1 TIMOTHI 4:13 - NIEMNYAN Naga NT (BSI)

¹³ Nga makaka, nang sanpoat le chaan amân heh nok atang hehnâng Joban nyapraang heh weihko lohma tongo, ngale Joban ngin heh thôkoh, ngale hethô lohma tongo.

1 TIMOTHI 4:13 Iomraidhean Croise

JON MA RAANGWAH NGINKONGSEN 5:39

Nema Joban nyapraangpa weih eken, chenrãngma ngako nema erekowah roantang roanjêng roandông chohmin ngama putedâlem eken. Phumma are Joban nyapraang pumma ngajunma jabeka!

MOATLEM 17:11

Biria wah mihnyan heh Thesalonika wah mihnyan heh nomemin hungsen rinsen jat dângwah. Thinma Joban nginkongsen ko nyahrãng hung arin kohlahma jetatwah, ngale Pol ma chenni thôkkoh eka ereheh linlin dang ale dangmah a ngama jetrãng rangwo roakweih thinma Joban nyapraang heh weih lahma dângwah.

MOATLEM 6:4

Ephumma nãngkhu sanpoat phangtang rangsoam ngale Joban ngin phoangthônâng koh e.”

ROMAN HEHNÂNG POLMA RAANGWAH SITI 12:8

mihhung dongsiet rãng mekoh hiko, nãngma mihhung dongsietmin. Ngale hen akomin mihnâng kohthin medang ako chhahme dângmin; Hen akomin thôajabte khhepho medang ako, hungkoh lihma chaanmoatmin; hen akomin mihnâng mînchenrãng mekoh ako, hungsi rinme ma moatmin.

1 KORINT 14:26

Ngalemruchha heh, Ngama are junma jabekang. Chenthu nekhu rangsoam rãng khôanko, wathema rangsoamsê pese, ahan wathema hethô, ngale ahan wathe pumma Joban ma khesokwah nginpa thôkoh, ngale ahan ma ajatjat jabma jab, ngale ahan wathema erejabpa litthô. Chentô pejô Asâthem hehrãngma asenli tuta chendanga.

1 KORINT 14:3

Rohkomin henma Joban ngin phoangthô eka erehehma mihnyan hehnâng thôkoh eka ngale thinnâng chohsû eka, hung arin dongthuk eka ngale hung arinpa senthuk re eka.

1 KORINT 14:6

Erohwah ngalemruchha heh, chenthu nga netânâng hokko, ngama ajatjat jabkhab jablekma mehû rângko nema chenni echoh ena? Nganâng Joban ma khesokwah ngin, jet ajien ngin, erediko nehung litli Joban ngin, ba nenâng chenni akomin hethô lere kako, nema asenli chhupthemin chohmet.

1 TIMOTHI 4:16

Nang-dede jetlohma tongo, ngale nangma hethôeko hehmin jetlohma hethôo. Are moatlem heh lejek thangma mo o, chenrãngma ngako, nangma aroh memo oko, nangdede khomin epeo, ngale nang ngin tatte hehmin kho epea.

1 TIMOTHI 4:6

Nangma are ngin heh putedâlemte mihnyan hehnâng merîn mekhah oko, nanga Jisu Krista rãngma haasen edango, ngale erohkoba nangmin putedâlem jabkhab pa keplohma Ju nâng asen edango, ngale nangnâng hethô eho toangtang jabkhab pa nangma kepeko ngama ekhesok o.

2 TIMOTHI 3:15

ngale nangma thonghuntan nang letachha thuma, nangma Asâthôan Joban nyapraangpa ajet, erepumma nangnâng Jisu Krista nâng putedâlem junma khope chohthin buthi mongthemsen heh ekohho.

2 TIMOTHI 4:2

Joban nginkongpa phoangthôkoh, ngale lejak thangma phoangthôkoh (Sanpoat achhih medang komin, ba asen medang komin), chhînthô, ritngat, hungdongsiet rewak o, ngale erepa nanghung mongsietrii lohma hethôwak o.

TITAS 2:15

Are ngin heh hethôwak o, ngale nang nginko jetatte hehnâng nangma hungdông sietrãng ngale ritnga lohma rîn akhahrãng chaankoh eki. Ngale henmejô nangnâng thãjõ lembe nekchen thonghun eho.