1 TIMOTHI 4:16 - NIEMNYAN Naga NT (BSI)

¹⁶ Nang-dede jetlohma tongo, ngale nangma hethôeko hehmin jetlohma hethôo. Are moatlem heh lejek thangma mo o, chenrãngma ngako, nangma aroh memo oko, nangdede khomin epeo, ngale nang ngin tatte hehmin kho epea.

1 TIMOTHI 4:16 Iomraidhean Croise

MAK MA RAANGWAH NGINKONGSEN 13:9

“Nededema jetletma dangen. Nea Sanagog hehnâng siethû lahma ewat hèn; ngale nema hahpênte ngale Lowang hehmako ngamînko chepletma thinnâng Nginkongsen pa ethôkoh en.

LUK MA RAANGWAH NGINKONGSEN 21:34

“Jetletma dangen, ngale jokphhek chhah, erediko are hahtokkhoh roandông rãng sekmah patritjû nekdangen, eroh medang enko ere rangwo pumma lemlienma

MOATLEM 26:22

Rohkomin thejâ tôko Joban ma Nganâng chohsû ehang, ngale erohwah Ngama thejâ ako cheplekma, adong arin chentô nâng khoaktheko thôkoh eka. Ngama chenni ngaekãnga erepa Mõng hehma ngale Mosa ma jabtah pa dângwâng ngin pejôba jabekang:

MOATLEM 6:4

Ephumma nãngkhu sanpoat phangtang rangsoam ngale Joban ngin phoangthônâng koh e.”

ROMAN HEHNÂNG POLMA RAANGWAH SITI 11:14

Ngale ngama nga mihnyan hehma phetwanli molekma thinwahmin roanche kho eta pesiet ang ngama thonghun ekang.

ROMAN HEHNÂNG POLMA RAANGWAH SITI 16:17

Ngalemruchha heh, ngama nenâng rosep eka: Mihnyan heh phansiette ngale nema niwah chohtattet ngin heh lelatnâng danglahma mihnyan heh putedâlem chhihsiette mihnyan hehwah jetletma dangen. Ngale thin tâwah ataang re en!

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

1 KORINT 1:21

Chenrãngma ngako, mihnyan heh thin buthi mongthem junma ate leta jetlorãng Joban ma hôaneka. Erenoma, are nima phoangthô eki nginko thinma “aba” ngaeka ko henhenma putedâlem eka ere mihnyan heh kho chenpe a ngama Joban ma ate buthi mongthem junko hôaneka.

1 KORINT 9:22

Putedâlem nâng arinte heh demnâng moatpoatko, thin tâsiethok rãngma ngamin thin rãngrãngjô johdang ekang. Erohwah, ngama chenni lemkhô mekomin thinkho tâpesiet rãng ngama nga chentô mihnyan heh demnâng thinrãngrãng tutajô johdang ekang.

1 KORINT 9:27

Ngale mihheh toatloam mînrãng roolekma nga leta toatloam mîntu nekchen dangekang ngama ngaphoangpa tungbuhrii lekma chehsiet ekang.

IFISIEN 4:14

Ere diphumma ba nãngmin letachha heh rãngrãng ledangtu edange, ngale jowaak ma phophe katwah rãngrãng, erediko pông ma phoangmet phewah rãngrãng nãngmin mihphôang diapchhahte mihnyan hehnâng lephoang diapchhahrii edange, ere mihnyan hehma thinhungnâng buthi chhih heh keplahma mihnyan han heh lemke nâng senchhoan eka.

KOLOSIEN 4:17

Ngale Arkipas nâng, “Teso moatlem mothuk thopa senthemthem lângmo onga, ngama thôkoh en.”

1 THISALONIKA 2:16

Thinma ninâng Jews ledangte hehnâng thin khope chohthin nginkongsen phoangthôkoh pa jektang ehi. Eroh thinma thinpap khohko pap dêchong moeka. Ngale ade phumma Joban rinkhah pa thin khohnâng kaera!

1 TIMOTHI 1:3

Chenthu Nga Misidonia katlem nâng dângpoatko roseptih rãngrãng, Ngama nanga Ifisus nâng mamtong mêngo ngama rosep eki. Enâng mihnyan khuthema ledangli ngin phoanghethô eka, ngale nangma ereheh jeksiet o.

1 TIMOTHI 4:15

Ere moatlem heh nangma hungkoh lohma mo o, erohkoba anga ngama nangma moatlemsen moeko pa ekhea.

1 TIMOTHI 4:6

Nangma are ngin heh putedâlemte mihnyan hehnâng merîn mekhah oko, nanga Jisu Krista rãngma haasen edango, ngale erohkoba nangmin putedâlem jabkhab pa keplohma Ju nâng asen edango, ngale nangnâng hethô eho toangtang jabkhab pa nangma kepeko ngama ekhesok o.

2 TIMOTHI 2:10

ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

2 TIMOTHI 3:14

Rohkomin nangnâng hethôtih rãngrãng nanga rongtêngtêng putedâlem lohma roantangma toangtang dango. Nangnâng hethôte heh henhen a erepa nangma jet o,

2 TIMOTHI 4:2

Joban nginkongpa phoangthôkoh, ngale lejak thangma phoangthôkoh (Sanpoat achhih medang komin, ba asen medang komin), chhînthô, ritngat, hungdongsiet rewak o, ngale erepa nanghung mongsietrii lohma hethôwak o.

TITAS 1:9

Atenâng hethôeka nginkongsen kowah jabkhab heh senthemthem kepte dângmin. Eroh medang akoba ate memin mihhan hehnâng toangtangma hethô lahma thinhung eta dongsiet a, ngale toangtang lelatnâng dângte mihnyan hehnângmin thin a athe ngama eta khesok a.

TITAS 2:15

Are ngin heh hethôwak o, ngale nang nginko jetatte hehnâng nangma hungdông sietrãng ngale ritnga lohma rîn akhahrãng chaankoh eki. Ngale henmejô nangnâng thãjõ lembe nekchen thonghun eho.

TITAS 2:7

Nang dedema chentô nâng jatsen patsen danglohma khesok o. Ngale nangma nyahrãng hung arin kohlohma senthemthem hethôo.

FILIMON 1:19

Arepa Ngadede dekma raang ekang: arepa, Nga Pol ma, engakthum e (Are rãngma Ngama nangnâng chêmthôkoh thin dangmah, nangdede roandông pa nangma Nganâng thãpê pêwah rãngrãng dangeka.)

HIBRU 12:15

Jetletma dangen, henjô Joban mînchenchaan lechoh nekchen dangeken. Ngale bãngkhah hongphoak lahma ate bii pumma bãnghan heh rângchêmsiet arãngrãng newah mihnyan chhih nekhong en.

HIBRU 13:9

Jatrup ledangli ngin ariet heh tatletma toangtang lemkhô kowah nekke khoam en. Jokphhek chhah niemarang heh keplihma tôngnoma Joban ngewah mînchenchaan chohlihma tôngpeba asen; henhenma phhekchhah niemarang heh keplahma tongeka ereheh nângmin ere niemarang pumma chenjô chohsûmah.

JEMS 5:20

are nginpa thonghun en: Henma akomin papi mihnyan pa lemkhôchhih wah mengak siethû ako atema papi mihnyan Jupa ritwah pesiet eka ngale ajahthem pap hehmin map chohthuk eka.