15 Ere moatlem heh nangma hungkoh lohma mo o, erohkoba anga ngama nangma moatlemsen moeko pa ekhea.
Ererãngrãng newen pumma mihnyan heh mathahko phiak en, erohkoba nema moatlemsen moeken pa khelahma rangkhethung wah newa Joban nâng erôwak a.
Ephumma nãngkhu sanpoat phangtang rangsoam ngale Joban ngin phoangthônâng koh e.”
Nema Stifen ngale ate humte tangkâ heh jet en; thin a Akaia wah khebeng thôan Kristan rãng litdangte, ngale thin dedema Joban nâng putedâlemte mihnyan hehnâng sûare lahma tongeka. Ngalemruchha heh, ngama nenâng rosep eka,
Nima ajet Teso Jisu Krista ritwah ngakhînsiette Joban ma, nimin Jisu demnâng ritwah johhinsiet lahma nekhu demnâng aroamma ate tânâng esietwênhi.
Erepa nima thonghuntih nomemin adong dângwah! Khebengko Teso nâng thindede roandôngpa bengkohrit wah; ngale erediko Joban hung junko thin roandôngpa thin dedema ninângmin kohwah.
Nangma Ju chaanchoh eko pemin kep o, ere Ju chaanpa nangma chohmako Mõng hehma thôwah ngale khhepho phannang hehma nang khohko thin dekma sahlo lahma rangsoam koh poatko kohwah.
Nang-dede jetlohma tongo, ngale nangma hethôeko hehmin jetlohma hethôo. Are moatlem heh lejek thangma mo o, chenrãngma ngako, nangma aroh memo oko, nangdede khomin epeo, ngale nang ngin tatte hehmin kho epea.
Nangma are ngin heh putedâlemte mihnyan hehnâng merîn mekhah oko, nanga Jisu Krista rãngma haasen edango, ngale erohkoba nangmin putedâlem jabkhab pa keplohma Ju nâng asen edango, ngale nangnâng hethô eho toangtang jabkhab pa nangma kepeko ngama ekhesok o.
Nãngkhu rongrup achhih ngewah pepângrãng ate roandôngpa ate dedema kohwah, ngale ate rãngma nãngkhua mihnyansâ dangthuk ehi, ngale roantangma moatlemsen moathunte mihnyan rãng hôanehi.