1 TIMOTHI 3:7 - NIEMNYAN Naga NT (BSI)

⁷ Atenâng Asâthem heh chhangwah ledangte mihnyan hehmemin nginkepkep chendanga, erohkoba atema rêsê lechohmin ngale juchhih benâng leta mãnrii edanga.

1 TIMOTHI 3:7 Iomraidhean Croise

MAK MA RAANGWAH NGINKONGSEN 4:11

Jisu ma dânthâng wah. “Nenâng Joban Hahsông nginpa loatjetthuk eka,” “Phumma, ahan hehma, erepa nginthakthô rãng tateka,

MOATLEM 10:22

“Kepten, Kornilas ma chienkat ehi,” ngama thinma dânthâng wah. “Atea mihnyansen, ngale Joban nâng rangsoamte mihnyan, ngale chentô Jews heh ate rancheieka. Joban ngintatte ma ate humnâng nangrookat rãng thôkoh wah, ngale, erohkoba nangma atenâng chenni thôkohthin tonga ereheh atema eta chohtat a.”

MOATLEM 22:12

“Ere hahko mihnyan wathe ate mînpa Anania dângwah, atea Joban nâng hungkoh lahma soam atôte, ngale nãng Niemarang hehmin senthemthem kepte, ngale enângwah sôngte Jews hehmemin atenâng nyahrãng choangpe lahma dângwah.

MOATLEM 6:3

Erohwah, lemruchha heh, nekhuchhang wah Asâthôanju mênchong dângte ngale hungkhem rinkhem mihnyan hehwah waengit mihnyan ren en, phumma nãngkhuma thinnâng areheh phên asên moatlem mothuk e.

1 KORINT 10:32

Jews hehnângmin, Jews ledangte hehnângmin, erediko Joban nâng putedâlemte Asâthem hehnângmin hennângjô lechêmthuk thangma songtongen.

1 KORINT 5:12

Chenrãngma ngako, ngama Joban lejette mihnyan hehnâng achhih ngatthin chenni etonga. Joban meba thinnâng achhih enga a. Rohkomin nekhuma nekhu dede demwah hehnâng achhih lenga minne? Joban nyapraangma ngaeka, “Nekhu demwah mihnyan chhihpa arephe re en.”

2 KORINT 6:3

Nima moeki moatlempa hennâng min achhih ngatrit hunmih, erohwah, nima hen lemkhô nângjô tengbengthin thienkomih.

2 KORINT 8:21

Nima chenpa asen a erepa lolo jôba moeki, erepa Joban mitsokko lolo asen ledang mihnyan heh mitsok komin asenli pa moeki.

KOLOSIEN 4:5

Joban nâng lepute dâlemte mihnyan heh mitsokko jetletma dangen, ngale sanpoat roakweih thinnâng Joban nginpa senthemthem thôkoh en.

1 THISALONIKA 4:12

Eroh dangletma mesong metong enkoba Joban nâng lepute dâlemte mihnyan hehma nenâng edâlem hèn ngale neran echeiwak a, ngale nema chenni lemeken a ereheh rãngmemin mihnâng ledâlem etadangen.

1 THISALONIKA 5:22

ngale achhihli chentôpa aphe re en.

1 TIMOTHI 3:6

Ngale atea arohroh Joban Niemarang pa kepnyante min ledangmin, eroh medang ako atemin ngam apoarii lahma juchhih chhihjâtah rãngrãng echhihjâa.

1 TIMOTHI 5:14

Erohwah Ngama roandongthu janthoinyu heh dela nâng ngakwãng lahma chhuchha heh chha, ngale thinhumte tangkâ heh khoakhem relahma metong ako asen ngama thonghun ekang, thin eroh medang akoba thinran hehma thinnâng chhihthô thin chenjô aho edanga.

1 TIMOTHI 6:9

Rohkomin henhen techhu dânghun eka, ereheh achhih ngenâng jâriieka, ngale benâng mânritwah rãngrãng hung arin nâng rongrup achhihli heh thonghun eka pumma jâsiet lahma chhihsiet eka.

2 TIMOTHI 2:26

Ngale joakma lolahma ate hungsiko mothuk lahma thien eka kowah, thinhung nâng moatlem chhihba memo ekia ngama ngakchoh thonghun lahma juchhih bewah epechhoan wak a.

TITAS 2:5

mâmâ dede hung tâmông sietrit, sâpoangpoang, erediko mâmâ tangwa nginkepkep dângte dihiak sen dângrãng chen hethô wak a, erohkoba henmemin Joban ngewah choheki nginkongsen lelatnâng lechhihthô edanga.

TITAS 2:8

Mihma lechhih thôli jabkhab heh jab o, erohkoba nangran hehma nang lelatnâng chenjô lejien chhihjab erêsêriia.

3 JON 1:12

Anga ngama Demetrius senthôeka; ngale toangtang pummemin ate senthôeka. Ngale nimemin atea asen ngaeki, ngale nemajet nima chenni thôekia erepa toangtang.