOTHI 4:4

Joban ma chentô hôantah a ereheh phangtang asen tuta; chenjô phethin aho, rohkomin chentôpa Joban nâng dangkoh a ngat rangsoam nungma kepmin,

1 TIMOTHI 5:14

Erohwah Ngama roandongthu janthoinyu heh dela nâng ngakwãng lahma chhuchha heh chha, ngale thinhumte tangkâ heh khoakhem relahma metong ako asen ngama thonghun ekang, thin eroh medang akoba thinran hehma thinnâng chhihthô thin chenjô aho edanga.

HIBRU 13:4

Anga ngama nemnyansiet pa sâpoangpoang danglihma sietmin, ngale tangnyu tangwanii wathema wathe nâng toangtang tuta dângmin. Janchhô paangmih poatko kaamchhih moatte le mihdihiak dela tungnâng kaamchhih moatte hehnâng Joban ma achhih ngatmin.

HIBRU 13:9

Jatrup ledangli ngin ariet heh tatletma toangtang lemkhô kowah nekke khoam en. Jokphhek chhah niemarang heh keplihma tôngnoma Joban ngewah mînchenchaan chohlihma tôngpeba asen; henhenma phhekchhah niemarang heh keplahma tongeka ereheh nângmin ere niemarang pumma chenjô chohsûmah.